صلوا علي الحبيب المصطفي
#يأس_تلاه_جبر !!❤
قِصة ولا كانت ع الخاطر ولا ع البال علشان كدا حبيتها وحبيت التلقائيه اللي اتكلمت بيها صاحبتها 💜
هاشتاج باقي قِصصنا 👇
#قصص_واقعيه_لهدير_ابراهيم 💌
🎀🎀🎀🎀🎀🎀🎀🎀🎀🎀🎀🎀🎀🎀
م تحاولش نصيبك جاي جاي
مبدئياً حكايتي تشبه الافلام شوية بس دا مايمنعش ان لما بفكر فيها بتعجب من حكمه ربنا وانه سبحانه مقلب القلوب ومغير الاحوال وان مصير حياتك مبيقفش علي حدث معين مهما كان حجم الحدث ده وتأثيره...
ندخل في الموضوع بقي
من وانا في اعدادي كنت بحب شخص اوي....الشخص دا اخو صاحبتي الانتيم.
م انكرش اني كنت يعتبر #طفلة وقت م اتعلقت بيه.. بس بردوا م انكرش اني كنت صادقه في حبي جدا ع الرغم ان هو كان العكس؛
لا كان بيحبني ولا بيطقاني وفوق كل دا كان بيحب بنت تانيه .. متخيله !!
مرت الايام وخطبها م هي حب خمس سنين بالنسباله..
نسيت اقولكم انه مهندس واكبر مني ب 12 سنه فكان دايمآ شايفني عيله ساذجه مش بس عشان سني لاء وكمان تصرفاتي كلها كانت بتدل ع الخفه وعدم الرزانه ومعروف جدا ان الجنس الآخر بيفضل البنت التقيله اكتر..
مرت الايام ودخلت الثانوي واشتغلت ممرضه في عيادة عشان اساهم في مصروف البيت لان والدي متوفي ووالدتي مريضه وانا اكبر اخواتي اللي هما بنتين وانا التلاته....كنا بنمر بأيام صعبه جدا من غير ضهر ولا سند لينا....لان عمامي الله يمسيهم بالخير اكلو حقنا في الورث ومنهم عم كان مصمم يجوزني ابنه يعني مضلمه من كل النواحي
ومع ذلك كنت بضحك واهزر واقول ان ربنا كريم اوي وهيعوضنا عن كل الابتلاءات
اي نعم الاب مايتعوضش وكل مافتكر بابا اعيط بس برجع واقول ربنا يحفظلي امي ويعافيها من المرض اللي عندها و ع قد ماكنت بحس اننا لوحدنا ومفيش حد معانا ع قد ما الفرحه مبتبقاش سيعاني لما بلاقي والد نور_ صاحبتي الأنتيم_ بيطمنا ويقول لماما انه هيحاول يرجعلنا حقنا من عمامي...دا غير لما ماما بتتعب بلاقيهم كلهم في ضهرنا عمو والد نور ومامت نور ومحمود حبي الوحيد_ اخو نور _....
كنت بقول هي دي العيله اللي بتمني اكون منها كنت متعلقه بيهم بشكل رهيب وبحب بيتهم كله لانهم يستاهلوا يتحبو بجد عمري ماحسيت بدفئ زي اللي بحسوا وانا معاهم....
وفي مره حصل وماما تعبت جدا ونقلناها المستشفي وجم كلهم وع رأسهم محمود فضل يواسيني ويطمني ان ماما هتبقي كويسه،
كنت بفضل ابصله واتخيلوا انه زوجي ومليش سند غيره فكنت بحس براحه رهيبه وهو معايا لكن لما بفوق وبفتكر ان خلاص كلها شهور وهيتجوز حبيبته وان كل دا مجرد عطف مؤقت بتعب نفسيآ واقول ليه يارب مكتبتهوش ليا دا اكتر حد بحبه وهفضل احبه حتي لما يتجوز...
ليه الحاجه الوحيده ال ممكن تعوضني عن كل ال شوفته متكونش مكتوبالي ليه حظي في كل حاجه معاكس وماشي ضد رغباتي؟!!
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
