ASHLEY
NAGUGULUHAN AKO. ANONG pwede niyang ikaso sa akin?
Nasuklay si Bobby sa buhok at napahimas sa batok. “Physical injury.”
That answered my question.
Dezi gasped and put her palm to her lips. “Oh, my gosh! Did you two engage in a fight?”
Ako naman ay napangisi lang. “Robert Aldus, if I inflicted a physical injury on her, sa tindi ng asar ko sa kanya, baka hanggang ngayon nasa hospital siya at nagpapagaling,” mataray kong sabi habang salubong ang mga kilay ko.
Bobby was licking his lower lip. “Nagkaroon ba kayo ng confrontation weeks ago?” He looked calm. Though I knew he was worried about me.
Sinalubong ko ang tingin ni Bobby. “Yes,” diretso kong sagot. “A few hours before I went out with Rome for a coffee.” Saglit kong inalala ang eksena. “I think around nine PM. You asked me to visit you there, remember? But I got caught in traffic dahil dumaan pa ako sa paborito mong bakeshop to buy your favorite coffee bun.” Umismid ako. Nagsisimulang na namang umapaw ang hindi mawala-walang inis ko kay Patty.
Pati na rin kay Robert Aldus.
Wala siyang kasalanan, pagtatanggol ng isang bahagi ng utak ko.
“I asked the bruha to call you inside her unit but she refused dahil nagpapahinga na raw kayong lahat at hindi na pwedeng maistorbo pa. I insisted, but she refused. Tinawagan pa kita para lang lumabas ka. But your cellphone just kept on ringing.”
“I didn’t know that. Ni hindi ko narinig ang pagtawag mo.” Napasuklay siya sa buhok.
“Because you were sleeping!” mariing sabi ko. Naramdaman ko ang pagpisil ni Dezi sa hita ko na para bang pinapakalma ako.
Breathe in, breathe out, Ashley Grace… pagpapakalma ko sa sarili. Hindi si Bobby ang kaaway mo kundi ang bruhang ahas.
“Ang lalim ng tulog mo. Para kang drinoga,” naiinis kong sabi.
“Sorry…” aniya. “Pagod lang siguro ako n’ung gabing ‘yun,” dagdag pa niya na tila walang maalala.
Sabagay, ilang araw din naman talaga siyang walang tulog at puyat.
“Nagpumilit pa nga akong pumasok,” I continued. “But she threatened me with trespassing. And then she provoked me--“
Kumunot ang noo ni Bobby. “What did she say?” His voice was edgy.
Natigilan ako. Hindi maganda ang mga pinagsasasabi ni Patty tungkol sa akin. Nakakahiyang marinig ng iba.
Napatingin ako kay Dezi. Alam na kaya niyang anak ako sa labas? Alam kaya niyang naging kabit ang nanay ko.
But who cares? This is me.
Hindi ako magiging si Ashley Grace kung hindi ako naging anak ng mommy ko sa daddy ko.
It did not matter anymore. Ang mahalaga na sa akin, mahal ako ng mga taong mahal ko bilang ako.
“She told me that I don’t deserve somebody like you--na kahihiyan lang ang dulot ko sa magandang pangalan mo at ng buo mong pamilya--“
“Oh, that’s very Patty,” singit ni Dezi sa maarteng boses. “Like, she thinks she’s the only one who deserves all the good things in this world.”
I saw Bobby clenched his jaw.
“And she called me names,” I continued and swallowed hard.
Fuck shit. Hindi ako dapat maiyak pero bakit apektado pa rin ako ng mga pinagsasasabi ni Patty? “She called me palengkera, bitch, anak sa labas ng nanay kong kabit, may tita akong kabit. And she called me a…” Pinatapang ko ang mukha ko. “Whore. A whore,” mariin kong sabi.
“God, she did not--“ hindi makapaniwalang bulalas ni Dezi habang umiiling. She had no idea that Patty can resort to calling me names just because she did not want me to see Bobby.
“Pucha!” galit na sabi ni Bobby at tumayo. “I’ve had enough of her--“
Pero agad ko siyang napigilan. “Where are you going?”
“I'm going to confront her,” he said, menacingly.
Bigla akong natakot. Naalala ko ang sinabi ni Cobi--na huwag na huwag gagalitin ang tulad ni Bobby na mahaba ang pasensya.
And this was one of that very, very rare moments.
“Sit down, please,” I pleaded, habang hawak siya sa kamay. “This is not the right time.”
