قصص واقعية (لهدير ابراهيم)

قرب لا تجرب

صلوا علي من ياتي يوم القيامه يقول امتي..امتي

###############################

القصه ✋🙂

#قرب_لا_تجرب !!

كالعاده مش تنسوا هاشتاج باقي القصص 👇
#قصص_واقعيه_لهدير_ابراهيم ♡

مفيش مقدمه بس هقول كلمتين بس 🙂
عادةً بتعامل مع القصص اللي بتجيلي انها #رسايل من ربنا ليا ولغيري و #توقيت_نزولها هنا بالذات بحس انه لناس معينه ،
يعلم الله ان عندي امتحان #سيره بكره ومش لاقيه وقت التفت جانبي اصلاً ،
بس قدرًا اتبعتلي القصه فجر امبارح ولان كان عندي امتحان امبارح معرفتش اطول في التفاصيل مع صاحبتها ، ف نزلتها انهارده اهو ،،

كلامي دا للناس اللي بتلح عليا كل شويه انزل قصه ، انا والله م بإيدي ، اول م بيأذَن ربنا بنزولها بنزلها ،
وللناس اللي معندهاش غير انها تشكك في كل حاجه والسلام ف والله انا مش بجيبها من بيتنا ولا من السوبر ماركت ولا انا عبقريه لدرجة اني ءألف قصص مختلفه عن بعضها تماماً بالطريقه دي 🙂
ولو دا سوء ظن مني أو منكم ف القصه دي ليا وليكم والله المستعان !!

بعتذر لو طولت القصه بقى 👇
************************
هدخل في الموضوع ع طول ،، انا واحده اتربت ع اللي معظم الاسر المصريه بتربي ولادها عليه ،، تربيتي مكانتش تربيه دينيه للأسف ، يعني مفيش أب ولا أم يشجعوا ع الصلاه ولا حتى الصلاه اللي هما ابسط حاجه في الدين ،
معظم اهالينا بيسيبوا غيرهم اللي يعلمونا زي مثلاً #المدرسه وهي للأسف في الزمن دا ألعن وأضل سبيل !!
للأسف لما بنكبر بنكتشف ان معظم اللي اتعلمناه كان غلط ومنها الصلاه اللي هي من اساس الإسلام ،،
المهم علشان مش اطول عليكي دي كانت تربيتي في بيت أهلي من وانا طفله واللي اعتمدت عليها معظم حياتي ،،
للأسف لا اهلي ولا مدرستي علموني #القرب_من_الله او فن #الدعاء او حتى #التأدب مع الله ،
بالتالي اي حاجه مترتبه ع كل دا كانت غلط ،
مفيش حد علمني حاجه اسمها #حسن_الظن او اليقين في الله ، أو إن المفروض اني اظن دايماً واتوقع الخير واتجنب التفكير والظن السئ ،
وللأسف انا كانت ظنوني كلها سيئه ،
كنت دايماً اتوقع السئ ولما كان بيحصل كنت بفضل اقول اهووو شوفتوا توقعي كان صح ،
وللأسف ولا مره توقعت خير ابداً ،
كنت دايماً اردد إن ولا دعاء ليا ربنا استجابه ،
كان اي حد يقولي لو عاوزه ادعي ،
كنت ارد عليهم ان اكلف نفسي وادعي ليه وانا عارفه انه كدا كدا مش هيستجاب !؟
كنت وصلت لمرحله ميؤس منها من سوء الظن  وتوقع الشر ،،
لحد م كنت في سنه 3 في الكليه ودي كانت بالنسبالي انا #افضل سنه ، ومتأكده اني هجيب تقدير فيها ،
لوقت م حصل مشكله عندي مع اهلي ، وتقوقعت ع نفسي وتجنبت الكل ،وكل م اصحابي يحاولوا معايا اني اذاكر علشان قُرب الامتحان اقولهم انا #هسقط السنادي ، واصلاً مش فارقه ،،
وعلى الرغم من حبي للسنه وعلى الرغم من مذاكرتي طول السنه إلا ان توقعي كان في محله وسقطت !!