Kiss
Kenna' POV
Kanina pa ako nakaupo dito sa may bench malapit sa Cashile building. Iniisip ko kung bakit ba kami napasok sa sitwasyon na to, bat kami yung napili ni Ahriman sa laro niya? Dahil lang ba sa kami ang nag iisang grupo dito sa academy na mahilig mag imbestiga kaya sigurado siyang kakagat kami mga binabalak niya.
Bakit ba alam niya yung tungkol sa'ming lahat? Bakit may kakayahan siyang makapag desenyo ng laro na parang sinadya para sa grupo? Pakiramdam ko kasalanan ko lahat dahil ako ang nakaisip na magtatag ng MCC, naalala ko tuloy kung saan ko nakuha yung pangalan ng grupo. May koneksyon kaya to sa mga naunang MCC? Pero malabo naman, almost wenty years na silang buwag, for sure may kanya kanya na silang buhay.
Hindi ko na namalayan madilim na pala, nag decide nalang akong maglibot dito sa school baka sakaling may malaman pa ako. Mas mabuti kasi pag gabi, walang mga estudyante na nagkalat. Lahat natatakot nang magpagala gala dahil sa mga kakaibang nangyayari, at isa pa obligasyon ko lahat to dahil ako ang nagpasimula ng MCC. Hindi mangyayari to kung walang MCC na nabuo dahil sa akin.
Naisipan ko munang bumalik sa headquarters, pero bago pa ako makapasok narinig ko na yung tawanan ni Dwayne at Amber. Napangiti ako sa napanood ko dito, parang nakikita ko ang sarili ko at si Craig, kaya lang may biglang pumasok sa isip ko. Napailing ako, hindi naman siguro sikretong inlove ang isa sa kanila dahil si Dwayne ay may Chloe na, si Amber naman attracted kay Clifford kahit hindi niya aminin. Ayoko nang isipin yung idea na yon kaya hindi na ako tumuloy sa headquarters.
Hindi pa ako nakakailang hakbang ng may magsalita sa likod ko.
"Saan ka pupunta madilim na bakit mag isa ka?" Napahawak ako sa dibdib ko sa gulat, nawala rin nang marealized ko na si Wesley lang pala.
"Ginulat mo naman ako hehe." Pinilit kong maging casual sa kanya dahil bihira niya lang akong kausapin.
"Gabi na baka mapahamak ka nanaman." Tama ba yung narinig ko, nag aalala ba siya o nagsasawa na sila dahil naging pabigat na ako sa grupo.
"Maglilibot libot lang ako baka sakaling may mahanap akong clue isa pa....." Napayuko ako bago magsalitang muli.
"Nagiging pabigat na ako sa inyo, wala na akong naitulong at napahamak kayong lahat dahil sa akin. Sa umpisa palang naman ay kasalanan ko na ang lahat kung hindi ko sana naisipan tong MCC ay wala kayo lahat sa sitwasyon na to, lalo kana." Tumalikod na ako dahil ayoko nang pakinggan ang susunod niyang sasabihin.
"Hermione." Mahinang bulong niya. Pinigilan ko ang sarili ko na humarap kaya sinubukan ko uling ihakbang ang mga paa ko, pero binaggit niya uli ang pangalan ko, sa pagkakataon na to iba na ang tono niya. "Hermione."
Naramdaman ko nalang na hinila na niya ako at sa isang iglap magkaharap na kami ngayon, malapit na malapit. Naaamoy kong yung hininga niya dahil nakayuko siya at magkapantay na kami ngayon. Parang may kung ano akong nararamdaman sa batok ko dahil sa pagkakalapit namin, kaparehas ng naramdaman ko nung hinapit niya ako sa baywang nung una ko siyang makilala.
Pinigilan kong tumingin sa mata niya, nanglalambot yung tuhod ko, bakit ganito si Wesley. Ang bilis ng tibok ng puso ko. Rinig na rinig ko.
Wesley's POV
Kanina pa ako nakaupo dito sa bench malapit kay Kenna, naglalakad lakad ako dito sa academy ng maisipan kong panoorin siya.
