I'm Runa
Clifford's POV
At the end nag decide ang lahat na mag almusal muna bago pumunta sa tabing dagat, nakita kasi nila yung luto ni Manang, at ang kulit talaga si Sir Blair kanina siya ang nangunguna sa pagyaya sa lahat mag swimming, ngayon naman nangunguna sa pagkain. Hyper kahit na halos walang tulog dahil sa palitan nila sa pag dadrive ng rv.
Pagkatapos kumain nagmadali nang lumabas si Sir Blair na kanina pa excited, isinama niya si Ms. Laura na nagrereklamo dahil hindi pa daw bumababa yung kinain niya at Dwayne na wala ng nagawa kundi sumama nalang dahil naunahan na siya nila Amber kay Chloe. Nakakatawa talaga sila.
Yung tatlong babae naman ay umakyat sa kwarto para daw magpalit ng pang swimming. Ano kayang isusuot nila? Hahahaha
Naiwan kaming tatlo nila Wesley at Craig sa lamesa, hindi ko na sinayang ang pagkakataon para magpasalamat. "Gusto ko lang magpasalamat dahil kahit na parang g*go ako nung mga nakakaraan naisipan niyo paring alamin kung anong nangyari sa akin, sa tingin ko kung hindi niyo sinubukang alamin ay hindi parin kami okay ni Dad."
"Tsss. Ang arte mo." Kunwaring sabi ni Craig pero nagsalita uli. "Pero masaya ako na nagkaayos na kayo."
"Salamat." Ang tanging nasabi ko, nakakabakla naman kung magdadrama kami.
"Masaya rin ako na nagkaintindihan na kayo nila Inspector, pero sa tingin ko hindi tayo dapat maging panatag sa mga nangyayari, pero tsaka na natin pag usapan pag natapos na tong bakasyon, kailangan din natin magrelax." Tama si Wesley hindi pa namin alam kung anong pakay ni Ahriman sa history ng pamilya ko pero dahil bakasyon nga mas mabuti nga sigurong ipahinga muna namin ang mga isip namin.
Hindi ko maiwasang hindi magbiro dahil sa sinabi ni Wesley. "Kahit pala ikaw Wes nag iisip din magrelax haha." Nagkatawanan nalang kami sa ideya ko. Gusto ko pa sanang dugtungan na kung maaari ay wag muna silang mainit na dalawa sa isa't isa dahil kay Kenna, pero hindi ko na itinuloy dahil baka imbes na mapabuti ay mapasama pa ang biro ko.
"Haha sayang Chloe akala siguro ni Dwayne makikita ka niya ng naka two piece." Napalingon kaming tatlo sa mga girls na pababa na ng hagdan. Ang ingay kasi ni Amber.
Aba naka swimsuit si Kenna at Amber parehas naka twopiece na kulay itim pero okay naman dahil may nakapatong na parang net, hindi ko nga lang alam ang tawag, si Chloe naman naka tshirt at short lang, hindi pa yata siya pwede magswimming dahil sa opera niya malapit sa dibdib.
Narinig ko yung kunwaring pag ubo ni Craig kaya nalipat ang atensyon ng tatlo sa amin.
Tinignan ko si Wesley. Haha bato ba siya bakit ganun wala paring reaksyon. Dude yung gusto mong babae naka two piece sa harapan mo. Gusto kong sabibin sa kanya pero baka si Craig naman ang sumapak sa akin.
"Andyan pala kayo tara swimming na tayo." Nakangiting paanyaya ni Chloe. Nag iba na yung aura niya, mas naging masiyahin na siya, the Dwayne effect.
"Bakit sila niyaya mo ako hindi?" Biglang sumulpot si Dwayne ang bilis makatunog porke't nakababa na si Chloe.
"Ikaw talaga. Nauna kana kaya paano kita yayayain." Malambing na sinabi ni Chloe kay Dwayne na nagtatampo tampuhan. Sila naba?
Nakita ko na may binulong si Dwayne kay Chloe, tumango naman siya. Maya maya lang lumapit na si Dwayne at hinila palabas si Craig at Wesley. Si Chloe naman ay ganun din, isinama niya palabas si Kenna.
Sabi na nga ba may pinaplano si Dwayne, pero pasasalamatan ko siya pagkatapos.
Kaya ngayon naiwan kami ni Amber, siya na nakatayo sa may sala at ako na nandito sa may kusina. Magkalapit lang kami dahil hindi naman kalakihan tong ancestral house nila Dad.
"Ahh... ano sige mauna na ako." Medyo nauutal na paalam ni Amber.
Mabilis akong tumakbo palapit na kanya at pinigilan niya sa pamamagitan ng paghawak ko sa balikat niya. "Teka Amber."
Humarap siya sa akin at nagtanong. "Bakit?" Medyo napalayo ako dahil naiilang ako sa suot niya, may nakapatong naman pero naiilang parin ako. "Hoy Clifford bakit?"
Lumunok ako tsaka muling nagsalita. "I'm sorry." Sa wakas nasabi ko na.
Mas lalong naging tahimik dahil sa sinabi ko, kung ganoon galit parin ba siya.
