صلوا علي رسول الله
#أنا_العاصية_لكني_أتوب !!
مين فينا ممرش بمعاناة وسوسة الشيطان وزنه وتأكيده كل م نقع ع ان ربنا مش هيقبلنا وبالتالي كنا بنقع اكتر ووقت م خلاص بنكون اوشكنا ع الغرق ربنا بيبعتلنا قشايه ع شكل اشاره اللي بيتمسك بيها بينجو في حياته وبعد مماته
قِصتنا النهارده مثال بسيط جدا بيوضح الكلام دا واعتبروه رسالة اطمئنان لكل قلب عاصي بس لسه خايف وبيقاوح علشان يتوب ❤
🌸🌸🌸🌸🌸
ف البداية انا عملت ذنوب محدش يتخيلها وعلشان كدا مقدرتش ابعتلك قِصتي من الاكونت الشخصي بتاعي..
ايوه عملت اكبر الذنوب وكنت بستغل جمالي اني اعاير البنات بيه متخيله !!
وكنت دايما شايفة نفسي فوق الكل ومفيش حد زيي ولا أحسن مني
وصلت ل عمر 23 سنة وانا بعيدة كل البعد عن ربنا عن ربنا
عمري اصلا م افتكر اني صليت يوم كامل..
فجأه تعبت ولقيت نفسي بفكر في اني اول مره آخد بالي م ان كل الناس حواليا بتفرح وانا لا..
الناس بتتجوز وتبني اسرة
كل الناس حرفيا حياتهم بتتغير الا حياتي انا واقفة تماما مبتتحركش..
لحد م في يوم بقلب ف التلفزيون شوفت فيديو ديني كالعادة كنت بقلب علي طول بس الغريبة اليوم دا لا
وقفت كدا مع نفسي وحسيت كأن جسمي بيقشعر من الكلام اللي بسمعه
منمتش اليوم دا وبدأت اسأل لنفسي ولأول مره واخرتها ايه ؟
ربنا من عنده ألهمني لأول خطوه وابتديت اصلي واستعنت بصاحبتي
قالتلي طالما هبدأ يبقى ابدأ صح واعمل تغيير جذري في حياتي امحي بيه كل اللي فات واسد ع نفسي مداخل الشيطان اللي كنت فتحاها..
غيرت صفحتي ورقم فوني وصحبة السوء اللي كانت محوطاني
وكأن ربنا سخرلي صحبتي دي كانت دايما بتشجعني لما بقع كنت مكسورة وحاسة ان ربنا مش هيسامحني ولا هيقبلني
الا ان البنت دي فضلت في ضهري بتسندني ورشحتلي كذا صفحة ع الفيس اتابعهم .. كان من ضمنهم صفحتك
وفي يوم كنت فاتحة وقابلني بوست عن الاستغفار وصلاة قيام الليل والصلاة علي النبي صل الله عليه وسلم وانهم قادرين بالمواظبه عليهم يغيروا حياة ناس..
المهم الشيطان طبعا فضل يزن عليا ويوسوسلي ان الكلام دا تمثيل وان ازاي يعني ممكن حياة حد تتغير علشان كدا مصدقتش وبقيت اصلي وبس لحد صاحبتي م قالتلي مش هتخسري حاجة طيب بس اسمعي كلامي وجربي
وعلشان تشجعني اكتر جابتلي خاتم تسبيح وكانت اول مرة اشوفة وحلفتني اسبح بيه
قولت يلا هعمل كدا والسلام من غير اقتناع اصلا وكالعادة مصممة ان دا كلام ف الهواء ومفيش حاجه ممكن تتغير بس اكيد قلبي كان بيتمنى التغيير ..
الوقت دا كنت واقعة ف مشكلة جامدة جدا مع اهلي وسبحان الله كانت الخطوه التانيه من عند ربنا واخدت الاستغفار والصلاة علي النبي بنية حل المشكلة دي ومش عارفه جالي اليقين دا منين لدرجة اني استمريت اسبوع كدا ولقيت الجو بدأ يهدى بيني وبين أهلي
كام يوم كمان مع قيام الليل وسورة البقرة واللهم بارك الموضوع اتحل وكأن مكنش في حاجة اصلا
احترم نفسي بقى واقر ان كل دا م عند ربنا وان ربنا سامعني وحاسس بيا وكمان استجاب لا طبعا قولت بردو دا صدفة وشيطاني بردو مصمم يبعدني عن الذكر
لحد م جيت في وقت وكان نفسي اشتغل لان ظروفي كانت ضاقت جدا ومفيش شغل رجعت تاني للذكر والاستغفار والصلاه ع الرسول والمراظي بنية ان ربنا ييسرلي الحال والاقي شغل مناسب والمفأجاة اللي حصلت بقى ان فعلا جالي شغل بعد 4 ايام بالظبط من مواظبتي ع ورد الذكر
وبمرتب مكنتش احلم بية ومع ناس اللهم بارك صحبة صالحة ومن وقتها خلاص ايقنت يقين تام ان ربنا بيقبلنا ولو كنا عاملين ذنوب الدنيا والاخرة الفكره كلها اننا نرجعله ونصدق التوبه والنيه
ربنا رحيم جدا عارفه يا استاذه هدير اللهم بارك قلبي بقا مرتاح بشكل رهيب مبقتش بخاف من حاحة ومتأكدة ان اللي جاي كلة خير ولما بقرأ سورة البقرة بحس اني في الجنة
عارفه انا البنت اللي كانت بعيدة كل البعد عن ربنا بس ربنا عز وجل انعم عليا بالتوبة النصوحة انا حياتي كانت زي الفرق بين النار والجنة كنت ف ضلال والعياذ بالله اغاني وفسح وضحك وتجاوزات ومش عاملة حساب ل اخرتي دلوقتي حاجة تانية لبسي بقا محتشم وماشية بمبدأ بما يرضي الله ورسوله حتي ف موضوع الجواز علي يقين ان ربنا هيراضيني بالزوج اللي مكنتش احلم بيه..
انا من سنة بالظبط كنت ف مكان تاني كنت مكشوفة ومتاحة للكل دلوقتي حاسة اني حاجة غالية وليا قيمة زمان كنت ازعل من اقل كلمة دلوقتي لو حد قالي كلمة توجع بفرح واقول الحمدلله ربنا عالم بالكلام دا وهيعوضني بصوا انا حابة اقول حاجة واحدة لو ذنوبك دي جبال لو مصلتش ولا مرة لو حاسس بضيق وضنك وحاسس بخنقة ووجع قلب جرب بس تقرب ل ربنا عز وجل وتركع وتقول يارب وما ادراك بقا سجدة الشكر وانك تسجد ل ربنا سجدة شكر وتتكلم معاه اللهم بارك احساس ف قمة الروعة
انا العاصية لكني اتوب
ادعولي دعوة حلوة من قلبكم وخلوا الناس وصحابكم يشوفوا كلامي لان فرحانة اني كنت واحدة سيئه جدا وبقيت أفضل بذكر الله وآخر طلب ليا متنسوش تدعولي بالزوج الصالح..❤
🌸🌸🌸🌸
نتمنى تكون قصة النهار وباقي قصصنا ساهمت ولو جزء بسيط في وصل قلب احدكم لبر الامان
وبنستنا تراسلونا اكتر بقصص توبتكم وجبر الله لقلوبكم ❤
صلوا علي المصطفي
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
