قصص واقعية (لهدير ابراهيم)

حسن الظن في الخالق

صلوا علي من ياتي يوم القيامه ويقول امتي..امتي

###############################

اخيييييراً حاجه تفرح في وسط البشاعه اللي بنعيش فيها حاليا ..

#قصص_واقعيه_لهدير_ابراهيم

#نتيجة_حسن_الظن_في_الخالق !!

واحده صاحبتي عندها 38 سنه ،، متجوزتش لسه ،،
وبطبيعة المجتمع #العقيم اللي احنا عايشين فيه الكل خلاص قرر وأجزم انها #عنست ومفيش امل انها تتجوز !!
اصل مين دا يعني اللي هيفكر يتجوز واحده في السن دا الا لو كان #مطلق #ارمل #متجوز اصلاً او #عقيم ... الخ
لكن انها تتجوز واحد تكون دي اول تجاربه زيها ،، دا في المشمش !!

الطبيعي ان دا اثر عليها جدا وبقى عندها يقين انها مش هتتجوز ،، ونسيت حاجه اسمها #حسن_ظن_في_الله ،

كانت كل م تكلمني اقولها يوم م هتدعي #بيقين هتتجوزي وبكره افكرك ،،
بس كان الخوف مسيطر عليها ،، كانت دايماً تقولي انها خايفه تعيش حياتها كلها لوحدها وتموت وهي لوحدها :( غير ان نفسها زي اي بنت طبيعيه انها تكون #أم !!

كل دا كان نتيجه الناس وكلامهم اللي مهما هربت منهم بتلاقيهم في وشها ،، الناس اللي شاغله دماغها بكل الناس معرفش ليه !!
حتى المسجد اللي كانت بتصلي فيه #التراويح قابلت ناس من نفس العينه اللي مفيش عندهم غير #النم ومصمصة الشفايف ويا حرام وخلافه ،،

لما فاض بيها قررت تروح مسجد تاني بعيد جدا عن بيتها في مكان مفيش حد يعرفها فيه علشان تعرف تصلي بخشوع وبعيد كمان عن كلام اهلها ،،

وهو دعاء واحد اللي كان ع لسانها ، بس المره دي قالته ب #يقين
  " ربي لا تذرني فرداً وانت خير الوارثين "

نهايه #متوقعه للبعض ؛

البنت واحده ست شافتها في الصلاه وقررت تسأل عليها علشان ابنها في اجازه ومسافر بعد العيد وبتدورله ع عروسه !!

ابنها مهندس – يعني الراجل نقدر نقول مثقف وعنده وعي – في الكويت عنده 39 سنه – يعني اكبر منها بسنه بس – ،،
تمت الرؤيه الشرعيه وهو عارف سنها 38 سنه وعادي بالعكس شايف ان تفكيرها متناسب مع تفكيره جدا ،،

البنت خطوبتها وكتب كتابها في العيد :)

ينفع نثق في الله ونحسن الظن فيه شويه !؟
ينفع نبطل نتدخل في حياة الناس ونخلينا في نفسنا شويه !!

#دُمتم_بُعاد_عن_زن_الناس

###############################

صلوا علي حبيب الله