صلوا علي رسول الله
##########################
#الصاحب_ساحب !!
السلام عليكم ازيك يا هدير عامله ايه انا مش عارفه ايه اللى خلانى ابعتلك قصتى دلوقتى مع انى متابعاكِ بقالي شهور تقريباا..
انا بنت عندى 23 سنه اصغر بنت فى اخواتى وكمان في العيله فكنت متدلعه جداا على الرغم من اننا ساكنين فى قرية فى صعيد قنا..
كانت حياتى عاديه جداا بس لحد وقت البلوغ بدأ التحرر يظهر علياا جدا فى كل حاجه حتى فى لبسي من غير حجاب وكمان خروجات وشباب وحاجات كتير محرمه لحد ما دخلت الكليه وصاحبت شلة بنات مش كويسة..
بدأت حياتى تزيد فى المعاصى اكتر واكتر وفى الوقت ده حسيت انى بضيع جدا لان غضب ربنا ظهر عليا جدا ..اطلع من مصيبه ادخل فى التانيه مكانش فى حد جنبى غير صاحبتى ودى كانت صاحبتى من ابتدائى تقريبا وبدأت تنصحنى بس بطريقة كنت بحس فيها شفقة كدا ومرة تكون النصيحة منها بستهزاء ومرة كأنها بتأمرنى بس كانت بتحاول تبعدنى عن طريق الشلة دى بأي طريقة..
فى الوقت دا تعبت فتره وبعدت عن الكل ومحدش حس بغيابى ..فضلت في البيت فترة بس بدأت اتغير جداا طريقتى وتعاملى حتى بدأت انتظم فى الصلاه وحفظ القران بس لما رجعت للكلية تانى رجعت للشلة دي من تانى وبدأت حياتى ترجع للى كنت بعمله الاول وسبت الصلاة والقرآن .. ورجعت اسوء م الأول مقابلات شباب و تليفونات وممكن لمسات عادى بس كنت بحس انى مقرفه جداا فى الوقت ده وفعلا بدأت اكره شلة صحابي دول وفى نفس الوقت بدأت آخد طريق تاني وحاجة اشغل بيها وقتي ف أخدت كورس تنمية بشريه وكان معاية بنت فى الكورس دا #مختمره وكلامها جميل جداا بدأت تتكلم معايا عن الدين وتشدنى معاها..
وفعلا بدأت استجيب فى الوقت ده ورجعت اصلى تانى واحفظ قرآن واواظب على الدروس الدينية و #اختمرت💙
وفى الوقت ده تعبت تانى بس التعب المره ده دي كان شديد بس الصدمة لما عرفنا ان المرض هو #الكانسر!!!
يومها اخدت الخبر كأنهم بيقولولى ده دور برد ومحستش انى زعلانه وقلبى كان مبسوط ..كان كب تفكيري ان ربنا ابتلاني فى الدنيا علشان اتخلص من اللى كنت بعمله زمان وان ربنا بيحبنى علشان ابتلانى فعلاا..
خدت فترة العلاج والتعب بصدر رحب جداا وانا راضيه بقضاء الله بس كان جوايا #يقين ان ربنا بيحبنى وبس ودا كان بيهون ويخفف عليا كتير..
اخدت اقل شهر علاج عادى وقتها تعبت اكتر لحد ما جيه وقت #الكيماوي وفى الوقت ده كان داخل علياا رمضان!!
اخدت جلسة كيماوى واحده وفى الوقت ده كنت بدعى كتير جداا وبقيم الليل كله لحد الفجر ومفيش ركعه غير بدعى ربنا يرفع عني المرض دا..
والله ياهدير اخدت اسبوع وانا عندى #يقين ان ربنا هيراضي قلبي وهيرفع عني المرض وفعلا خلال الاسبوع دا بدأت استرد صحتى وروحت للدكتور والدكتور اتصدم فعلا ان مؤشرات العلاج بدأت تزيد عندى بشكل كبير جدا وبدأ يعملى تحاليل واشاعات جديده..
الدكتور مندهش من اللى بيحصل ورجعت بيتي وفعلا اسبوع كمان من اصرارى على الدعاء وقيام الليل وقبل رمضان مايخلص ب3 ايام كنت شفيت تماما من المرض ومش محتاجه كيماوى !!!
وحاليا مش باخد الا علاجات بسيطه جداا وكل فتره بعمل تحاليل حرصا من ان المرض يظهر تانى بس احنا داخلين فى سنه اهو ومفيش حاجه ظهرت الحمدلله عايزه اقول لكل حد بيمر بابتلاء ادعى وانت عندك يقين ان ربنا هيستجيب خلى عندكم يقين وبس لأن دا بجد #سحر الإستجابة 💜
🌸🌸🌸🌸🌸🌸🌸🌸🌸🌸🌸🌸🌸🌸
ابعدوا عن صُحبة السوء لأن فيها هلاك للقلب في الدنيا وهلاك في نار الآخرة..
الصُحبة الصالحة بتعين وحتى لو دورتوا ومفيش في دايرتكم شخص صالح قربوا من ربنا أكتر وحده قادر يبعد عنكم أي سوء..
ودايماً بيأكدلنا ان ابتلاءه رحمة مش عذاب ولا تعب ولا وجع قلب زي م كتير بيردد.. بالعكس بالابتلاء دا والرضا بيه بيخفف من ع قلوبنا حمول كتير وجبال من الذنوب..
#سبحانه ❤
#من_الرسايل
#حكاوي_هدير
#هدير_ابراهيم
############################
صلوا علي رسول الله
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
