အခန်း(၁၆) အရသာရှိသော-၂
ချန်ရှုံချီရဲ့မျက်ဝန်းတွေက မှောင်မိုက်နေဆဲ။
သူ့အတွက် တစ်ခုခုဝယ်ခဲ့ပေးဖို့ သူမကို ပြောလို့ သူ့အတွက် ကိတ်ဝယ်လာခဲ့ပေးဖို့ ဆုံးဖြတ်လိုက်တယ်? သူ ကိတ်စားချင်တယ်လို့ ပြောခဲ့လိုက်သလား? အို, သူ သူမကို တစ်ခုခု ဝယ်ခဲ့ပေးဖို့ ပြောချိန်တုန်းက သူမက ဒီအချိုပွဲကို စားနေတုန်းဖြစ်လို့ သူလည်း ကိတ်စားချင်သွားတယ်လို့ ဖြစ်သွားတယ်ပေါ? ဒါ ဘယ်လို သောက်ကျိုးနည်း တွေးခေါ် မှုကြီးတုန်း? သူ ကိတ်စားချင်တယ်လို့ ပြောမိသလား?
စုယာယာ နောက်ဆုံးတော့ ချန်ရှုံချီနဲ့ပတ်သတ်လို့ တစ်ခုခုမှားနေကြောင်း သတိပြုမိလိုက်သည်။ သူရဲ့မျက်ဝန်း တွေက အေးစက်နေပုံပေါ်ကာ စိတ်မကြည့်ဖြစ်နေသလိုပင်။ သူမက မဝံ့မရဲနဲ့ မေးလိုက်၏။
"ဘာဖြစ်လို့လဲဟင်"
ချန်ရှုံချီဟာ သူ သူမကို စိတ်တိုလွန်းလှတဲ့အတွက် တကယ့်ကို ဗြုန်းခနဲ့ ရယ်ချပစ်မိတော့မလို့။ သူက အေးစက် စွာ အသံတစ်ချက်ပြုရုံသာ ပြုလိုက်၏။
"မင်း ဘယ်လိုထင်လဲ?"
သူမရဲ့မျက်ဝန်းတွေက သူ့ရဲ့အေးစက်စက်အကြည့်နှင့် ဆုံသောအခါ စုယာယာ ချက်ချင်းပင် တစ်စုံတစ်ရာကို နားလည်လိုက်၏။ သူမက ဖျော့တော့အားနည်းစွာ မေးသည်။
"ကိုက ကိတ်မကြိုက်ဘူးလား?"
ချန်ရှုံချီ သူမကိုသာ တိတ်ဆိတ်စွာ ကြည့်နေ၏။
ချန်ရှုံချီက နည်းနည်းလေးတော့ ထူးဆန်းတယ်လို့ စုယာယာ တွေးလိုက်မိတယ်။ စာအုပ်မှာက သူ ကိတ် မကြိုက်တာမျိုး ဒါမှမဟုတ် အဲဒါနဲ့ပတ်သတ်လို့ တစ်ခုခု ပြဿနာရှိတာမျိုး ဘာမှဖော်ပြမထားခဲ့ဘူး။
သို့သော် အခုက ဒီအကြောင်းကို စိတ်ပူနေရမယ် အချိန် မဟုတ်ပေ။ သူမက မျက်တောင်လေး တဖျက်ဖျက်လုပ်ပြီး ပြော၏။
"ရပါတယ်.. ယာယာ က ယာယာ အတွက် ဒီကိတ်တွေကို ဝယ်လာခဲ့တာပါ... ကို ဘာစားချင်လဲ? ယာယာ ကို့အတွက် အခြားတစ်ခုခု သွားဝယ်ပေးမယ်လေ"
YOU ARE READING
အမျိုးသားဇာတ်လိုက်၏ အစားထိုးခံ ဇနီးကညာအမ်ိဳးသားဇာတ္လိုက္၏ အစားထိုးခံ ဇနီးကညာ
Romanceဇာတ်လမ်းအညွှန်း စုယာယာ သတိပြုမိချိန်မှာ သူမက ဝတ္ထုကမ္ဘာတစ်ခုထဲ ရောက်ရှိနေခဲ့ကာ CEOရဲ့ အစားထိုးခံ ဇနီးသည်-အမြှောက်စာသာသာဇာတ်ကောင်လေးထဲ ရောက်နေတယ်ဆိုတာကို သိလိုက်ရတယ်။သူမနဲ့အတော်လေးကိုဆင်တူတဲ့ CEOရဲ့ အချစ်ဦး ပြန်လာတဲ့အချိန်မှာ ကွာရှင်းခြင်းနဲ့ ဝမ်းန...
