My Make-Believe Boyfriend College Hottie Series : Bobby and Ashley

Chapter 29 : Bobby Fights For Ashley

BOBBY

NASA GARAHE NA ako ng bahay namin ay hindi pa rin ako bumababa ng sasakyan. Kahahatid ko lang kay Ashley sa bahay nila.

We were quiet the whole time inside the car. Pareho kaming may iniisip. Pareho kami ng iniisip, alam ko. And I was worried about her.

Pagtapat ng kotse ko sa bahay niya ay sinabihan na niya akong huwag na akong bumaba para pumasok sa loob. Pilit na niya akong pinababalik sa amin-sa pamilya ko. Linggo raw ngayon at nararapat lang na kapiling ako ng pamilya ko.

At kahit na may ngiti sa labi niya habang sinasabi iyon, alam kong malungkot siya. I saw the sadness in her eyes. At ang bigat-bigat sa dibdib kong makita iyon.

Ashley meeting my whole family was a total failure. Hindi ko saan kung saan nagsimula ang pagkakaroon ng animosity ng pamilya ko kay Ashley.

Dahil ba nalaman nilang anak sa labas si Ashley? Dahil hindi ito marunong magluto tulad ni Kate? O walang talent tulad ni Kate?

"Pucha," I muttered to myself, still not believing this was happening.

Napailing ako at napahilamos sa mukha. Hindi ako makapaniwalang iyon o isa sa mga iyon ang magiging dahilan. Kilala ko ang buong pamilya ko. Hindi sila ganoon kababaw. They were not that discriminating. Not that I knew of.

But what the fuck happened?

Habang tumatagal ang pag-uusap habang nagla-lunch kami ay alam kong bumababa na ang confidence level ni Ashley. Kaya nga sinasalo ko na siya to lighten up the situation.

Pero dahil palaban siya at gusto niyang masabi ang totoo mula sa kanya at hindi sa akin, she chose to be honest with my whole family. She was being herself.

Pero putang ina naman, bakit? Dahil ba mas gusto nila si Kate? Dahil mas napalapit na sila kay Kate dahil dalawang taon ko itong naging girlfriend?

Napasabunot ang dalawang kamay ko sa buhok habang paulit-ulit kong inuuntog ang noo ko sa steering wheel dala ng labis na frustration.

I was hoping it would turn out well. Tulad ng una kong ipakilala si Kate sa kanila. They liked Kate immediately.

Pero bakit pagdating kay Ashley ay ang lamig ng pakikitungo nila? Na para bang may resentment agad.

Bumuntong-hininga ako at bumaba ng sasakyan. Hindi ko alam kung paano kong pakikiharapan ang buong pamilya ko pagkatapos ng lahat.

It was hard when you were torn between the girl you love so much and your family to whom you owe everything.

It was fucking hard. Pucha.

Mabibigat ang mga hakbang ko habang papasok ako sa loob ng bahay namin. Hindi kasi mawala-wala sa isipan ko ang ekspresyon ng mukha ni Ashley. There was so much disappointment and frustration...and hurt in her expression at dahil doon ay parang paulit-ulit akong sinusuntok sa dibdib.

Pagpasok ko sa loob ng bahay ay nadatnan ko silang lahat sa sala. They were discussing something. Magkakatabing nakaupo sina Ate One at Ate Two katabi si Mom samantalang magkatabing nakatayo sina Ate Three at Dad.

Parang natigil sa ere ang mga sinasabi ni Ate Three. Bigla siyang natigil sa pagsasalita at lahat sila ay napatingin sa akin.

Iniwas ko ang tingin ko. Ayokong makita nila ang hinanakit sa mga mata ko.

"Naihatid mo na ba ang girlfriend mo?" tanong ni Mom sa akin, her eyebrows furrowed.

My mom, Ave Gallego, was a loving mother. A little strict, yes, but nevertheless, she was a loving mom. Malapit ako sa kanya-sa kanilang lahat. I was their bunsoy. All their attention, love and care were always focused on me. Lumaki akong naranasan ko ang sobrang pagmamahal sa kanila-mula sa parents ko hanggang sa mga ate ko. And I felt I was so lucky for that.