صلوا علي من جلس علي ركبتيه يواسي طفلا مات عصفوره
###############################
#إذا_أعطى_أدهش_الله !! 😍❤
القِصه دي بالنسبالي مميزه جدا جدا جدا ...
صاحبتها كان سبب معرفتها بيا بوست #حياء الله يرحمها ،
اول مسج بيني وبينها كانت 9 اكتوبر 2015 كان ليها علاقه بصلاة الفجر ،
تاني مسج كانت 9 يوليو 2016 بعتتلي مسج كانت بعتاها لشيخ طالبه منه يقولها حل لمشكلتها بس هو م رد عليها ،
وبدأت تحكيلي #مشكلتها اللي انا هسردها دلوقتي بس الاختلاف هو انها الإسبوع اللي فات بعتتلي قصتها #كامله وكنت عامله كدا بالظبط 😍 ومش مصدقه ان بعد سنتين حصل كل اللي بتتمناه واكثر 😍 ومش مصدقه اكتر ان حكمة ربنا اني انزلها انهارده بالذات وفي اول ساعات م اولى ايام شهر رمضان 😍
لذلك لكل بنت كتبتلي كومنت قبل كدا ع اي قصه انها هتبعتلي قصتها كامله يومًا ما ، خلي عندك يقين تااام انك هتبعتيهالي وتشاركيني كرم ربنا معاكِ قريب جدااا بإذن الله 😍رغيييت كتييير بعتذر بس عيشوا بقى معاها ♥
هاشتاااج باقي قصصنا 👇
#قصص_واقعيه_لهدير_ابراهيم ❤❤************************************
انا بنت اول م فتحت عيني ع الدنيا لقيت نفسي في بيت جدي مع جدتي واخوالي وأمي ، وعرفت ان والدي انفصل عن والدتي وقت م كان عندي سنه او سنه ونص تقريبا ،
والدتي كانت لسه في بداية العشرينات يعني صغيره ف السن ، والكل كان رأيه انها تشوف حياتها وتتزوج مره تانيه ، وتسيبني مع جدتي هي اللي تربيني ، وتعيش هي حياتها !!
بس كان ترتيب ربنا غير ، واللي حصل ان جدتي مرضت جدا وتوفاها الله ، وقتها كان عندي 5 سنين ،
صدقيني لو قولتلك ان وفاة جدتي اثرت فيا جدا ، حزنت عليها بشده ومتستغربيش اني كنت وقتها لسه طفله صغيره ، انا كنت مستوعبه لكل اللي بيحصل حواليا ،
انا الظروف اللي مريت بيها كبرتني فوق عمري اعمار ، ووفاة جدتي فرق معايا كتير ، دا غير ان أمي بعد وفاتها بدأت ترفض اي حد كان بيتقدملها للزواج ، وبدأ تدخل كل اللي حوالينا ف حياتنا وكلام صعب ويوجع جدااا زي – ارميها لأبوها وانتِ هتضيعي عمرك علشان بنت ، اتجوزي علشان تجيبيلك ولد ويبقالك بيت الخ – وكأني لمجرد اني بنت اصبحت عاله ع والدتي !!المجتمع اللي كنت عايشه فيه فرق طبعا كتير لأني كنت عايشه ف بلد أرياف ، والكل عارف كلام الناس مبيخلصش وكله بيتدخل ف حياة كله !
البيت اللي اتربيت فيه كان اهله ناس بسيطه جدا ع المستوى المادي والعلمي كمان ،
اما المستوى الديني ف كانت العباده هي الصيام في رمضان بس ، وحتى الصلاه مكانش في حد بيصلي في البيت !!
عاوزه اقولك بقى ان حياة #المطلقه بتكون صعبه جداا خاصة لما تكون #أميه لا تعرف تقرأ ولا تكتب وبالتالي مش بتشتغل ،
وهنا والدتي ادركت كويس جدا قيمة التعليم بعد كل اللي مرت بيه ، وعمري ابدا م انسى الوقت اللي قعدتني فيه جانبها وقالتلي : سلاحك هو شهادتك ، ولا يخليكِ تحتاجي لأب ولا لأم ولا أي حد يكسر عينك !!
وفعلا اهتميت بتعليمي اكتر واكتر ، ووالدتي كانت جانبي دايما بتشجعني ، والحمد لله كنت متفوقه جدا ، لدرجة ان مدرسيني واللي يعرفوا ظروفي كانوا شايفين ان الظروف مش مأثره عليا ف حاجه ،
بس صدقيني الناس بتاخد بالظاهر بس ، مفيش حد بيحس باللي جوا الإنسان ...
الكل كان بيحسدني ع حب أمي وحنانها ، بس مفيش حد ابدا كان بيشوف ولا بيحس بإحتياجي لوجود أب ف حياتي او أخ اتسند عليه ، او أخت اشكيلها همي واهزر واضحك معاها ...
مفيش حد كان بيشوف دموعي وقت م عريس يتقدم لأمي ، ولا اسمع بودني جملة : ياريتك كنتِ موتي علشان امك تعيش حياتها :'(
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...