صلوا علي من جلس علي ركبتيه يواسي طفلا مات عصفوره
##################################
#بقايا_أُنثى 💔
كالعاده #هاشتاج باقي القصص 👇
#قصص_واقعيه_لهدير_ابراهيم
**********
اتعودنا ندفن راسنا ف الرمل كل م نسمع عن مشكله اخلاقيه جديده ف المجتمع بتاعنا ،
وبنحاول نتناسى اننا حاليا بنعيش ف وسط مجتمع مُنحل كُليةً ،
زي م شاركتكم الجانب الوردي م القصص اللي بتيجي ع الخاص ، حبيت اشارككم جزء بسيط م الجانب البشع باردو ...
**************
انا من القاهره م &&&&& بالتحديد ،
والدتي اتوفت وانا عندي 6 سنين بسبب السرطان ..
سابتني انا وولدين الكبير 15 سنه واللي بعده 11سنه ..
اليوم اللي اتوفت فيه عمري ما عرفت انساه
ولا انسي شكلها.. اه نسيت اقولك انا حاليا عندي 18 سنه في اولى كلية &&&&
كنت بحاول اخبي دموعي عن الناس اللي موجودة ودخلت البلكونه وفضلت اعيط واقول لربنا :
ليه اخدتها مني.. كنت خُدني انا وهي لا ،
ليه حرمتني منها؟ كنت لسه طفله واجهل ان الكلام ده حرام ،
بعدها.. بشهر او شهرين بابا اتجوز
كان دايما يقولنا اللي هتجوزها دي خدامه ليكم تخدمكم وبس
هو اللي زرع جوانا الفكره دي.....
عشان كده مفيش واحده كملت معانا من التلاته اللي بابا اتجوزهم غير التالته
اخويا الكبير طفش الاول والتانيه وجيه فالتالته وهي اللي طفشتنا احنا ،
كتر الخناقات بين اخواتي وبابا ومراته كانت مأثره ع نفسيتي جامد لان الشارع كله كان بيتفرج علينا مكانتش خناقات عاديه
يعني مفضوحين فالمكان
كنت بتكسف امشي فالشارع ،
وصل بيا اني حاولت #انتحر من كتر ما تعبت ،
اصل ابويا مربناش التربيه الصح ،
تخيلي كده ابن يشتم ابوه ويضربوا بعض
يعني مش هقولك بابا بيضرب اخويا لا الاتنين ماسكين في بعض ،
بابا انا كنت بشوفه بيتحسر ع نفسه كده وهو قاعد ، بدل ما يفتخر انه عنده اتنين رجاله
بس العيب عليه ؛
هفضل اعيب ع ابويا
دلعنا ومكنش ليه شخصيه قويه
يقدم النصيحه واللي يعجبك اعمله ..
وبعيب ع اهل امي بردو اللي ماخدونيش يربوني ،
انا لسه 6 سنين
يعني جدتي وخالتي اولى بيا
بس ياخدوني يعملوا بيا ايه وهما سارقين #ميراثنا ،
امي الله يرحمها ويغفر لها قعدت الفتره الاخيره قبل وافتها عند جدتي
فالفتره دي مضوها ع عقد بيع حقها.. امي كان ليها شقه في بيت جدي الله يرحمه
واخدوها ،
وبقي بين اهل ماما وبين بابا قواضي ومحاكم
مع ان بابا مكنش محتاج فلوس.. بابا كان معاه كتير كان عندنا بدل البيت اتنين وبدل العربيه اتنين وكنا مرتاحين
بس هو زعل ان ده حقنا لو سابوه هما بالعدل كان سبهلهم ومخادش حاجه ،
كبرت وانا بعيده عن اهل امي
حتي اهل بابا مكناش بنزورهم غير كل مناسبه مثلا
وكنت دايما محبوسه ، بابا لما كان معاه العربيه كان ع طول بيخرجنا ايام امي الله يرحمها
بس لما باع العربيه من بعد م اتوفت والحاله ضاقت ،
بقيت ع طول محبوسه فالبيت ومش بخرج
محبوسه في خناقات واخ #بيبص ع مرات ابوه وهي نايمه ...
واخوات #بيتحرشوا باختهم الصغيره
اه اللي هي انا 💔✋🏻
لا وكمان ابوهم .... !