Hindi man lang niya ko napansin, parang sobrang lalim ng iniisip niya. Isang oras na siyang nakatulala. Palubog na yung araw nung naisipan niyang tumayo. Sinundan ko siya hanggang sa makarating siya sa headquarters, malayo palang rinig ko na ang tawanan ni Amber at Dwayne.
Hindi na siya tumuloy pumasok, ayaw niya sigurong makigulo pa sa kanila.
Nakailang hakbang palang siya ng magsalita ako. "San ka pupunta madilim na bakit mag isa ka?" Napahawak siya sa dibdib niya, nagulat ko siya pero agad din naman nawala ng marealized niyang ako pala ang nagtatanong sa kanya.
"Ginulat mo naman ako hehe." Pilit siyang nagpapaka casual sa akin. Kasalanan ko siguro dahil lahi ko siyang sinusungitan.
"Gabi na baka mapahamak ka nanaman." Nag aalala kong sinabi sa kanya.
Nag iba na naman yung itsura niya, parang hindi siya sigurado kung anong sinasabi ko, nagsawa na siguro siya sa pakikitungo ko sa kanya.
"Maglilibot libot lang ako baka sakaling may mahanap akong clue isa pa....." Napayuko siya bago ituloy yung sinasabi niya.
"Nagiging pabigat na ako sa inyo, wala na akong naitulong at napahamak kayong lahat dahil sa akin. Sa umpisa palang naman ay kasalanan ko na ang lahat kung hindi ko sana naisipan tong MCC ay wala kayo lahat sa sitwasyon na to, lalo kana." Tumalikod na siya, wala na siyang balak pakinggan kung may sasabihin pa ako.
Naalala ko yung araw na naabutan niya kami ni Amber na nagtatawanan. Tinalikuran niya rin ako pero kasalanan ko, ngunit ayoko nang maulit yon.
"Hermione." Mahina kong sinabi yung pangalan niya kaya napatigil siya.
Nang maramdaman ko na wala talaga siyang balak humarap sa akin, inulit ko ang pag banggit sa pangalan niya. This time sa mas malambing na tono, hindi ko maipaliwanag pero ang gaan sa pakiramdam banggitin ng pangalan niya. "Hermione."
Awtomatikong gumalaw ang mga kamay ko para hilahin siya, kailangan ko siyang makaharap.
Magkaharap na kami ngayon, yumuko ako para magkapantay ang mukha namin. Hindi parin siya tumitingin sa akin kaya nagsalita akong muli.
"Nang huli kitang tinawag sa pangalan mong Kenna ay tinalikuran mo ako at sumama ka kay Craig. Naiintindihan ko yon dahil wala akong lakas ng loob para pigilan ka, pero pag naaalala ko kung paano mo ako tinalikuran naiirita ako, kaya sa tuwing tatalikuran mo ako hindi na kita tatawagin sa pangalan na Kenna."
Napaangat siya ng tingin dahil sa mga pinag tapat ko. Nakita ko na naman yung mga kulay blue niyang mata ng malapitan. Hindi ko mapigilang hindi ilipat ang tingin ko sa mapula at maliit niyang labi, at ganun rin siya sa akin, kitang kita ko dahil malapit na malapit na ang mukha namin. Gusto ko siyang halikan. Halo halo na yung nararamdaman ko, parang hindi ko na kontrolado hanggang sa dahan dahan ko nang nilapit ang labi ko sa kanya. Nakita ko ang pagpikit niya.
Tinugon niya ang halik ko, naramdaman kong nakapatong na yung kamay niya sa dibdib ko. Pero bago pa lumalim yung halik, naramdaman ko nalang na may humila na sa kanya palayo at may tumama nang kamao sa akin. Si Craig na galit na galit.
"G*go ka Philbert!" Matalim siyang nakatingin sa akin.
Nakatulala nalang si Kenna habang nakahawak sa labi niya.
"Gusto kong kumpirmahin ang nararamdaman ko sa kanya." Nagsinungaling ako, pakiramdam ko kumpirmado ko na pero hindi parin matanggap ng sistema ko.
"Kung ganun hindi mo siya dapat hinalikan." Sinuntok niya kong muli, tumama to sa gilid ng labi ko, hindi ko na siya pinagbigyan at lumaban ako hanggang sa lumabas si Dwayne para umawat samin.
