قصص واقعية (لهدير ابراهيم)

احببتك كم ينبغي ان يكون

صلوا علي من ياتي يوم القيامه يقول امتي..امتي

#################################

#احببتك_كما_ينبغي_ان_يكون 👌
#قصص_واقعيه_لهدير_ابراهيم

واخييييييراً ومع عوده #قويه لقصصنا #الواقعيه واتكوا ع القاف 😂

#ملحوظه مهمه الناس اللي بتشوف ان القصص دي خياليه يبقى القصه دي بالذات ممنوع الاقتراب تماما علشان صحتكوا النفسيه صدقوني 😂😂
يلا بينا نعيش سوا في مغامره #ربانيه جديده  قراءه ممتعه❤
*************
في البدايه عاوز اذكر السبب اللي خلاني ابعت القصه ليكي هو ان زوجتي متابعه قصصك بإستمرار دا غير ان في عامل الى حد ما مشترك في قصصك #بقصتنا !!
هتكلم بإختصار ..
واهم حاجه حاولوا م تنسوش الاحداث من اكتر من 10 سنين .....
انا شاب من الطبقه اللي بيطلق عليها #الطبقه_الراقيه !؟
زي اي شاب اتعلقت ببنت معايا في الكليه ،،
بس كانت مختلفه عن اي بنت عرفتها لانها ببساطه كانت #محجبه !!
وانا شخص تقريبا كل الناس اللي بتعامل معاهم بما فيهم اهلي كانوا غير محجبات !!
والاهم ان الحجاب كان بالنسبالهم هو زيّ معين للطبقه الغير قادره ع مصاريف اللبس يعني والكوافير من الاخر 🙂 ف بيداروا نفسهم تحت ما يسمى الحجاب ،،
وكمان اهلي كانوا متشددين في رأيهم اتجاه اي بنت محجبه لانهم من وجهة نظرهم #منافقين !؟
المهم اني كنت خلاص فعلا ارتبطت بالبنت ارتباط رهيب خاصةً ان الكل بيشهد بأدبها وانها رافضه تماماً اي صوره من صور الصداقات او العلاقات مع شباب !!
عملت حاجات كتير جدا علشان اوصلها لدرجة ان انا ك شخص ولا مره فكر مثلا يصلي علشان ربنا ، بقيت اصلي علشان ادعي انها تكون من نصيب ومش بس كدا دا انا بقيت بغض بصري عن كل البنات وهي اولهم من باب يعني اني بحافظ عليها من نفسي قبل اي حد !!
وكل التغيير دا جالي بسبب مره سمعت من صاحبي ان اخوه اتجوز بعد حب 4 سنين واخدت منه الوصفه السحريه دي 🙂
فضلت كدا سنتين ونص تقريباً واللي كان بيصبرني هو ان البنت كنت بلاحظها كتير بتبص ناحيتنا — خدوا بالكوا من الجمله دي لانها هتقابلنا بعدين وهتشقلب الموضوع كله — !!
المهم اني كنت خلاص في اخر سنه في الكليه واتفاجئت ان والدي قرر اني هخطب ، والمفاجأه اللي هزتني انها بنت شريكه وصديق عمره واللي هو باردو من باب زيتنا في دقيقنا وجو ولاد العم والمال ميخرجش برانا وجحا اولى بلحم ... 🙂
المهم اني بإختصار اتدبست ،، ولجأت بعد تفكير شيطاني كتير لحيله هي تخصص بناتي من الدرجه الأولى ،، وهي اني اطفش العروسه 🙂 والاهم ان كله بما يُرضي الله !؟
لجأت لصاحبي المتدين اللي كنت سمعت منه كلام غريب جدا قبل كدا عن فترة الخطوبه بس لقيت ان اصلا الكلام الغريب دا هو افضل حل لمشكلتي ،،
وهو ان للخطوبه احكام شرعيه لازم يمشي عليها الطرفين ومنها مثلا ان الزيارات تكون قليله وان حد من اهلها يكون موجود معانا #محرم ،،
ممنوع الخروج الا للضروره وبااااردو بوجود #محرم ،،
ممنوع الكلام في الموبايل الا للضروره وكذلك وجود #محرم 🙂
