صلوا علي الحبيب المصطفي
#################################
قصه انهااااااارده
#حين_رزقت_حب_الله ❤
كالعاده مش تنسوا هاشتاج باقي القصص 👇
#قصص_واقعيه_لهدير_ابراهيم ♡
وووووندخل في القصه بسرعه لانها طويله المره دي جداا ع الرغم اني قاطعه منها كتيييير بس مش حبيت انزلها ع اكتر من جزء علشان مش اعلقكوا 🙂👇
*********************
في الغالب ببدأ ب ازاي صاحبة القصه وصلتلي ،
لكن المره دي هسيبهالكم مفاجأه علشان مش احرق حدث مهم فيها 👌😉
*******
كان عندي تردد شويه اني ابعتلك #قصتي ،
علشان ( ليها علاقه بالسبب اللي اجلناه فوق 🙂 معلش استحملوني 🙈)
بس عملت #استخاره وبعدها قررت ابعتلك القصه لعلها تكون سبب في تغيير حد ، او تعطي امل لناس قد يكونوا محتاجين ليها خاصةً في الزمن دا ..
مش هطول ونبدأ بقى احداث حكايتي اللي هي كدا هتدخل التاريخ لأنها من 20 سنه تقريباً 🙂🙂
انا كنت بنت من اسرة فوق المتوسطه ،
بنت وحيده لأب شخصيته صعبه جدا .. اب لا يملك في قلبه ذرة رحمه او شفقه ،
وأم تقريبا من أول م فتحت عنيا ع الدنيا وهي #مريضه ،
كان لا حول لها ولا قوه قدام والدي ، اللي كانت حياته معاها ومعايا كلها سب ولعن ليل ونهار ،
أب ساخط ع حياته ، كانت حياه بشعه بكل ما للكلمه من معنى ..
شوفت من والدي جميع انواع الذل والمهانه ، كان بيضربني كتير جدا ولما كانت أمي تقوله #يتقي الله فينا كان بيتعدى عليها بالضرب هي كمان ،
ولأنها مريضه او يئست منه ، قررت متدخلش في معاملته وضربه ليا ...
حياتي كانت بتزيد سوء وبشاعه يوم عن يوم ،
بدأت الجأ لأصدقاء السوء اللي كنت فاكره اني لقيت معاهم خلاصي ،
وبدأت معايا بالسجاير وانتهت بجميع انواع المخدرات !!
كنت بتخيل ان الوقت الوحيد السعيد في حياتي هو الوقت اللي كنت بكون فيه تحت تأثير المخدر ،،
كنت بنسى والدي وضربه ليا واهانتي ،
كنت بنسى منظر أمي ومعاملة والدي ليها هي كمان ،
كنت بكره تبرير أمي بإنها مكمله مع والدي #بسببي ، كنت شيفاها ضعيفه جدا معندهاش كرامه وانها السبب في الحياه البائسه الملعونه اللي انا عايشه فيها ،
كنت بتجنبها تماما والجأ للمخدر ، لعلي انسى فيه كل دا ...
حياتي استمرت ع المنوال دا ، لحد م يوم كنت راجعه البيت متأخر ووالدي اتخانق معايا ولما أمي تدخلت ، والدي زقها بعيد وقعت ع الارض وبدأت تنزف دم من مناخيرها بطريقه بشعه ،
والدي ولا فرق معاه وكمل خناق معايا وضرب وسب ولعن في امي وسابنا ونزل من البيت ،
انا لما شوفت منظر أمي معرفتش اعمل ايه ، حاولت اوقف النزيف مفيش فايده وكنت حاسه انها بتدخل في غيبوبه وانا مش عارفه اعمل حاجه خالص
جريت خبطت ع الجيران يساعدوني ،
نسيت اقولك ان من نعمة ربنا بجد انه رزقنا بجيران طيبين جدا ، ايوه مكانوش بيحاولوا يتدخلوا بس كانوا بيتعاملوا معانا بعيداً عن والدي كويس جدا ،
خبطت ع جيران اللي في الشقه اللي جانبي ع طول وشافوني بالانهيار اللي كنت فيه ، دخلوا بسرعه معايا لأمي وكان ابنهم في كلية طب ،
ف قالي لازم ننقل أمي المستشفى بسرعه ،
وطلبنا الإسعاف لكن للأسف كان الأوان خلاص فات
أمي ماتت وهي بتحاول بكل قوتها تتمسك في الحياه علشان تقولي كلمتين اتنين بس
#أنا_آسفه !؟
آسفه ؟؟ آسفه ع ايه يا أمي !؟
على الدنيا البشعه اللي جبتيني فيها ،
ولا على اختيارك البشع لوالدي
ولا على رضاكي بالذل اللي عيشتي فيه وعيشتيني فيه انا كمان 😭
فضلت احرك فيها واصرخ واقولها ممكن اسامحك ع اي حاجه الا انك تسيبيني لوحدي مع الشخص دا 😭
فضلت اصرخ واقولها قومي انتي مكونتيش بتقدري تدافعي عني قدامه بس ع الاقل كنتي بتحاولي تهوني عليا 😭
قومي ومش تسيبيني لوحدي هنا او تاخديني معاكي قومي وانا هسامحك والله هسامحك ، بس خلاص مفيش صوت مفيش حركه أمي ماتت 😭😭😭😭😭
أمي ماتت ووالدي أول م رجع البيت وعرف .. اول جمله قلهالي عقبال م تحصليها واخلص منك انتي التانيه .. أمي لدرجة شكيت اقيم بالله اني بنت #حرام
ماتت أمي وسابتني اتحمل نتيجة اختيارها للشخص دا وللحياه دي لوحدي !!
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