عارفه يعني ايه طفله من وهي عندها 6 او 7 سنين اخواتها وابوها بيتحرشوا بيها؟؟؟؟
يعني البنت دي معقده وبتكره نفسها والناس كلها
مكنتش بعرف اعمل حاجه غير اني اعيط واشكي لربنا وادعي عليهم
كنت خوافه وجبانه جداااا
مبعرفش اتكلم
بس هتكلم واقول لمين؟
كلهم زي بعض
سندي وضهري بينهشوا فيا
كان تحرش كامل مفيش حته في جسمي الا واتلمست✋🏻💔
كبرت وتقدري تقولي اتعودت ع الموضوع ده لدرجه ان كان بيجي ساعات استجيب عادي وكأني مع راجل غريب ،
بس كنت بكره نفسي جدا وارجع لربنا وافضل ادعي عليهم ....
وصلت الي ان اخويا الكبير كان دايما يخرجني ويجبلي اللي انا عوزاه ويديني دايما فلوس
بس اكتشفت مؤخرا انه كان بيعمل كده تمن انه يلمسني ،
وقالهالي بلسانه يوم ما اتجرأت ونطقت وانا في 1 ثانوي ،
قالي انا بديكي عشان آخد ...
في 1 ث اللي خلاني اتكلم اني حبيت واحد ،
اه صح نسيت اقولك حاجه الاول وهرجع للواحد اللي حبيته
من 2 اعدادي انسجمت مع صحابي وقربت منهم ولاقيت فيهم الفرحه
وهربت من جو البيت وقرفه وبقيت مع صحابي وبس واعتبرتهم اهلي
وعرفت ولاد كتير طبعا
منهم واحد حبيته ف 1 ث
وفـ يوم هربت من المدرسه يعني بدل ماروحها ماروحتش وروحت قابلته
وحصلت مشكله والمدرسه بلغت بابا واتحبست فالبيت
وقتها لما لاموا عليا
اتجرأت لاول مره ونطقت وقولت لبابا مستني ايه مني بعد اللي بتعملوه فيا ،
قام وقالي بنعمل فيكي وشتم وكان هيضربني بس مقدرش لاني صادقه ،
وكدبني طبعا ... !
واحده واحده قدرت اني اتجرأ اكتر وبقي جسمي غالي ،
علمت نفسي اني غاليه ومفيش حد هيلمسني بعد كده واللي هيقرب مني هموته ،
عدى سنه والتانيه بحلوها ومرها
واستحمالي طبعا لمرات بابا متنسيهاش هي عملت فيا كتير بس انا دي سيباها لربنا انا مش هقدر اعمل معاها حاجه بس انا هختصرها فانها سارقاني عيني عينك ومش مدياني حقوقي وليا معاش بتاع امي لانها كانت مُدرسه هي بتاخده ،
فانا سايبه حقي عند ربنا وبحمد ربنا ان عندي بيت ولقمه باكلها ،
المهم عديت اولي وتانيه ثانوي
كنت حبيت واحد تاني وسابني
وحبيت واحد تالت
حياتي كانت عباره عن بحث عن راجل يحتويني ويديني الامان اللي ملقتهوش في اهلي اللي نهشوني
وحبيت تالت..
كان معايا في درس
وحبيته
وحبني
وفضلنا سوا 3 سنين
يعني 2و3 ث و1 جامعه
طبعا مش هقولك عمل ايه وحسسني بايه لانك اكيد عارفه اي ولد بيعمل ايه ،
بس بجد عرف يملكني بالحاجه اللي ملقتهاش في اهلي وهي النصيحه والامان ،
وكنت مِسلمه نفسي جدا خلاص وثقت لدرجه غبيه ،
لدرجه اني ضحيت بحلم عمري "كليه طب" واختارته ،
وزايد ع ده انه عرفني ع والدته واخواته الكبار ووالده ...
