“အရာအားလုံး ဘာပဲဖြစ်နေနေ၊ စကြာဝဠာကြီးပျက်စီးသွားပါစေဦး။ နေ့ရက်တွေကို ဂရုမစိုက်ဘဲ မင်းနဲ့အတူ ဒီနေရာမှာ လျှောက်နေဦးမှာပါ”
ပြုံးပြီး ခေါင်းယမ်းမိတဲ့အခါ ထိပ်မှာစုစီးထားမိသည့် ဆံပင်အစုလေးက ခေါင်း၏လှုပ်ရှားမှုအတိုင်း ယမ်းခါသွားသည်။ ပြုံးလိုက်တဲ့အခါ ဖောင်းမို့မို့ပါးလေးတွေဆီမှာ ပန်းသွေးရောင်ပြေးနေတာကို ပို၍သိသာစေသည်။ သီချင်းဆိုနေရင်း မျက်လုံးကိုဖွင့်ကြည့်ပြန်တော့ ကြည်လဲ့လဲ့မျက်လုံးကလေးတွေက စိတ်ကြည်ရွှင်မှုကို ဖြစ်စေသည့်နှယ်။ ပန်းနုရောင်လေထုလေးဟာ ဒီနေရာလေးမှာတင် ကွက်ပြီးဖြစ်တည်နေခဲ့သည်။
“ရပြီ ရပြီ ငါရသွားပြီ”
သီချင်းအဆုံးသတ်ကို လှပစွာသီဆိုပြီးနောက် ကောင်လေးက ဝမ်းသာအားရရယ်လိုက်ကာ ခြေပစ်လက်ပစ်ထိုင်ချလိုက်သည်။ ထို့နောက် လက်ထဲမှာကိုင်ထားသည့် ချိုချဥ်လုံးလေးကို ပါးစပ်ထဲပစ်ထည့်လိုက်ကာ ဟိုကြည့်ဒီကြည့်ကြည့်၏။ ဒီနေ့ သူ့ရိုက်ကွင်းတွေနားတာမို့ မေမေ့ခြံဆီပြန်လာပြီး ဒီမှာတစ်နေကုန်လေ့ကျင့်နေခဲ့တာ။ ခြံကကျိန်းသေပေါက်လုံခြုံတယ်ဆိုပေမဲ့ ဘာဖြစ်လို့သူကတော့ တစ်ယောက်ယောက်ကြည့်နေသလိုမျိုး ခံစားနေရတယ်မသိ။ ဘာပဲဖြစ်ဖြစ် သီချင်းကိုသေချာပိုင်နိုင်စွာရသွားပြီမို့ စိတ်ကျေနပ်စွာ ထပ်ပြုံးမိပြန်သည်။
“သားSaintရေ၊ မိုးသားတွေတက်လာပြီလေ။ တော်လောက်ပြီ။ လာခဲ့တော့”
မေမေက မလှမ်းမကမ်းရှိ တစ်ထပ်တိုက်လေးဆီမှ ထွက်လာကာ သူ့ကိုအော်ခေါ်သည်။
“ဟုတ်ဟုတ် မား။ သား လာပြီ”
ကောင်းကင်ပေါ်ကို ဖျတ်ခနဲမော့ကြည့်လိုက်တော့ အမှန်ပင် တိမ်စိုင်မည်းတွေတက်လာတာကို မြင်လိုက်ရသည်မို့ မေမေ့ပြောစကားကို နားထောင်ကာ ပြန်သွားဖို့ဆုံးဖြတ်လိုက်သည်။ သစ်ပင်ခြေရင်းမှာ သစ်ရွက်လေးခင်းပြီး ပုံချထားသော စုပ်လုံးတွေကို လက်နဲ့အပြည့်သယ်ကာ ပါးစပ်ထဲကစုပ်လုံးလေးကိုလည်း ပြုတ်မကျအောင် ဂရုစိုက်၍ အိမ်ဘက်သို့ သွက်သွက်ကလေးပြေးသွားလိုက်၏။ ရှပ်အင်္ကျီပါးပါးက တိမ်မည်းတွေမဖုံးနိုင်သေးသော နေ၏ရောင်ခြည်ထဲမှာ ဖောက်ထွင်းမြင်နေရသည်မို့ ခါးသေးသေးလေးကို လုံအောင်မဖုံးနိုင်ဘဲရှိသည်။ ဘောင်းဘီအတိုလေးကိုသာ လွတ်လပ်ပေါ့ပါးစွာဝတ်ဆင်ထားသော ထိုကောင်လေးသည် ခြေတံရှည်ရှည်ကိုမှ ဖြူသွယ်နေသော ခြေသလုံးလေးတွေအား သဘောထားကြီးစွာ လှစ်ဟပြသထားသလိုဖြစ်နေသည်။ ဒါက ဘယ်သူမှမမြင်ရင် ကိစ္စမရှိပေမဲ့ အခုတော့... အခုတော့ စစ်နတ်ဘုရားရဲ့ရှေ့မှာဆိုတော့ အင်း...။
ESTÁS LEYENDO
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
WTLS Special Extra-3
Comenzar desde el principio
