𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)

Part-69

“ဒီနေရာက တကယ်ဆိုဘာမှမဟုတ်ဘူးလေ။ ကိုယ်တို့မှာ ဒီလိုအခွဲပေါင်း သိန်းချီရှိတယ်။ ဒါပေမဲ့ ဒီနေရာကတော့ ကိုယ်တို့ဂိုဏ်းရဲ့စတင်ရာပေါ့။ အဖေကအရာအားလုံးကို ဒီကစခဲ့တာလေ။ ဒါကြောင့်မင်းကို ဒီကိုအရင်ခေါ်လာတာ။ ကိုယ်တို့ကမူးယစ်ဆေးရောင်းတယ်။ လူသတ်တယ်။လောင်းကစားဝိုင်းတွေအများကြီးထောင်တယ်။ မြေအောက်ဂိုဏ်းဆိုမှတော့ မဟုတ်တာအကုန်လုပ်တယ်။ ဒါပေမဲ့ ဘေဘီမလုပ်ချင်ရင်မလုပ်လို့ရတယ်။ ငရဲကြီးရင်ကိုယ်ပဲကြီးပါရစေ။ ဘေဘီ့ကိုအပြစ်မဖြစ်စေချင်ဘူး။”

ဂျွန်ဝူးစကားတွေကြောင့် တွေဝေနေသည့်သူမျက်ဝန်းတို့က ပြန်လည်တည်ငြိမ်လာသည်။

“ဟင့်အင်း။ ကျွန်တော် လုပ်မယ်။ ကျွန်တော်က ခင်ဗျားနဲ့အတူ ကမ္ဘာအဆုံးထိရည်ရွယ်ထားတာ။ ခင်ဗျားကငရဲသားကြီးဖြစ်နေပြီး ကျွန်တော်က နတ်သားလေးဖြစ်နေရင် ဘယ်လိုလုပ်အဆင်ပြေမှာလဲ။ အကောင်းအဆိုး အရာအားလုံးကို အတူဖြစ်စေချင်တယ်။ ခင်ဗျား ဒါကိုစွန့်လွှတ်ဖို့ ကျွန်တော်ကြိုးစားမယ်။ မဖြစ်နိုင်ဘူးဆိုရင်လည်း ကျွန်တော်ပါ နစ်မွန်းလိုက်မယ်။ ခင်ဗျားသိလား။ အချစ်ကလူကိုရူးစေတယ်။ အကောင်းအဆိုးတွေအားလုံးက အချစ်နဲ့တွေ့ရင် ဘာမှမရှိတော့ဘူး။ အခု ခင်ဗျားကြောင့် ကျွန်တော်ရူးသွားပြီ။ သေချာမဆုံးဖြတ်နိုင်တော့ဘူး။”

ဂျွန်ဝူးက ပြုံးကာ အင်းထယ်ရဲ့မျက်နှာလေးကို သူ့ဘက်သို့ဆွဲယူလိုက်သည်။ ချစ်သည်ဟူသောစကားကို အကြိမ်ကြိမ်ပြောဖူးပေမဲ့ အခုထိရှက်နေဆဲဖြစ်သော ကောင်လေး၏မျက်နှာက နီရဲနေသည်။ ဂျွန်ဝူးက အင်းထယ်ရဲ့နှုတ်ခမ်းတွေကို နူးညံ့စွာနမ်းရှိုက်သည်။ တဖြေးဖြေးတိုးဝင်လာသောလျှာက တစ်ဖက်ကကောင်လေး၏နှုတ်ခမ်းနုနုကလေးဆီသို့ ထိုးဖောက်ကာ အထဲရှိအရာအားလုံးကို စူးစမ်းနေသယောင်။ လက်နှစ်စုံ၏ရွေ့လျားခြင်းက ခန္တာကိုယ်နှစ်ခုအားပူလောင်လာစေသည်။

ဂျွန်ဝူးက သူ့အပေါ်ကုတ်အင်္ကျီကိုချွတ်လိုက်ကာ စားပွဲပေါ်မှစာရွက်တွေအားလုံးကို ဆွဲရမ်း၍ ကောင်လေးကိုချီမ,ကာ စားပွဲပေါ်သို့တင်လိုက်သည်။ ထိုအဆင့်အထိ သူတို့နှစ်ယောက်၏နှုတ်ခမ်းတွေကဆက်စပ်နေဆဲ။ ပူရှိန်းနံ့လေးသင်းသင်းလေးက အင်းထယ်ရဲ့နားတွေကို နီရဲလာစေသလို အင်းထယ်၏ကိုယ်လုံးလေးမှထွက်လာသည့် နို့နံ့သင်းသင်းလေးကြောင့်လည်း ဂျွန်ဝူး၏အနမ်းတွေက ပိုပိုပြီးပြင်းထန်လာသည်။ ဒီအနမ်းက အင်းထယ်တစ်ကိုယ်လုံးကို သူ့ပါးစပ်ထဲငုံထားတော့မည့်သယောင်ဖြစ်နေသည်။