Craig's POV
Kanina pa ako pabalik balik para mahanap si Kenna, hindi niya rin sinasagot yung tawag ko, at tama ako ng hinala naiwan nanaman niya sa dorm yung cellphone niya. Hindi ko alam para saan pa to kung lagi niya rin palang iiwanan.
Maaaring nasa headquarters siya dahil nalibot ko na ang lahat ng pwede niyang puntahan. Nagpasya akong magtungo nalang sa headquarters. Malayo palang ako tanaw ko na si Kenna. Siya at si Wesley. Hinalikan siya ni Wesley pero hindi siya umiwas.
Hindi ko napigilan yung emosyon ko, alam kong wala akong karapatan at sinabi ko na kay Philbert na alam ko namang hindi ako ang lalaking para kay Kenna, ngunit hindi ibig sabihin ay pwede na niya tong halikan lalo na kung wala naman siyang sinabi na mahal na niya din si Kenna.
Nang makalapit ako, mabilis kong hinila si Kenna palayo sa kanya at saka ko siya binigyan ng isang suntok na tumama sa kanang pisngi niya.
"G*go ka Philbert!" Matalim ko siyang tinignan.
"Gusto kong kumpirmahin ang nararamdaman ko sa kanya." Lalong nagpantig ang tenga ko sa sinabi niya.
"Kung ganun hindi mo siya dapat hinalikan." Sinuntok ko siyang muli, ngayon ay sa gilid ng labi naman niya ito tumama. Pinunasan niya ito at gumanti na sa akin hanggang sa dumating si Dwayne at umawat. Hindi nagtagal dumating din si Ms. Laura at Sir Blair.
Nandito na kaming lahat sa interview room, nakaupo habang nasa harap namin si Ms. Laura, na pabalik balik sa paglalakad at Sir Blair na parang nagpipigil matawa.
"So guys anong nangyari at nag aaway away kayo? Nasalubong namin si Kenna na tumatakbo hindi man lang kami pinansin.May ginawa ba kayo?" Isa isa niya kaming tinignan, ako, si Wesley, Dwayne at Amber.
"Ms. Laura umawat lang ako, nasa loob kami ni Amber ng may marinig kaming ingay." Wika ni Dwayne sa kanya.
"Kung ganun, anong nangyari Craig? Wesley?" Napako na yung tingin niya saming dalawa na hindi parin nagsasalita.
Wala akong balak sabihin sa kanila dahil ayokong kaawan nila ako dahil sa wakas napansin na si Kenna ni Wesley. Hindi ko gagawin yun.
"Mabuti pa si Kenna nalang ang tanungin niyo." Biglang nagsalita si Amber. Gusto kong umalma pero nagsalita din si Philbert.
"No! I kissed her." Wala pala siyang balak ilihim ang kag*guhan niya.
I think this is the end for me hindi ko na paigilan hindi ikuyom ang kamao ko at magmura sa harap nila. "Shit."
"Ohh I don't know what to say." Mahinang sinabi ni Ms.Laura, akala ba niya hindi ko nakikitang nakatingin siya sakin at nakikisimpatya. Wala akong kinukumpirma sa nararamdaman ko kay Kenna pero alam ko at sigurado akong alam nila lahat dito na mahal ko siya. Alam na alam nila.
"Bago ko pala makalimutan sana naman magkasundo sundo na kayong mga boys dahil tatatlo nalang kayo." Napilitan akong mag angat ng tingin sa sunod niyang sinabi.
Anong ibig niyang sabihin?
Ganun din ang iba pa nakatingin sa kanya, nag aabang ng sagot sa sinabi niya.
"Well Clifford is transfering." Malungkot niyang sinabi.
Bakit ngayon pa siya lilipat. Wala akong mapagsasabihan, bukod kay Kenna ay sa kanya ako nagsasabi dahil parehas kami ng sitwasyon, kaya nga lang nag iba na dahil sa wakas ay mukhang napapansin na siya ni Amber na dati pa naman talaga.
***************
Wesley and Craig ♥♡ >>>>>