قصص واقعية (لهدير ابراهيم)

خطبني_م_جوزي !!

صلوا على الحبيب المصطفى

.................................

#قصص_واقعيه_لهدير_ابراهيم 💌

🎀🎀🎀🎀🎀🎀🎀🎀

الاثنين 12 نوفمبر لسنة 2018 الساعه 10 ونص بالليل...
كنت حاسه اني مخنوقه جدا ومش عارفه اتصرف ولا اعمل ايه..

فتحت صفحتك وبدأت اكتبلك
السلام عليكم
انا مش عارفه انا بكتبلك دلوقتي ليه بس انا حاسه اني ضايعه ومحتاره.. عقلي واقف عن التفكير..
انا مخطوبه لشخص حرفيا ابن امه..
انا مش حاسه اني مخطوباله
لا انا حاسه اني مخطوبه لوالدته للاسف..
هي الامر الناهي م دلوقتي في كل حاجه.. اومال بعد الجواز هتعمل ايه ؟!!
انا خلاص فرحي بعد اقل م شهرين ومش عارفه اعمل ايه

عارفه انك لو شوفتي الرساله هتقوليلي فركشي الخطوبه..
بس انا جيالك وانا محتاره لان القرار دا مش هعرف اخده لانه مش بإيدي..
انا عندي 29 سنه وأهلي مش شايفين ان ليا حرية الاختيار اصلا بسبب سني واني خلاص كبرت ف صعب الاقي حد يرضا بيا..💔
بدعي ربنا بس قربت ايأس خلاص
لو شوفتي رسالتي ادعيلي 💔

الجمعة 4 يناير لسنة 2019 الساعه 3 ونص قبل الفجر

بكتبلك وانا دموعي مغرقه وشي ولابسه فستان فرحي..
فرحي اتحول لجنازتي
انا اتفضحت يا هدير وكل دا بسبب حماتي حسبي الله ونعم الوكيل فيها

انا بكلمك دلوقتي من شقة الزوجيه
اصل المفاجأه ان المأذون مكتبش كتابي ع خطيبي لا انا اتكتب كتابي ع حمايا اللي هو ابوه..

انا حاسه اني في كابوس يارب اغمض عيني افتحها الاقي كل دا كان مجرد كابوس
انا عقلي مش قادر يقتنع ان اللي كنت فيه من شويه دا كان فرحي ولا اني رجعت شقتي وانا متجوزه حمايا اللي نايم دلوقتي ف الاوضه 💔
لو شوفتي رسالتي ادعيلي ربنا يرحمني وياخدني عنده..
مش عارفه ليه فتحت وكلمتك بس كنت حاسه اني محتاجه اصوت واصرخ واقول لحد انه ينجدني ويدعيلي ارتاح من حياتي..

الأربعاء 9 نوفمبر لسنة 2022 الساعه 8 مساء بتوقيت القاهره..

بعد سنين من الابتلاءات اللي شوفتها في حياتي وكل الكسور اللي مرت ع قلبي
وبعد م اخيرا اكتمل جبري الحمد لله جيت دلوقتي علشان اقعد قدامكوا واشارك معاكوا انا كمان بأحداث قصتي...

انا سعيده جدا اني هشاركها معاكوا لان فيها اثبات ان ايًا كانت صعوبة الابتلاء اللي بتمروا بيه ف كل ابتلاء وليه جبر
زي م ربنا خلق الداء ف هو بردو خلق الدواء..

كمان علشان هفضل اكررلكوا زي م اتذكر في قصص تاس تانيه سبقوني هنا ع القناه ونبهوا لدعاء مهم جدا ومفعوله سحر
وهو ترديد "حسبي الله ونعم الوكيل"
لو شايفين ان حد ظلمكوا ايا كان هو مين خلي الدعاء دا ع لسانكوا دايما وشدوا كرسي واتفرجوا ع عقاب ربنا ليه هيكون ازاي..
صدقوني هتنبهروا زي م حصل معايا وانبهرت الحمد لله..