Part-64

6.4K 815 44
                                    

Uni

ဆိုးလ်မြို့၏ညခင်းတစ်ခုတွင်ဖြစ်သည်။ ကားမီးရောင်စုံရှိသလို ဆိုင်ခန်းများစွာ၊ အိမ်ပေါင်းများစွာရဲ့မီးရောင်တွေကလည်း တလက်လက်ဖြင့် ညအမှောင်ကို ဆန့်ကျင်နေကြသည်။ ဟိုးယခင်နှစ်ပေါင်းများစွာကလို လ၏အလင်းသည် ကမ္ဘာမြေပေါ်သို့ ရှင်းလင်းစွာမကျရောက်နိုင်တော့ဘဲ လျှပ်စစ်မီးရောင်များနှင့်သာ လင်းထိန်နေကြပြီဖြစ်သည်။ သီချင်းသံတွေစုံနေသည့် ကလပ်တစ်ခုအတွင်းဝယ် မိန်းမလှလေးတစ်ယောက်ထိုင်နေသည်။ သူမသည် ခန္တာကိုယ်ကောက်ကြောင်းကို ထင်ရှားစေမည့် ဝတ်စုံမျိုးကိုဝတ်ထားတာကြောင့် အလှကထင်းခနဲရှင်းခနဲရှိလှသည်။ ဆံပင်ခွေခွေတို့က အကာအကွယ်မဲ့နေသည့် ပုခုံးသားပေါ်သို့ ခပ်ဖွဖွကျဆင်းသည်။

နှုတ်ခမ်းနီရဲရဲနှင့် မျက်ဝန်းတောက်တောက်တို့အပါအဝင် အဝတ်အစားကလည်းပါဝင်အားဖြည့်ပေးသည်ဖြစ်ရာ ကလပ်ထဲရှိ ယောက်ျားသားတို့၏မျက်လုံးတွေသည် သူမဆီမှာသာ တည်တံ့နေတော့သည်။ ခပ်ဝေးဝေးကနေ ရှုစားနေသူများရှိသလို အနားသို့လာရောသူများလည်းရှိသည်။ မိန်းမပျိုလေးကတော့ ဝိုင်အသောက်မပျက်ဘဲ သူ့အတွေးနှင့်သူ နစ်မြောနေဆဲ။ အတန်ကြာ ငြိမ်သက်စွာထိုင်ပြီးနောက်မှာတော့ အသက်ဝဝရှူသွင်းကာ ဖုန်းကိုကောက်ကိုင်လိုက်သည်။ အလွတ်ရနေသော နံပါတ်တစ်ချို့ကိုနှိပ်ပြီးနောက်မှာတော့ ဖုန်းဝင်သံတတူတူကိုကြားရတာ သူမအတွက် ရင်ဖိုစရာကောင်းလှသည်။ တစ်ဖက်မှထွက်ပေါ်လာမည့်အသံလေးသည် သူမအတွက် အချိုသာဆုံးအသံလေးဖြစ်နေသည်လေ။

“Hello”

ခန့်ညားတည်ငြိမ်ခြင်းတို့ပါဝင်သော ထိုအမျိုးသား၏အသံက သူမကိုရင်ခုန်အောင်စွမ်းနိုင်ပါသည်။ အကယ်၍သာ ဒီအမျိုးသားက သူမကိုတကယ်မချစ်ဘူးဆိုရင်ဖြင့် သူမ ဘယ်လောက်ခံစားရနိုင်ပါမည်လဲ။ သူမ ကြိုမသိနိုင်တော့။ ဒီညသည် သူမလျှောက်ရမည့်လမ်းကို အဆုံးအဖြတ်ပေးပေလိမ့်မည်။ သူမရဲ့ဘေးမှာ သူမမြတ်နိုးရသူ ရှိနေနိုင်၊ မနေနိုင် ဆုံးဖြတ်ပေးလိမ့်မည်။ ဒါကြောင့် မလုပ်ဖူးသည့် ကောင်းမှုတွေကအစ မလုပ်ဖူးသည့် ယတြာတွေအဆုံး သူမ အကုန်လုပ်ထားပါသည်။

𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)Where stories live. Discover now