ရူရွေ့က အခြေအနေများနှင့် အပြင်ဘက်က ကောလဟာလေတွေအားလုံးကို အမှန်အတိုင်း ကုထင်ရန်ကို ပြောပြခဲ့သည်။
ကုထင်ရန်၏ ပန်းပင်များကို ကိုင်တွယ်နေသည့် လက်က တစ်ချက်တောင် ရပ်တန့်မသွားခဲ့ပေ။ ကြည့်ရတာ ပျော်ခြင်းလည်းမရှိ ဝမ်းနည်းခြင်းလည်းမရှိသည့်ပုံပင်။
သို့ပေမယ့် ဂရုမစိုက်ဟန်ဖြင့်ပြောလိုက်သည်။
"စိတ်ဝင်စားစရာပဲ"
ရူရွေ့က သူ့ရဲ့ အေးဆေးတည်ငြိမ်သည့်ပုံစံကို ကြည့်ရင်း သူ့အပေါ် မှာ အမြင်အသစ်တစ်ချို့ ရှိလာခဲ့သည်။ စိတ်ထဲမှာ ရုတ်တရက် အတွေးတစ်ခုပေါ်လာသည်။ ဒီနန်းတော်ရဲ့ လေထုအခြေအနေက ပြောင်းလဲတော့မှာ စိုးမိသည်။
ကုထင်ရန်က အာရုံစိုက်ပြီး ပန်းပင်တွေကို ပြုစုယုယနေဆဲပင်။ ရူရွေ့က ရိုသေကျိုးနွံစွာဖြင့် ဘေးမှာ ရပ်နေကာ မဆင်မခြင် နှုတ်မဟရဲတော့ချေ။
ကုထင်ရန်က ရုတ်ချည်း ရပ်တန့်လိုက်ပြီး ကိုယ်ကိုလှည့်ပြီး ရူရွေ့ကိုပြောလိုက်သည်။
"ရူကုန်းကုန်း ဒီပန်းတွေက ဘယ်လိုနေလဲ ကြည့်ပါဦး"
ရူရွေ့က ထိုပန်းပင်တွေနှင့်ပတ်သတ်ပြီး လုံးဝ နားမလည်ချေ။ ဘယ်လိုထင်မြင်ချက်ပေးရမလဲဆိုတာကို သူပြောလည်းမထွက်ပေ။
သို့ပေမယ့် သူက နန်းတွင်းထဲမှာ နေလာတာ အတော်လေးကြာပြီဖြစ်သဖြင့် အစောကြီးကတည်းကပင် ပါးနပ်သည့်လူတစ်ယောက်အဖြစ် ပြောင်းလဲနေပြီဖြစ်သည်။ ကုထင်ရန် မေးချင်တာကဒီပန်းပင်တွေ မဟုတ်ဘူးဆိုတာ သူနားလည်သည်။
"ကျွန်တော်မျိုး အဲ့ဒါတွေကို နားမလည်ပါဘူး"
ကုထင်ရန်၏ အဓိပ္ပာယ်ကို မှန်းဆလို့မရ
သဖြင့် သူလည်း ရိုးရိုးသားသားနဲ့ မရေရာသည့် စကားကို ပြောလိုက်သည်။
ရူရွေ့၏ စကားက ကုထင်ရန် ကြိုတင်ခန့်မှန်းထားတာနှင့် သိပ်မကွာပေ။ သူက ဖြေးဖြေးချင်းပြောလိုက်သည်။
"ကျွန်တော့်အမြင်ကတော့ ဒီပန်းက လူတွေနဲ့ အတူတူပဲ၊ ကံကောင်းလို့ အချိန်မှန်ပွင့်လည်း ရှင်သန်နိုင်တယ်၊ ကံမကောင်းလို့ သခင်ရဲ့ စိတ်အခြေအနေမကောင်းတဲ့အချိန်မှာ ပန်းပွင့်ရင် ပွင့်တဲ့ပန်းက လှပတင့်တယ်နေရင်တောင် ပျက်စီးခြင်းကံကြမ္မာပဲရှိတယ် "
YOU ARE READING
ပြိုင်ဘက်ကင်းအမျိုးသားဧကရီ
Historical Fictionမူရင်းစာရေးသူ- 大叶 绝色男后 ဘာသာပြန်ဝတ္ထုပါ။ Zawgyi + unicode Chapter - 194+extra 35 extraက မူရင်းစာရေးသူ 35 ပိုင်းနဲ့ရပ်ထား
