صلوا علي من جلس علي ركبتيه يواسي طفلا مات عصفوره
#################################
#ما_محبة_الا_بعد... !!
دايمًا نسمع عن عقوق الابناء والكل بيركز،ع النقطه دي ونادرًا م سمعنا عن #عقوق_الآباء بأبنائهم .. رغم ان دا اصبح العادي في زماننا ..
القِصة دي مختلفه كل الاختلاف عن اي قصة نزلتها قبل كدا .. مش عارفه قدرت اوصل المغزى منها او لا بس دي هتفضل م اكتر القصص قربًا لقلبي .. وانها اديتني امل كبير جدا في ان ربنا قادر يغير عالمنا كله في وقت مكناش نتخيل ان ممكن تحصلنا حاجه حلوه فيه ...
هاشتاج باقي قصصنا 👇
#قصص_واقعيه_لهدير_ابراهيم 🌹
🌼🌼🌼🌼🌼🌼🌼🌼🌼🌼🌼🌼🌼
دي تقريبًا أول قِصة اعيش اغلب احداثها فـ هكون أنا راوي القصة 😃
البداية كانت رسالة شوفتها قدرًا بين رسايل الـ others
وكانت عبارة عن سؤال واحد بس : هدير بجد القصص اللي بتنزليها دي حقيقية !؟
ضحكت وبعتلها انها ايوه الحمد لله حقيقية ودعيتلها وقولتلها تخلي عندها ثقة كبيرة وحسن ظن في الله ومش بعيد تكون قصتها منوره عندي يومًا ما 😉 قدرًا كانت هي كمان فاتحه الفيس وردت عليا – مقدرش انسى اليوم دا ابدًا وكنا يوم الجمعة واتكلمنا م قبل صلاة الجمعة لوقت الصلاة –
مكنتش اعرف ان ربنا هيستجيب دعوتي ليها بالسرعة دي .. اتكلمنا في شهر اغسطس 2018 وم كرم ربنا وفضله عليها حصلت #المعجزة وجبر خاطرها وكان مكتوب كتابها في #ليلة_رأس_السنة ومن يومين كان فرحها ... وكل دا كانت بدايته خناقه بينها وبين زوجها الحالي نقدر نطبق عليهم " ما محبة إلا بعد عداوة "😂
ايه بقى اللي حصل ؟! نبدأ م البداية خالص 👇
م الأول علشان مش نتوه م بعض انا اخترت اسماء اصحاب القصه " طبعًا مش اسمائهم الحقيقية "
اعرفكم بدكتورة #مي دكتورة اطفال عندها بالظبط 36 سنه ونص .. و بالتأكيد بتعاني زي اغلب بنات مجتمعنا م نظرة المجتمع لكل اللي في عمرها 😐
من اول مره اتكلمنا فيها واحنا بنتفق ع يوم نتقابل فيه بس ولا مره ظبطت معانا لدرجة اني في يوم قولتلها شاكلي مش مكتوبلي اقابلك الا وانتِ بـ #الفستان_الأبيض 😉 وقد كان الحمد لله ..
رغم معرفتنا ع الفيس الا اننا كنا بنتكلم شبه يومي وكانت بتثق فيا بطريقة غريبة معرفش جابت الثقة دي كلها منين ،
بس وصلت انها كانت بتحكيلي كل تفصيله بتحصل في يومها بما فيها احلامها ،
وفي يوم لقيتها بتكلمني ومتضايقه جدًا وعرفت ان حصل تاتش بينها وبين دكتور تاني ، رغم ان مفيش اي حاجه ابدًا ممكن تجمع بينهم او توصلهم لبعض " اقدار وترتيب ربنا "
دا بقى دكتور #مروان دكتور صدر واكبر من د. مي بسنتين تقريبًا.
وهي بتحكيلي اللي حصل بينهم قالتلي في النص معلومات عرفتها عنه لما سألت حد م الدكاتره اللي تعرفهم وطلع هو كمان يعرفه،
عرفت منها انه #منفصل م فتره وعنده اطفال ..
ولأنها كانت متضايقه جدا م الموقف اللي حصل بينهم، حبيت اهزر معاها علشان اخرجها م التفكير في اللي حصل فـ سألتها
– انتِ ممكن توافقي عليه لو اتقدملك !؟
– هدير انتِ بتهزري اوافق على مين ؟ الدكتور اللي سألته عنه قالي انه مش بيفكر يتجوز تاني ابدًا.
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