Ilang segundong tila nagdedebate siya sa sarili kung uupo siyang muli.
And he did. Pero makailang beses na napasuklay sa buhok, napahilamos sa mukha at napahawak sa batok.
He looked so stressed and frustrated.
Then he met my gaze. His sexy dreamy eyes that I love. Those pair of dreamy eyes were looking at me lovingly, promising me forever.
Naglabas siya ng isang malalim na buntong-hininga. “Why didn’t you tell me?” tanong niya. Parang sising-sisi na wala siya sa tabi ko nang mangyari iyon.
Gusto kong maiyak. Naalala ko na naman ang lahat. Nang mag-isa ko lang hinarap si Patty.
And I vowed to myself, never again that Patty can humiliate me like that. Never again.
“She has no fucking right to talk to you that way,” nanggigigil na sabi ni Bobby. “Who does she think she is? Wala siyang karapatang pagsalitaan ka nang ganu’n--“
“Laban ko lang si Patty."
Seryoso ang mukha ni Bobby nang tumingin sa akin. “Hindi mo lang laban si Patty, Ashley Grace. Laban nating dalawa. I am your great sidekick, remember? Your fight is definitely my fight. I always fight with you, nakalimutan mo na ba?”
“Oh, my gosh! Ano ba kayo?!” maarteng bulalas ni Dezi na humawak pa sa dibdib niya. “May title na ako sa next blog ko. It’s ‘Sana All May Robert Aldus…’” kinikilig niyang sabi.
Hindi ko rin napigilan ang ngiti ko dahil sa kilig. Pinalis ng mga salita ni Robert Aldus ko ang inis ko kay Patty. “Ang arte mo talaga,” nangingiting komento ko kay Dezi.
“She showed me a copy of the CCTV footage of your confrontation--“
“At nakita mong sinampal ko siya ng dalawang beses, right? Now tell me, hindi ba deserving ang bitch na ‘yon sa mag-asawang sampal?” mataray kong tanong.
“Matibay ang ebidensya niya,” ani Bobby habang tila seryosong nag-iisip. “At wala raw siyang sinabing masasama sa ‘yo. It’s your words against hers.”
Umayos ako ng upo at tiningnan si Bobby nang diretso sa mga mata. “Ano bang sinabi niya sa ‘yo? Nakita ko nga may pahawak-hawak pa siya sa kamay mo, eh,” kaswal kong sabi pero may warning na sa boses ko na pwede siyang madamay sa inis ko kay Patty.
Robert Aldus became uncomfortable in his seat. “Nakita mo ‘yun?”
I raised an annoyed eyebrow at him. “Ng dalawang mga mata ko, Robert Aldus…”
“I pleaded to reconsider her decision in filing a case against you. And she got teary-eyed then held my hand and said that there were nights that she couldn’t sleep because of fear. Natatakot daw siya sa mga pagbabanta mo sa kanya--“
“Ano?! Fuck her!”
‘Tang ‘na! Hindi siya makatulog? Ulol ba siya? Nababaliw na ang Patty na iyon.
“Nagbanta ka ba sa kanya?” seryosong tanong niya. “That could be another case.“
“Wala akong matandaan. At kung meron man, malamang totohanin ko na. Now na kung pwede,” puno ng sarkasmong sabi ko. “At ikaw, hindi ka man lang umiwas sa kanya,” panunumbat ko.
“Ayoko ng may issue lalo pa at ka-group ko siya. That’s why I tolerated her,” pangangatwiran niya. “Even Francis and Becca do, too. We would shrug everything she does.”
“See? Pareho kaming mabait?” singit na naman ni Dezi.
“Kahit nakikita mong harap-harapan na ang pagseselos ko?” Nandidilat ang mga mata ko.
“Dahil ilang beses ko bang sasabihin sa ‘yo na hindi ka dapat magselos sa kanya. Hindi ko siya papatulan, Ashely Grace. Loyal at faithful ako sa ‘yo. You’re the one I love. You’re my one and only Gracie.”
Hinapit niya ako palapit sa kanya at hinalikan sa sentido ko. “I love you. Dapat alam mo na ‘yan. Dapat hindi mo na pinagdududahan ‘yan.”
“Ayyy!” kinikilig na sabi ni Dezi. “I wish sana lahat may Robert Aldus. Kainis kayo! So, nakakainggit.”
Nagpadala naman ako sa sweetness niya. Malandi rin ako tulad ni Dezi sa kanyang si Rome.