طبعاً انا متأكد ان كل اللي فات دا مش هينفع مع بنت شريك ابويا ،، والصوره اللي في دماغي عنها انها البنت المدلعه بتاعت بابي ومامي وصحابي وخروجات وافراح صحابها وسفريات ... الخ
ف قولت دي لو طبقت معاها اللي فوق دا مش هتاخد يومين وتخلع !!
تمت الخطوبه وقولت البوقين اللي فاتوا دول ومستني النتيجه !!
الإندهاش بقى انه ولا حصل اي اندهاش بالنسبالها اصلاً ،،
اللي كان مستغرب كلامي وتغييري هما اهلي وبس لكن اني اسمع مثلاً انها معترضه او او او ،،
ولاااااا الهوا !!
طبعاً هداني تفكيري باردو ان اكيد البنت دي هي كمان #مغصوبه عليا ، او انها اصلا ع علاقه بشخص تاني ف بتخرج معاه وتكلمه براحتها وانا بره الليله كلها !!
وفي الفتره دي كنت مستمر باردو ع حب البنت التانيه ، واستمر الحال لوقت م لقيت ابويا اللي بيفاجئني بقرراته كل شويه بمعاد كتب الكتاب
اللي هو لو بنت مش هيكون التعامل بالاسلوب دا 😒
فكرت اني اطلب اشوف بنت شريكه اللي المفروض اسمها خطيبتي علشان انهي معاها كل الحوارات دي ،،
بس طبعاً اللي منعني اللي قولته فوق واني عملت فيها شيخ ،،
يعني عملت كل دا علشان حرام وقبل كتب الكتاب اطلب اشوفها لوحدها !؟
المهم كتبنا الكتاب ،، وفي نفس اليوم طلبت اخرج معاها لوحدنا ،،
طبعاً بدأ الهمز واللمز وانه م صدق ،، م انا عامل فيها شيخ بقى وكدا 😐
روحنا قعدنا في مكان وكنت مش عارف ابدأ منين وكل م اقول انها صعبانه عليا اشحن نفسي بإنها اصلا مغصوبه ع الجوازه دي وم هتصدق تخلص منها ، دا غير انها المفروض من وجهة نظري انا انها ع علاقه بشخص ،، ف في كلا الحالتين م هتصدق #تخلع !!
بدأت كلامي معاها بإني حاسس ان الموضوع كان غلط ،، واني حاسس انها هي كمان مغصوبه ع الجوازه دي واننا لازم نفكر سوا ،،
وقتها لقيتها بتبصلي نظره غريبه جدا اللي هو مش فاهمها اصلاً ،
وسكتت شويه وقالتلي افهم من كدا ان كل اللي انت كنت بتعمله دا مش كان من التدين ولا حاجه وكل دا لأنك رافض ترتبط بيا !؟
قولتلها بصراحه ايوه ..
قالتلي وليه مش عرفتني ، ليه جاي تقول دلوقتي بعد كتب الكتاب !؟
قولتلها بسبب باردو اللي قولته في فترة الخطوبه !؟
قالتلي مش مبرر خالص ،،
قولتلها دا اللي حصل ،،
قالتلي والمطلوب !؟ قولتلها المطلوب انك تقولي لاهلك انك مش مرتاحه ومش عاوزه الموضوع دا يتم ،،
ومفيش بنت بتتغصب ع جوازه
ضحكت #بمراره وقالتلي طبعاً طبعاً الولاد بس دلوقتي اللي بيتغصبوا ع الجواز !؟
قولتلها اللي حصل باردو وانتي مش حاسه بالموقف اللي انا فيه ف من الاخر انا طلبت اشوفك انهارده علشان اقولك قدامك 3 اختيارات ،،
#الاول تطلبي الطلاق من دلوقتي
#التاني لو خايفه ع شاكلك يعني وبرستيجك قدام صحابك نتجوز وننفصل بعدها بفتره وعادي بطريقه سبور واننا مرتحناش ،،
#التالت لو اللي فوق مش عاجبينك ف هو اننا نكمل مع بعض عادي بس انا #هتجوز لاني مرتبط ببنت ومستحيل استغنى عنها وعارف ان ربنا هيكرمني بيها قريب !؟
بعد خلصت اخر جمله هي قالت انها اختارت اخر حل واستأذنت وسابتني ومشيت !!
مستغربتش قرارها مع اني مكنتش متوقعه بصراحه !!
عدت الايام ويوم الفرح اللي اي بنت بتستناه ،،