وخلاص اهل بيته عارفين اني انا عروسه ابنهم. وكنت بقول لمامته يا ماما وفعلا لدلوقتي بحبها هي طيبه جدا ،
بس الصدمه كلها بقي فاللي جاي
ان انا وهو اقامنا علاقه غير شرعيه✋🏻💔
انا بس عايزه اقولك انه محترم جدا او كان محترم جدا
بس الشيطان او النفس بتدمر الواحد👌🏻💔
اخته متزوجه وزوجها مسافر وهي قافله شقتها وقاعده معاهم فالبيت ،
فهو كان بياخد المفتاح ونروح
العلاقه دي حصلت تقريبا في اول شهر 11 او اخر 10 يعني مش من كتير
روحنا طبعة كذا مره
في بدايه الامر كان خايف انه يغلط وميخلنيش #بنت ،
بس انا كنت غبيه اوي لان كنت بحبه اوي
قولت لا هو كمان هيلمسني ويهرب لا لازم اربطه واخليه يغلط ويخليني مش بنت ،
وبعيدا عن رغبتي فاني اخليه يعمل كده ولا لا
ف بتكرار عدد مرات مرواحنا للشقه
حصل وبقيت مش بنت.. طيب
كنا كل مره نندم بعد مانخلص ونعيط سوا ونروح
ونتفق اننا مش هنتكلم تاني عشان نتوب
ونرجع لبعض فالحلال
ومنكملش اسبوع ونرجع نروح
ويتكرر نفس الكلام
لحد قبل الامتحانات باسبوع يعني تقرببا 16/12 اللي فات دي كانت اخر مره نروح فيها
عشان بعدها الامتحانات بدات وحاليا اجازه
بس حاليا هو سبني..!
اه
قالي اللي عندك اعمليه وروحي قولي للي عايزه تقوليله جواز مش هتجوزك ومش عاوزك ،
انتي ايه الحاجه اللي فيكي ومش في بقيت البنات عشان اتمسك بيكي؟؟
وكان قبلها اتخانق معايا وعايرني
هحكيلك دي كمان عشان تعرفي تفيديني
المره اللي قبل الاخيره
احنا روحنا الشقه نتخانق بس مكنش عشان نعمل حاجة
صاحب العماره شافنا نازلين ورا بعض وكده فاتصل بيهم فالبيت وحصل مشكله
واخوه الكبير عرف اللي حصل بنا
بس اخوه الكبير بس ، محدش تاني عرف ،
جالي وقالي احنا لازم نبعد عن بعض انا مش عاوز حد فحياتي ،
قولت اهدده اني هقول لباباه ومامته فقالي انا سهل جدا اقول لابوكي
فعملت نفسي مش هاممني
وقولتله هقول لبابا انك غصبتني واهو هتبقي انت معترف بنفسك
قالي انتِ عارفه لو ابوكي عرف انك مش بنت هيعمل ايه؟
احتمال ياخدها فرصه ويعمل معاكي كده كل يوم ؟؟؟؟؟؟
انتي متخيله #القذاره وصلت لفين !!؟
ومع ذلك جالي بعدها وطلب مني فرصه يثبت انه مش كده وانها كانت ساعه نرفزه ،
وسامحته واهو عيدنا اللي حصل اخر مره
واهو دلوقت انا مرميه مش عارفه راسي من رجلي ،
انا حاليا مش بنت ✋🏻💔وكنت هعمل #العمليه وابعد عنه ،
واوقات اقول لا مش هعملها وهستناه يرجعلي
بس بخاف حد فالبيت يعرف انا حتي مش معايا ورقة جواز عُرفي ،
وبخاف لا يجي بعد كام سنه يقولي انا اعرف منين انك معملتيش كده مع غيري
خاصةً لانه عارفه ابتلاء ربنا ليا واللي اهلي عملوه فيا ،
انا كتير حاولت التزم بس ولا مره كملت
برجع في نص الطريق ،
انا كارهه نفسي وحياتي وانا بالمنظره ده عديمه الشرف ،
اعمل ايه يابنت الناس
انا حكيت
ومستنيه رد
لان انا مبقاش عندي عقل افكر
#وملحوظه بس العمليه تكلفتها حوالي 8000 وانا مش معايا المبلغ ومش عارفه اعملها ازاي حتي😞فيديني بالله عليكي.. واسفه ع اللي قولته
انا استاهل الحرق.. بس مستنيه مني ايه وانا طالعه في بيت معودني ع كل القذاره والقرف ده 😞😢ربنا يسامحهم ويسامحني ....
