قصص واقعية (لهدير ابراهيم)

لم يخلقنا ليعذبنا

صلوا علي من جلس علي ركبتيه يواسي طفلا مات عصفوره

#############################

#لم_يخلقنا_ليعذبنا ❤

بعد م ظبط كل حاجه استعدادًا لكتابة القِصه ، اخدت اسكريناتي وجهزت الموب ، فتحت النوت اللي بكتب فيها ع التاب لقيت اكتر م حاجه مكتوبه بس مش فاكره ولا واحده فيهم كتبتها امتى !؟ خاصةً اني مستحيل انسى حاجه كتبتها ، وبعدين افتكرت ان امبارح اخدت #كوبي كتييير م كذا مسج جاتلي بما اني كنت بفتح المسجات للبنات انزلها كوبي واخرج بسرعه ابعتها للي بعدها ، بس لما كنت بلاقي مسجات قديمه لبنت كنت باخدها اسكرينات بسرعه علشان ارجع اقرأها او باخد منها كوبي ، بس حتى لو اخدتها كامله كوبي كنت باخد اسكرين م اسم صاحبتها علشان ارجع اكلمها ،
الا #المسج دي ، انا بفضل الله ذاكرتي قويه لدرجه تخليني افتكر ع الاقل بدايات المسج اللي باخدها كوبي ، طيب اشمعنى دي اول مره اشوفها حرفيًا !!
نسيت تماما القِصه اللي هنزلها وفتحت النوت وبدأت قراءه ، ومع كل حرف كانت اعصابي بتتوتر اكتر واكتر ومش قادره اكمل عاوزه انزل اشوف اخرها بسرعه ، بس لما كملت فضلت #ابكي وحسيت ان كل قبضه في قلبي راحت مع كل دمعه نزلت مني ...
ولما رجعت للتوقيت اللي كتبت فيه المسج دي لقيت انه نفس توقيت كنت مضايقه فيه امبارح جدااااا وكنت ببكي ومع ذلك مكمله ابعت للبنات علشان جروب الواتساب وفي نيتي ان ربنا يخفف م ألمي ووجع قلبي ، ومكنتش اعرف اني باخد بإيدي كوبي لرساله م ربنا ليا ♥
يمكن لو كنت قرأتها امبارح كان في رد فعل معين ليا مكنتش هعمله ، بس لعله خير ...

اول مره تحصل اني انزل قِصه كامله بدون م ازود عليها حاجه خالص ماعدا تعديلات لا تذكر ( اخطاء لغويه او اضافة علامات ترقيم )
يعني كل حرف هنا كتبته اللي عاشت كل اللي حصل فيها للناس اللي بتحب تشوف النص الأصلي قبل م اكتبه انا ...

طولت عليكم بعتذر واسفه ع اللغبطه دي بس انا بكتب بإحساسي ولغبطتي الحاليه وحقيقي بقيت احب جداااا #اشارككم لحظات كل قِصه بتنزل 💚

وووووووكالعاده #هاشتاج باقي قِصصنا 👇
#قصص_واقعيه_لهدير_ابراهيم 💜

&&&&&&&&&&&&&&&&&&&&&&&&&&&&&&&&
السلام عليكي يا هدير ✋
يارب تكوني بخير ❤
أما بفتح صفتحك بدعي ربنا يخليني اقرأ القصة اللي تكون فيها الرساله اللي محتاجاها مكنتش فاكرة إن ممكن يكون عندي حاجه ابعتهالك في يوم من الأيام ..

قصتي بدأت من عندك هنا في الصفحة !!
كنتي كاتبه بوست عن الإبتلاء وإنك بتفرحي بالإبتلاء ، يمكن وقتها استغربت كلامك شوية وفي نفس الوقت بصيت على حياتي حسيت إن مفيش عندي  إبتلاء
ونفس الفترة ربنا كتبلي إني أسمع دورس عن الإبتلاء وكنت بردوا بسأل نفسي انا فين من الإبتلاء ولو بقى في ابتلاء هصبر واثبت زي ما بسمع في الدروس هيبقى عندي قوة إني اثبت!!؟
لما حد من اصحابي بيكون في ابتلاء كنت دايما بقولهم الكلام اللي بسمعه في الدروس اللي بسمعها عن الإبتلاء وإن الإبتلاء بيكون على قدر الايمان وإن المؤمن والكافر مبتلين والإبتلاء بيكون عشان ربنا يميز الخبيث من الطيب بس مكنتش بعرف اقيس ده على حياتي ومكنتش عارفه ان ربنا كتبلي اسمع الدروس دي واقرأ في سير الصحابة عن اللي مروا بيه من ابتلاء عشان يسخرني اني اقول لأصحابي الكلام ده واقويهم انهم يثبتوا عشان ربنا يسخرهم ليا في وقت ابتلائي يقولولي الكلام اللي انا كنت بقوله ليهم وقت ابتلائهم وفي نفس الوقت ربنا كان بيعدني للفترة اللي همر بيها !!