My Make-Believe Boyfriend College Hottie Series : Bobby and Ashley

Chapter 17 : Me & You / You & Me

ASHLEY

"'WAG MO NA akong ihatid sa pinto," sabi ko kay Bobby matapos niyang ihinto ang kotse niya sa tapat ng bahay namin pagkagaling namin sa Bulacan.

Kanina sa sasakyan ay wala kaming kibuan. Parang nawala na rin ako sa mood magsalita nang sabihin niyang hindi siya nagseselos.

Napahiya kasi ako. Napaka-assumera ko lang.

So I just kept quiet. Which was unlikely of me pero tiniis ko. Sabi nga nila, less talk, less mistake.

Akala ko ay tuluy-tuloy na magtatapos ang gabing ito na masaya ako dahil nagkaayos na kami ni Miranda at nakuha ko na ang closure ko kay Jacob.

Kay Bobby pala ako magkakaproblema. Bigla-biglang tinopak. Naisip siguro si Kate. Na baka nami-miss niya ang double date nila nina Miranda at Jacob kasama si Kate.

"No, I insist," aniya at akmang bubuksan ang pinto ng kotse.

Agad ko siyang pinigilan. "'Wag na," pigil ko. "Okay lang."

Nagtama ang paningin naming dalawa. He was still not smiling. His dreamy eyes looked bothered.

"Thank you," I said, almost choking.

Bakit ba emosyonal ako ngayong gabi na 'to? Si Miranda kasi, eh. Pinalambot ang puso ko.

He fondly pinched my nose and half smiled.

Hindi kaya gusto na niyang makipag-break? tanong ko sa isip.

Shit! That thought made want cry.

"M-magkikita pa naman tayo bukas, 'di ba?" alanganin kong tanong.

All my fears were in that question. Sana hindi niya mahalata. I already gave myself too much na hindi ko ginawa.

I was always guarded. Naglalagay ako ng wall para hindi ako makaramdam ng ganito. But now I was defenseless.

"Babalik ka pa naman bukas, 'di ba?" tanong ko pa, insecurities overflowing.

"Yeah."

Maski paano ay nakahinga ako ng maluwag. Maski na monosyllabic ang sagot niya.

It was enough.

I cupped his face and gave him a quick kiss on the lips. "You take care." I said. I always say that.

Pagkatapos ay agad na bumaba ng kotse at tinakbo ko ang main door. Bago ko isara ang pinto ay tiningnan ko siya. Kumaway ako sa kanya at ngumiti.

Isang matipid na ngiti ang iginanti niya sa akin at itinaas ang kamay bilang pagpapaalam. Pagkatapos ay pinaandar na ang sasakyan.

Nakaramdam ako ng lungkot nang maisara ko ang pinto. Ibinato ko ang clutch ko sa sofa, hinubad ang stiletto ko at halos pahigang sumandal sa couch. Nakatitig ako sa kisame habang laman ng utak ko si Bobby.

What went wrong? God, what went wrong?

Nang kumain ba kaming apat sa labas ay na-realize ni Bobby na nami-miss niya si Kate at sana ay si Kate ang kasama niya imbes na ako?

Iyon na ba 'yun?

At ngayon ay nag-iisip na siyang makipag-break sa akin at iwan ako? May parang sumuntok sa dibdib ko sa thought na 'yun.

God naman, eh. Hindi pa ako ready.

Nag-init ang magkabilang-gilid ng mga mata ko. 'Eto na nga ba ang sinasabi ko. Wala naman kasi sa usapan na ma-fall ako kay Bobby. Ang sabi ko lang kasi, I will just have fun and make crazy things together with him.