“Bobby, minsan walang faithful at loyal na lalaki sa malandi at maharot na babae na minsan ay may pangalan na Patty,” naka-pout ang lips na sabi ko.
“My Gracie, hindi naman lahat ng lalaki nagpapadala. Ibahin mo naman ako. Nang maramdaman ko at sabihin ko sa ‘yong mahal kita, mahal kita nang buong puso. Tinotoo ko ‘yun. Wala akong balak na sirain ‘yun. It will be a death wish for me. Ask me how to kill Robert Aldus in the most tragic way.”
I giggled. “Ang cheesy mo. Hindi ka na nahiya kay Dezi.”
“No, go ahead. Isipin n’yong wala ako rito. Isipin n’yong hindi kayo nakakainggit sa walang boyfriend na katulad ko,” she said, rolling her eyeballs. “Isipin n’yo na lang that I do not look kawawa here because of inggit.
Natawa ako nang malakas. Pero sinakyan ko ang paglalambing ni Bobby. “Okay, sige, how to kill Robert Aldus in the most tragic way?” I asked playfully.
He met my eyes head on. “Kapag inilayo ang Ashley Grace niya sa kanya...” seryoso niyang sabi.
“Suupperrr cheesyyy!” tili ni Dezi. “Super nakakainis na kayong dalawa. Can I order na lang a cheesecake and idadaan ko na lang sa pagkain ng food?”
I giggled softly. “Ewan ko sa ‘yo, Bobby…” sabi ko na halata ang kilig sa boses ko.
‘Tang ‘na, ang pabebe ko masyado.
He pinched my nose with so much fondness. “Sa susunod, kapag may nang-away sa ‘yo, sabihin mo kaagad sa akin. Hindi ‘yang sinosolo mo. Eh, alam mo namang may kakampi ka sa akin. Forever sidekick, remember?” malambing niyang sabi.
Kaya naman lalong lumakas ang loob ko. “Just leave Patty to me. Kaya ko siya.”
Napailing si Bobby. “Not that she has a bunch of lawyers for a family. Hindi niya dadaanin sa pisikalan or mind war tulad ng gusto mong mangyari. Dadaanin niya sa legal na paraan. And one wrong move, sunod-sunod na kaso ang pwede niyang gawin kahit na walang basehan. Just to piss you off.”
Bobby had a point. Kaya pala hindi siya lumaban nang sampalin ko. Kaya pala nakangiti pa siya. Kaya pala. Gagawin pala niyang bala ito laban sa akin.
Fuck her! Lalo akong nanggigigil sa kanya.
Kumawala ako sa yakap ni Bobby. “And I don’t think you would still tolerate her once you see these…” Binalingan ko si Dezi. “Ipakita mo nga ‘yung pagiging creepy ng bruha. ‘Yung mga pina-screenshot ko sa ‘yo.”
Dezi gave me her cellphone. Ipinakita ko naman kay Bobby. “Patty was Dezi’s high school classmate. Siya lang naman ang nag-utos kay Dezi na i-post sa blog niya ang mga pictures namin ni Rome. Eh, ang daming followers ng babaeng ‘to kaya na-pick ng mga celebrity reporters.”
“Pero ayoko namang i-post at first.” Dezi sounded so defensive. Siguro ay nahihiya kay Bobby.
“Pero napilitan siya kasi natulungan ng daddy ni Patty na ipanalo ang kaso ng daddy ni Dezi sa isang pyramid scam case,” sabi ko.
“Wala naman kasi talagang kasalanan ang daddy ko,” singit ni Dezi.
“D’yan pa lang malalaman mo ng masama talaga ang ugali ng bruhang ‘yun, eh. Tapos, may group chat sila. Alam mo ba kung sino ang laging laman ng GC nila courtesy of Patty?” Ngumisi ako.
Bobby did not answer.
“Ikaw lang naman. Look…”
Sunud-sunod kong ipinakita kay Bobby ang pictures niya sa GC nina Patty. Hindi lang pala iyon.
Meron pang iba tulad na lang ng naglalakad si Bobby papuntang kotse niya at p-in-icture-an siya ni Patty mula sa likuran.
Patty : Likod pa lang ulam na.
Kasunod niyon ang maraming laughing and heart emojis.
“Pucha…” Bobby muttered under his breath when he saw his picture in someone else’s GC. Napapailing siya.
“Eto pa--“
“Enough. Ayoko nang makita ang iba pa. It’s so…” Napailing siya at itinulak niya ang cellphone ni Dezi palayo sa kanya.