واول م شوفتها ميلت عليها وقولتلها مفيش رقص مع بعض خاالص وخاصة رقصة #السلو لاني مش هكون في الوضع دا مع اي بنت الا البنت اللي بحبها !!
كل ردها كان – معلش ليا طلب واحد بس وهو حاول تمثل بس علشان اليوم يعدي ع خير قدام الكل وانا هنفذلك كل اللي هتقوله –
لما دخلنا القاعه المفروض بنبدأ بالرقصه دي ، بس لما كملنا ومحصلش حاجه صحباتها قربوا منها وسألوها ف لاحظت انهم بيغمزولها وبيضحكوا ،،
طبعاً انا كان محروق دمي وكل اللي خطر ع بالي ان انا كدا اتأكدت انها ع علاقه مع شخص ومش بعيد تكون مفهمه صحباتها ان هي اللي طلبت اننا منرقصش علشان الشخص دا ،، اللي هو يعني خدت كلامي كله ع نفسها !!
اليوم خلص ورجعنا شقتنا ،، وفهمتها ان في قواعد لازم تمشي عليها بما انها اختارت تكمل معايا ،، كان منها
1_مفيش خروج لينا مع بعض لوحدنا
2_ مش هناكل ولا هنقعد مع بعض ابداً لوحدنا
3_ حياتها ولبسها في البيت وقت وجودي فيه لازم يكون زي بره البيت !!
دي كانت جزء من القواعد اللي هي بالمناسبه وافقت عليها كلها !!
والأكيد ان شكي فيها مع كل حاضر بتقولها كان بيزيد وانها وخداني كوبري ،،
وان اكيد الشخص اللي هي بتحبه مثلا اقل منهم ف بباها رفضه او .. او .. او ...
استمر الحال بينا ع كدا تقريباً 11 شهر ، وكان من اساسيات حياتي في الفتره دي اني اهيأ واجهز نفسي مادياً اني اتجوز مره تانيه !!
وفي يوم واحد صاحبي كان بيعزمني ع خطوبته والمفاجأه بقى العروسه طلعت اللي كنت متعلق بيها 😂😂
حسيت اني خدت دش باااااارد فجأه ،، والدنيا كلها قلبت معايا تماماً ..
الحاجه اللي كانت حياتي بتدور حواليها هي وبس راحت ،،
وبعدين الخااااينه ازاااي تقبل بواحد غيري ،،
والاكتشاف العظيم بقى
فاكرين الجمله اللي قولت خدوا بالكوا منها
اهي مبررها جاي اهو
هي كانت بتبص علينااااااااا
يعني انا واصحابي اللي منهم اصلا صاحبي دا ،،
وانا كل دا عايش الدور السنين دي كلهاع انها بتبص عليا انا !!
تغيير حياتي كان حرفياً من الوقت دا ،،
في يوم سمعت اختي الصغيره بتقولي انت عديت مراتك ولا ايه يا سيدنا الشيخ !؟
قولتلها مش فاهم بتتكلمي ع ايه !؟
قالتلي مراتك اللي عمرها م دخلت مطبخ رفضت تجيب بنت تساعدها في الشقه ولما سألناها ع السبب قالت انه من باب الحرص يعني علشان لو هي مش موجوده في البيت لا يجوز شرعاً تسيبك مع بنت غير #محارمك في البيت !؟
طبعاً الكلام مكانش بالصيغه دي لان معظم الكلام انا ذات نفسي وقتها ولا كنت فاهم منه حرف ،،
ولما فهمت معنى الكلام واللي تقصده استغربت !!
عارفين كدا كأن غمامه سودا كانت ع وشك واتشالت ،،
بدأت الاحظ علاقة اهلي #بمراتي واد ايه بيحبوها واد ايه اخواتي متعلقين بيها جدا !!
#مراتي اللي كنت في الرايحه والجايه اشك فيها واعايرها واقارنها بالبنت التانيه لمجرد ان دي محجبه ودي غير !!
#مراتي اللي كانت مهتمه بإنها تعمل وتتعلم الاكل اللي بحبه وانا ولا مره خدت بالي من حاجه زي كدا !!
#مراتي اللي استحملت مني شك وقرف ونظرات احتقار لمجرد بس سوء ظن عندي اتجاهها انها ع علاقه بشخص وكل دا من غير دليل ،،