صلوا علي الحبيب المصطفي
###############################
#قصص_واقعيه_لهدير_ابراهيم
#حكايه وصلتني في المسجات كالعاده ،،
لكن حكايتنا انهارده تختلف عن اي حكايه ذكرتها قبل كدا ،
بتتشابه بس معاهم انها #حقيقيه كالعاده ،،
مش لاقيه حتى اسم مناسب ليها ف هكتفي ب #وجع !!!
**************
معرفش هتشوفي رسالتي دي ولا لا ،،
بس علشان لو شوفتيها حبيت اقولك السبب في اني ابعتهالك ، مع ان دي اول مره اقول لحد اللي هقولهولك ،،
مش هقولك ارتياح ليكي علشان متتفهمش غلط بما اني #شاب ،
بس هقولك باردو زي م المعظم بيقولولك،في حكايتهم علشان انتي #هدير_ابراهيم !!
و حقيقي كنت حاسس لو اتكلمت باللي جوايا هرتاح ،،
نبدأ في حكايتي ،،
انا كنت #متجوز مش هقولك عن حب ع الاقل من ناحيتي ،،
بس لما اتجوز حبيتها بجد من معاملتها وطيبتها وحنيتها ،،
حياتنا كانت ماشيه طبيعي بعد الجواز بشهور لوقت م بدأ الناس تسأل ارخم سؤال ع اي اتنين لسه متجوزين اللي هو " ها لسه مفيش حاجه في الطريق !! "
لا والأبجح انهم يقولوا الموضوع طول اوي وانتوا متجوزين من شهور اللي هو الشهر عندهم ب #سنه تقريباً ،،
المهم ان الزن اشتغل لحد م روحنا نعمل فحوصات انا ومراتي ،،
ومن وقت النتيجه واختلفت حياتنا تماماً ،،
عرفت اني عندي #عُقم ،،
طبعاً حسيت ان الموضوع جاي ع كرامتي و #رجولتي ،، طبعاً دا تفكير غلط جدا بس لحظة لا دي كانت لحظااات شيطان ،،
مراتي اثبتت فعليا انها بتحبني والاهم انها #بنت_اصل ،،
الحب بيروح ويجي لكن الاصل الطيب عمره ما بيضيع ،، ودا اللي ظهر منها ،،
وقفت معايا وقالت لأهلي واهلها ان العيب منها ،،
وقالتلي انها مش عاوزه اطفال ، والمهم نكون مع بعض ،،
طبعا اي حد في موقفي كان طار بيها ،
لكن انا عملت العكس ، كنت بشع معاها جدا وكأني بحملها ذنب #قدر ربنا قدره عليا ،،
لدرجة انها كانت لما تقولي انت ابني ،
تخيلي كنت ارد اقولها بكل عصبيه : ليه انتي شيفاني #عيل وان موضوع العقم دا ميعبنيش في حاجه وكلام كتير مالوش لازمه بس يوجع اووووي ،،
وكانت هي بتستحمل ،، بتستحمل كلام اهلي اللي زي السم ومعايرتهم ليها بإنها ارض بور ،،
بتستحمل نظرات الشفقه من اهلها واخواتها ،،
والاهم انها كانت بتتحمل نوبات جنوني ،،
كانت ثابته قدام كل دا ،، معرفش بجد كانت جايبه كل الثبات دا منين ،، ودا كان بيجنني اكتر ،
كان شيطاني بيصورلي ان ثباتها دا بسبب ان العيب مش منها هي ،،
تعرفي اني عيشتها في عذاب نفسي لمدة 3 سنين هي مدة جوازنا واقسملك بالله ان ولا مره تعاملها معايا اتغير ابدا ، كانت دايما صابره ،
مراتي مش من النوع اللي بيشتكي ابدا سواء من وجع نفسي او عضوي ،،
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