“Hindi pa ako tapos. May kailangang liwanagin sa akin sa isang picture rito,” sabi ko.
Ipinakita ko sa kanya ang kuha nila ni Patty sa loob ng sasakyan.
“At talagang isinakay mo siya nang kayo lang dalawa sa sasakyan mo, ha? At itong picture na ‘to ang remembrance?” Pinandilatan ko siya ng mga mata habang nagtatangis ang mga bagang ko.
Mang-aaway na talaga ako ng boyfriend ngayon.
“Hindi kaming dawala--pucha, nabubulol na ako dahil sa nerbyos ko sa klase ng pagtatanong mo, Ashley Grace. Parang mang-aaway ka na naman,” nagsasaway ang boses niya. Napakamot siya sa likod ng ulo. But he was looking at me with tenderness in his dreamy eyes.
Gusto kong mapangiti pero pinigilan ko.
“Oh, my gosh! I like a boyfriend who’s nabubulol kasi scared siyang awayin ko siya,” natatawang sabi ni Dezi. Pero seryoso siyang gusto nga niya ng ganoong klaseng boyfriend.
Ng katulad ng Robert Aldus ko.
Sorry, Dezi, nag-iisa lang siya.
“As far as I can remember, walang pagkakataon na kami lang ni Patty sa sasakyan ko kasi nga umiiwas na rin ako,” Bobby explained. “Pwedeng kasama namin si Becca d’yan o si Francis o iba pang kaklase. But never just the two of us. Iniiwasan kong kaming dalawa lang. Baka na-photoshop na ‘yan. O kaya sinadya niyang ‘wag makunan ng picture ang kasama namin sa loob para magmukhang kami lang dalawa.”
Tiningnan ko lang siya. Kunwari ay ipinapakita kong hindi ako naniniwala.
“I swear, my Gracie.”
‘Okay, sige,” kunwari ay mataray kong sabi. “Pasalamat ka at nadala ako ng sexy dreamy eyes mo, kundi...“
Hindi ko na naituloy ang sasabihin ko dahil masuyo niya akong hinawakan sa baba at ibinaling ang mukha ko paharap sa kanya.
Then he flashed me his handsome smiley grin.
Meant to turn my knees into jelly.
Para akitin at pakiligin ako.
“Excuse me, but your thirty-three minutes is up,” Dezi reminded Bobby. Itinuro pa niya ang suot na wristwatch.
Bobby tsked. “I want to ditch this class. Hindi ko alam kung paanong papakitunguhan si Patty pagkatapos kong malamang ang lahat--“
“Ng kalandian niya!” mariin kong singit.
“It’s a Doctor Eguna class and we have a quiz with him,” he continued.
The terror professor.
“Go to your class, Bobby,” I advised him. “Kunwari na lang ay hindi mo pa nasasabi sa akin ang mga plano niya. Just go with the flow.”
Napaisip siya. Pagkatapos ay marahang tumango. “Right. In that way, makakapag-isip tayo ng strategies laban sa ikakaso niya.”
I raised my index finger at him. “Pero baka naman magpa-cute ka por que alam mong kinukunan ka ng pictures. Umayos ka, ha?” babala ko sa kanya.
Malambing niyang pinanggigilan ang magkabilang pisngi ko. “Sa ‘yo lang ako nagpapa-cute, my Gracie.” He smiley grinned.
So handsome.
“Kiss mo na ako,” paglalambing ko.
Without saying it twice, he gave me a quick kiss on the lips. “Take care, both of you, okay? Lalo ka na… Ikasasal ka sa pa sa akin…” He playfully winked at me.
“Asshole…” bulong ko habang hindi ko mapigilan ang ngiti dulot ng kilig.
Pagkatapos ay nagpaalam na sa amin ni Dezi
“Arte-arte!” komento ni Dezi nang makaalis si Aldus. She rolled her eyeballs. “Landi-landi…” panggagaya niya sa mga sinasabi ko sa kanya.
“Inggit ka?” pang-aasar ko.
She pouted her lips and playfully stuck out her tongue at me.
KINABUKASAN, ISANG LALAKI ang humarang sa daraanan ng sasakyan ko ilang metro paglabas ko ng gate ng bahay namin. Papasok na ako sa eskwela.
"Gusto raw po kayong makausap ni Ma'am Patty..." magalang niyang sabi nang ibaba ko ang bintana ng kotse ko.
Itinuro niya ang isang modelong silver Mercedes Benz nakahinto sa hindi kalayuan.
The nerve of Patty Rivera!