“ငါ့သမီးလေးက ဉာဏ်ကောင်းပါတယ်။ ခဏလေးနဲ့တတ်တယ်။ ဒါနဲ့သမီးလေး,မနက်ဖြန်ကျရင် သမီးခင်ပွန်းကိုလက်စွမ်းပြလိုက်ပါဦး။ ငါ့သမီးလက်ရာတတ်သလောက်ကလေး မေမေလည်း စားကြည့်ချင်လို့လေ။”
“ဟုတ်ကဲ့မေမေ အဲ့လိုပဲလုပ်လိုက်ပါ့မယ်။”
“အာ......ဒါနဲ့လေမေမေ တစ်ယောက်ထဲဆို သင် ပင်ပန်းမှာပေါ့။ ကျွန်တော်ရော ကူပါရစေလေ။”
“အင်းပါကွယ်။ မင်းတို့တတွေ တယ်လဲချစ်ကြသကိုး။ မေမေတို့ငယ်ငယ်ကအတိုင်းလိုပဲ။ ကဲကဲ စိတ်ကြိုက်သာလုပ်ကြပါကွယ်။”
“ကျေးဇူးပါမေမေ။”
ဘုန်းသရေက ကောင်လေး၏မျက်နှာနွမ်းနွမ်းလေးကိုကြည့်လိုက်၍ သနားလို့မဆုံး။ မေမေတို့က ကောင်းစေချင်၍သင်ပေးတာမှန်သော်လည်း သင်မချက်တတ်ရင်တောင် သူချက်တတ်ပါသေးသည်။ သူကပဲအမြဲချက်ကျေွးရင်လည်း ဖြစ်တာပဲလေ။ အခုတော့ ကောင်လေးမှာ အလကားသက်သက် ပင်ပန်းနေရှာသည်။
ညစာစားပြီးလို့ ဘုရားဝတ်ပြုပြီးချိန်မှာ သင့်အခန်းနားတိုးတိုးကလေးလာလိုက်သည်။ ပေါ်တင်သာလာလျှင်တော့ မေမေက ဆူပါလိမ့်မည်။
“ဒေါက်ဒေါက် သင်ရေ.......”
တံခါးခေါက်သံနှင့် ခေါ်သံကအစ ခပ်အုပ်အုပ်။ သင်ကလည်း နားလည်နေတာကြောင့် အခန်းတံခါးကို အသံမထွက်အောင်ထိန်းဖွင့်လိုက်သည်။ ဘုန်းသရေက အခန်းထဲအမြန်ဝင်၍ ကုတင်ပေါ်သွားထိုင်သည်။
“ဘာလုပ်ဖို့တုန်း ခင်ဗျားရဲ့။”
“အယ်...........မင်းကိုယ့်ကိုဘယ်လိုခေါ်ရမယ်?”
“ဘယ်သူမှမှမရှိတာပဲကို။ မခေါ်နိုင်ပါဘူး။ တစ်နေ့လုံး မိန်းမလိုအခေါ်ခံအပြောခံလာရတာ ညပိုင်းတော့လွတ်ပါရစေ အစ်ကိုရယ်။”
မကျေမနပ်ပြောသံလေးကချစ်စရာလေးမို့ ဘုန်းသရေ သတိလက်လွတ်ရယ်မိသည်။ ဒီကောင်လေးပြောပုံက သူ့ကိုရန်တွေ့နေသလိုလို။
“အင်းပါ။ အဲတာဆို အဲတာကို ခဏထားဦး။ လက်တွေပြ။”
“ဟင် လက်တွေ ဘာဖြစ်လို့။”
“ပြစမ်းပါ။”
ဘုန်းသရေက ကိုယ်လုံးနောက်မှာဝှက်ထားသည့် သင့်လက်တွေကို အတင်းဆွဲကြည့်သည်။ လက်နုနုလေးနှစ်ဖက်မှာ ခုထိနီရဲနေလျှက် ရှရာတစ်ချို့ကိုလည်း မြင်နေရသေးသည်။ သူ့စိတ်ထဲတွင် မေမေများ ယောက္ခမရာထူးဖြင့် အနိုင်ကျင့်နေသလားဟု တွေးမိလိုက်သည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
Part_45
Start from the beginning