انا كُليتي كويسه ولاقيت فيها الصُحبه الصالحه ،
اللي دعيت ربنا كتير ينولهالي
وقربت منهم وقربت اني ابقي شبههم بس هما مش معايا دايما ،
فـ بيحصلي خلل
وحاليا بدأت ارجع زي الاول ويمكن هبقي اسواء
**********
اتكلمت مع صاحبة المشكله شويه وانها تحاول تقرب م ربنا وتخلص التوبه وربنا هيخرجها م اللي هي فيه ، كمان لازم تدور ع الصُحبه الصالحه وكان دا ردها 👇
كلامك حلو.. وحافظاه وعرفاه
بس مبقاش ينبع من جوايا خلاص
تحسي ان الشيطان ملكني او من كنر الذنوب او بسبب الكبيره دي
عندي الصُحبه الصالحه وعندي كل حاجه ومش عارفه ابدا منين
كل شويه ابدأ من الصفر ومكملش وارجعله تاني لحد ما تعبت من الصفر
انا قولت هعيش طبيعيه وخلاص
مؤقتا حتي لحد ما اصلح اللي جوايا والهِدايه هتيجي بالتدريج ،
فقولت اشوف مستقبلي واركز في دراستي
بس هبقي مع ربنا بردو ،
شايفه ايه؟ رأيك في اللي قولته؟
وكمان لو بتلوميني انا استاهل اللوم والقتل كمان ،
بس بقولك انا وثقت فيه لدرجه عمياء
يعني ابيع الدنيا واختاره هو ويارتني ما اختارته✋
وحاجه كمان.. اروح اقول لمامته؟ ولا هفضل عايشه كده مش بنت 😞مش ليه ولا لغيره!!
****************
نزلت #المشكله دي لكذا سبب منها :
1– نعترف بإننا عايشين في مجتمع مُنحط ومنحل ودا بقى شئ بديهي جدا ...
2– كل البنات او حتى الولاد اللي بيشتكوا م سوء معاملة اهاليهم ، احمدوا ربنا ابتلاءكم طلع اخف بكتييييير ...
3– للناس اللي شايفه ان اللي هما بيمروا بيه هو نهاية الكوكب ومفيش بعد كدا مأساه ، لا طبعًا في ابشع م حالتك بكتييير ، ف احمدوا ربنا باردو ...
4– زنا المحارم بقى شئ طبيعي جدا نسمع عنه كل شويه وكل يوم ، وبالتالي ف الواحد بدأ يحس بالراحه ان العالم دا نهايته قربت ونخلص بقى ✋
5– البنات بقى اللي ع علاقه ب ولاد وواثقين ثقه عمياء نفس ثقة البنت دي ، فـ طبيعي نهايتك نفس نهايتها ، الا لو رجعتي بسرعه ولحقتي نفسك ورجعتِ لربنا ملهاش حل او مخرج تاني ✋
6– ياريت كل أم تاخد بالها م بناتها وتوعيهم ، لعلها تقدر توصل بيهم لبر الامان ...
7– طول م احنا بعيد عن ربنا مفيش حاجه كويسه هتحصل ف حياتنا ابدا ابدا ودي حاجه لازم نسلم بيها ...
القائمه تطول بصراحه ،
القصه دي صاحبتها كلمتني م اسبوع وشويه تقريبًا وم وقتها وانا اكتر جمله بترن ف ودني هي ان خوف البنت ان بباها يعرف مش علشان هيعاقبها بقى والشرف وكدا ،
لا دا هيستغل الفرصه ويعمل مع البنت اللي هي #بنته اصلا #علاقه_كامله ،
مع احترامي ليها ف سواء هو او اخواتهابراهيم
تر م شياطين في هيئة انسان ومعاهم طبعا ال &&&& اللي عمل معاها كدا واغواها الله ..
حسبي فيهم حقيقي ...
وللناس اللي كانت بتشوف ان نهايات القصص اللي فاتت خياليه ف انا شيفاها نهايه واقعيه جدا بالنسبه للمآسي اللي مروا بيها ف حياتهم ، والبنت بإيدها توصل لنفس النهايه السعيده شرط واحد تخلص النيه والتوبه لله ..
وفضلًا ننصح البنت بلُطف هي اصلًا مُدركه لحجم الكارثه اللي هي فيها ،
عندي امل وحسن ظن كبييير ف الله ان القصه دي تكمل بنهايه سعيدها زي م حصل قبل كدا مع قصة #180_درجه ... !
وربنا يرحمنا برحمته ويستر جميع بنات العالمين .....
#احبكم_في_الله
صلوا علي الحبيب المصطفي