“ဘာလုပ်နေတာလဲ ခင်ဗျား။ လွှတ်။ ကျွန်တော့်ကို”
အင်းထယ်က ရုန်းနေပေမဲ့လည်း ဂျွန်ဝူးက ဘာမှမပြောဘဲ သူလုပ်နေတာကို ပြီးအောင်လုပ်လိုက်သည်။ အားချင်းမမျှတာမို့ အင်းထယ်ရဲ့ရုန်းကန်မှုက အရာမထင်။ သူက အရမ်းကို စိတ်အချဉ်ပေါက်နေပြီဖြစ်သည်။ နောက်ဘဝကျရင်တော့ အားအရမ်းကြီးတဲ့ခန္တာကိုယ်ထဲဝင်ရအောင် ရက်ချ်ကိုလာဘ်ထိုးထားရမလားလို့တွေးမိသည်။ ဒါမှသူ့ချစ်သူကို စိတ်တိုလာရင် တစ်ချက်လောက်ဖြစ်ဖြစ် ကန်နိုင်အောင်လေ။
ဂျွန်ဝူးက ကောင်လေးရဲ့အပေါ်အိင်္ကျီကိုချွတ်ကာ ညာလက်တစ်ဖက်တည်းနှင့်ဆွဲဖက်လိုက်သည်။ ရင်ခွင်ထဲကကောင်လေးစိတ်ဆိုးနေမယ်ဆိုတာ သူသိသားပဲ။ ဒါပေမဲ့ ဒီမြင်ကွင်းအတွက် သူစိတ်ဆိုးခံရလည်း ကိစ္စမရှိဘူးလေ။
“ကြည့်လိုက်။”
“ဘာ?”
ခွေးပေါက်လေးလိုစွာနေသည့်ကောင်လေးမျက်နှာကို လက်ဖဝါးကြီးနှင့် ခဏလောက်ဖျစ်လိုက်သည်။
“အနောက်ကမှန်ကိုကြည့်လိုက်”
အနောက်ကိုလှည့်ကြည့်လိုက်တော့ ကိုယ်လုံးပေါ်မှန်ကိုမြင်ရသည်။ ဂျွန်ဝူးက ဖက်ထားတာမို့ အင်းထယ်ရဲ့နောက်ကျောကသာ မှန်မှာပေါ်နေလေသည်။ အင်းထယ်ကိုယ်လုံးလေးက ဂျွန်ဝူးရဲ့ရင်ဘတ်တစ်ခြမ်းစာနေရာယူထားကာ နောက်ရင်ဘတ်တစ်ခြမ်းမှာတော့ ကျားပုံတက်တူးတစ်ပိုင်းတစ်စကပေါ်နေသည်။ အင်းထယ်က အမြန်ပဲသဘောပေါက်သွားကာ မြင်ကွင်းတစ်ခုလုံးကို ဝေ့ဝိုက်ကြည့်လိုက်သည်။
ဂျွန်ဝူးရဲ့ရင်ဘတ်နှင့်အင်းထယ်ရဲ့နောက်ကျော နှစ်ခုပေါင်းမှ ပုံတစ်ခုကပြည့်စုံစွာထွက်လာလေသည်။ ကျားနှင့်နဂါး...........။ တစ်ကောင်နဲ့တစ်ကောင် နီးကပ်နေပုံကို ဆွဲထားသည်က အသက်ဝင်လှသည်။ လှလည်းလှသလို သူ့ချစ်သူနှင့်သူ နှစ်ယောက်ပေါင်းမှ ပြည့်စုံသည့် ပုံလေးမို့ သူသဘောကျသွားသည်။ နေ့တစ်ဝက်နီးပါး စူပုတ်နေရာမှ ပြန်ပြုံးလိုက်တော့သည်။ သူ့ချစ်သူက သူ့စိတ်ကို ငိုစေရယ်စေ အမျိုးမျိုးတတ်နိုင်သည့် တစ်ဦးတည်းသော သူလည်းဖြစ်သည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
Part_59
Start from the beginning