"No, I'm so sorry. Naging judgemental ako, pinagdudahan ka namin kaagad kahit na wala ka pa namang nabibigay na reason. Hindi ko naisip na lahat nga pala tayo dito may mabigat na dinadala." Nakayuko niyang sinabi. Binabawi ko na hindi siya galit, parehas lang pala kami ng nararamdaman ngayon. Nagsisisi.
"No Amber, may kasalanan din ako, naging irresponsable ako sa mga actions na ginawa ko, di ko man lang naisip na may kinakaharap tong grupo natin tas bigla akong aalis ng walang dahilan kaya I'm so sorry." Sabi ko sa kanya.
"Sorry din kanina, nahihiya lang ako sayo dahil sa nangyari nung nakaraan." Paghingi ng tawad dahil sa inasal niya kanina sa biro ko.
"Siguro dapat nalang natin kalimutan lahat ng nangyari, sa halip na sorry mas mabuti kung magpasalamat ako sayo. Thank you Amber, kung hindi dahil sa inyo hindi ako matatauhan." Binigyan ko siya ng isang ngiti.
"You're welcome Cliff, mahalaga ka samin, hindi kumpleto ang MCC kung wala ka. Tsaka mahalaga ka sakin dahil magkaibigan tayo." Ngumiti uli ako pero this time hindi ko alam kung totoo, okay na sana ng sinabi niyang mahalaga ako pero may karugtong pa kasi na magkaibigan kami. Hindi ko naman siya masisisi, kung hindi kaibigan, ano pa nga bang meron sa amin. Wala naman.
"Aba nandito lang pala kayo. Ikaw Clifford huh, sinosolo mo si Amber." Natatawang sinabi ni Sir Blair.
"Hindi Sir, hehe may sinabi lang ako." Napakamot ako sa batok ko dahil sa biro ni Sir Blair.
"Tara hanap kayo ni Laura, at mag volleyball daw tayo." Sumunod nalang kami kay Sir para wala na siyang masabi.
Craig's POV
Nandito na kaming lahat sa tabing dagat, gusto daw nilang mag beach volleyball.
Nakasandal lang ako dito sa may poste ng net, pinapanood ko si Kenna na mukhang nag uumpisa ng mailang dahil sa suot niya.
"Craig baka gusto mong tumulong?" Sabi ni Dwayne sa akin na abalang abala sa naisipan nila.
"Kayo naman nakaisip kaya kayo ng gumawa, maglalaro na nga ako kahit ayaw ko eh." Sabi ko nalang sa kanya, wala kasi talaga ako sa mood. Sanay narin naman sila sa akin kaya natawa nalang siya dahil sa sagot ko.
Hindi ko maiwasan hindi mairita dahil sa suot ni Kenna. Madaming nakakakita sa katawan niya, siguradong si Amber ang nag udyok na magsuot siya ng ganito. Naka two piece lang siya may cover up pero wala namang silbi dahil kita parin lahat. Oo maganda ang katawan niya pero hindi porke't maganda ang katawan mo ay dapat mo ng ibalandra.
Pinapanood ko lang si Kenna, nakatitig siya kay Wesley hanggang sa nahuli nito yung tingin niya, kaya bigla siyang nagpanic. Lalapitan ko na sana siya ng lumapit si Wesley sa kanya, parang may sinasabi to kay Kenna at saka iniabot yung sando na hinubad niya.
"Pasikat." Nabadtrip ako sa nakita ko kaya napasipa nalang ako sa buhangin at umalis.
Bakit nga ba ako nagagalit, ako naman ang nagsabi kay Kenna na kakalimutan ko na siya pagkatapos ng sembreak dahil wala naman talaga akong pag asa, nakikita niya lang ako bilang kapatid. Pero hindi ko maiwasan hindi mag alala, nahihirapan ako kung nakikita ko yung sitwasyon niya kay Wesley, para bang ngayong araw ay gusto siya, bukas ay hindi. Ano ba talagang problema niya. Napaka komplikado.
Nakarating na ako sa dulo ng beach kakalakad habang nag iisip. Siguradong hinahanap na nila ako dahil kulang sila ng tao sa laro, siyam kami lahat tig apat sa bawat grupo at si Chloe ang referee dahil hindi pa naman siya pwedeng kumilos at mag gagalawa ng sobra, pero ayoko ng bumalik.
Nakita ko ang naglalakihang bato kaya naisipan kong umupo ngayon dito at magrelax habang hinahagisan ko ng malilit na bato yung dagat.
"Baka naman maubos na yang mga bato kakahagis mo sa tubig." Napalingon ako sa nagsalita.
Hindi ko siya pinansin at nag patuloy lang sa ginagawa ko. Feeling close lang.
Nakita ng gilid ng mata ko yung paglapit niya sa akin pero hindi ko parin siya nilingon, sino ba siya sa inaakala niya.
"Hello naririnig mo ba ako?" Sabi niya habang winawasiwas ang kamay niya sa tapat ng mukha ko.
"What the hell is your problem Miss!" Napikon ako bigla dahil sa ginawa niya.
"Okay chill, Im sorry and nice to meet you too. I'm Runa." Inilahad niya yung kamay niya sa akin, hindi ko yon tinanggap dahil wala naman akong balak makipagkilala sa kanya.
"Tsss.." Tinalikuran ko na siya at iniwan sa kinatatayuan niya.
"You're rude!" Sigaw niya sa akin habang tumatawa. Hindi ko na yun pinansin at tuluyan ng lumayo.