Uni
နောက်တစ်နေ့မနက်စောစောရောက်တော့ မေမေက သူ့ကိုနှိုးကာ မီးဖိုချောင်ထဲခေါ်သွားသည်။
“သမီးလေး ဟင်းမချက်တတ်ဘူးလို့ သားကပြောတယ်။ ဒီတော့ ဒီမှာနေတုန်း မေမေ သမီးကို ဟင်းချက်သင်ပေးမယ်။ သေချာလိုက်ကြည့်နော်သမီး။ မိန်းကလေးဆိုတာ ချက်တတ်ပြုတ်တတ်မှ အိမ်ထောင့်တာဝန်ပီပြင်မှာသမီးရဲ့။ လင်သားကို အချက်အပြုတ် လက်ရာကောင်းကောင်းနဲ့ သိမ်းပိုက်ထားမှ သူတို့ကလည်း ကိုယ်မှကိုယ်ဖြစ်လာမှာပေါ့ကွယ်။ ဟုတ်ပြီလား။”
“ဟုတ်ကဲ့ပါမေမေ သမီးသေချာလိုက်ကြည့်ပါ့မယ်။”
“အေးအေးလိမ္မာတယ်။ သမီးဘာဟင်းအကြိုက်ဆုံးလဲ။”
“အာလူး”
“အဲဒါဆိုရင်တော့ အာလူးနဲ့ပတ်သတ်တာလေး အရင်သင်ပေးမယ်။ ကိုယ်ကြိုက်တဲ့ဟင်းကစပြီးသင်တော့ တတ်လွယ်တာပေါ့ကွဲ့။”
“ဟုတ်ကဲ့။”
ဒီလိုနဲ့ မနက်ခင်းတစ်ပိုင်းလုံးသည် ဟင်းချက်သင်တာနဲ့ပင်ပြီးဆုံးသွားသည်။မနက်ပိုင်းကတည်းက သူ့ချစ်သူကိုမတွေ့ရသေးတာကြောင့် ဟင်းချက်လို့ပင်ပန်းတာထက်ကို ပိုပြီးစိတ်မကြည်ဖြစ်နေရသည်။ ဟင်းချက်သင်တာကတော့ အားလုံးအဆင်ပြေပါသည်။ အခုဆိုသူက ဟင်းပွဲကြီးငါးပွဲနဲ့ အလွယ်စားလို့ရမဲ့ဟာ နှစ်ပွဲတတ်မြောက်သွားလေပြီ။ မေမေက စိတ်ရှည်လက်ရှည်သင်ပေးသလို သူ့ရဲ့တတ်မြောက်နိုင်မှုစွမ်းရည်ကလည်း မြင့်တာကြောင့်ဖြစ်သည်။
“မေမေ မင်္ဂလာပွဲအတွက် ကျွန်တော်အားလုံးပြောဆိုထားခဲ့တယ်။ တချို့ဟာလေးတွေတော့ ကိုယ်တိုင်သွားကြည့်ရမှာပဲ။ သင့်ကိုခေါ်ပြီးတော့လေ။”
ညစာ စားပွဲမှာ ဘုန်းသရေက အစီရင်ခံသည်။
“အေးပါကွယ်။ အဲဒီလိုပဲလုပ်ပေါ့။ ဒီကိုရောက်တုန်းရောက်ခိုက်လေး လည်တာပတ်တာကိုတော့ လပြည့်နေ့မှလုပ်ကြပေါ့။ သမီးလေးကို ဘုရားတွေအစုံ မေမေလိုက်ပို့မယ်။ ဒီရက်လေးတွေတော့ အိမ်ပဲကပ်ကြပါကွယ်။ မေမေအလွမ်းဖြေပါရစေဦး။”
“ဟုတ်ကဲ့ပါမေမေ။ ဒါနဲ့ သင် ဒီနေ့ဟင်းချက်သင်တယ်ဆို။ ဘယ့်နှယ့်နေသလဲ။”
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
