“အန်း......ငါတို့သရုပ်ဆောင် အေဂျင်စီတစ်ခုထောင်မလို့။ မင်းအချက်အလက်တစ်ချို့ရှာလို့ရမလား။”
ရုပ်တည်ကြီးနဲ့ ဖုန်းပြောနေသည့် လောရင့်၏လက်ကို ဆိုင်နိုကရိုက်ချလိုက်သည်။ ဒီလောက်အဖြစ်သည်းစရာလိုလို့လား။ သူ သရုပ်ဆောင်လုပ်မယ်ဆိုတာနဲ့ အေဂျင်စီတန်းထောင်တော့မတဲ့။
“ခင်ဗျားကလည်း ကိုယ့်အေဂျင်စီနဲ့ကိုယ် သရုပ်ဆောင်လုပ်မှတော့ ကျွန်တော့်ကို အရည်အချင်းမရှိတဲ့လူလို့ ပြောကြမှာပေါ့လို့။ ကျွန်တော်က ကိုယ့်အားကိုယ်ကိုးပြီး လုပ်ချင်တာ။ ကျွန်တော်ကိုယ့်အရည်အချင်းကိုယ် ယုံပြီးသား။”
“အိုးးး...........အရည်အချင်းရှိတဲ့လူတွေက အောက်ခြေကနေစ,တက်ရတယ်ပေါ့။ ဟုတ်လား။”
လောရင့်က အကြံဆိုးတွေတွေးနေသည့် မျက်နှာကြီးနှင့်မေးသည်။ ဆိုင်နိုက သတိမထားမိသေးပဲ ဟုတ်တာပေါ့လို့ အတိအလင်းပြန်ဖြေလိုက်သည်။ ထို့နောက်တွင်တော့ အတွေးအခေါ်ပညာရှင်လေး ဆိုင်နိုခမျာ အောက်ခြေကနေ စ,အတက်ခံလိုက်ရတော့သည်။
အန့်လူနာကတော့ သူမရဲ့ အိမ်ကနေ အလွန်ကျေနပ်စွာ ပြုံးနေလေသည်။ သူမ သိပါသည်။ ဒီလောက်နဲ့ လောရင့်က ဆိုင်နိုကို ဘယ်မုန်းပါ့မလဲ။ ဒါပေမဲ့ သံသယ.......။ သံသယဆိုတာလေးကို ချပေးလိုက်တာနဲ့ အဲ့တာလေးက ခြစားသလို တတိတိနဲ့ တိုက်စားသွားမှာဖြစ်သည်။ နောက်ဆုံးမှာတော့ သူတို့ရဲ့အချစ်ဆိုတာ တိုက်စားခံရမှာပဲလေ။ အခုဆိုကြည့်လေ။ လောရင့်ရဲ့အဖေကိုက သူ့သားမက်လေးကို မယုံနိုင်တော့ဘူးမလား။ အမလေး ဒီကြားထဲ လူးဝစ်တို့ပါ ဆိုင်နိုကို မယုံတော့ဘူးဆိုရင်?
သူမ ကျေနပ်စွာပြုံးလိုက်သည်။ ယုံကြည်မှုတွေကို ဆုံးရှုံးလိုက်ရတဲ့ လူဆိုတာ သေလူနဲ့မခြားဘူးလေ။ သူ့ညီမလေး၊ သူ့ယောက္ခထီးနဲ့ သူ့ခင်ပွန်း အကုန်လုံးကသာ သူ့ကိုမယုံတော့ရင်? သူကသေချာပေါက်သေလူဖြစ်သွားမှာ။ သူမ သတ်စရာတောင် မလိုပဲနဲ့လေ။
စိတ်ဓာတ်ကိုသတ်ရတာ တကယ်ပျော်စရာကောင်းလွန်းတယ်။ ဒါပြီးရင် နောက်တစ်ဆင့်လာဦးမှာ ဂျွန်ဆိုင်နို ။ ဒီတစ်ဆင့်မှာတော့ နင်တကယ်ကို Game Over ဖြစ်သွားမယ်ဆိုတာ သိထားလိုက်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
Part_21
Start from the beginning
