صلوا علي حبيب الله
##############################
#زمن_المعجزات ❤
مفيش مقدمه المره دي نبدأ بالقصه ع طول 😃😃
ودا 👇 #هاشتاج يسهل ليكوا توصلوا للقصص كلها اللي فاتت واللي جايه ❤
#قصص_واقعيه_لهدير_ابراهيم ♡
****************************
في البدايه عاوزه اعرفك السبب اللي خلاني ابعتلك #قصتي بالرغم ان معرفتي بيكي من فتره #صغيره جدا !!
قدر ربنا اني اشوف بوست لبنت مشيراه من صفحتك عن قصة #حياء الله يرحمها ، ودا شدني ادخل صفحتك واقلب فيها لحد م وصلت لبوست #الإلحاد !!
وكمان بوست لقصه مشابهه لحالتي مع شوية اختلافات !!
— تقصد قصة 180 درجه —
فكرت بعدها انك انسب واحده تتكلمي عنها لانك اكيد هتفهمي احساسي واللي مريت بيه ..
وهحكيلك من البدايه ؛
اسرتي تقدري تقولي انها #مفككه بالرغم ان كلنا عايشين مع بعض ، لكن مفيش اي اهتمام او توعيه او تربيه او حتى معرفه بأي حاجه تخص الدين ،،
يعني تقدري تقولي عيلتي كلها كانت مسلمه في #البطاقه بس، بما فيهم انا طبعاً ،، ف كانت حياتي كئيبه وتعيسه بمعنى الكلمه !!
انا كنت بنت عاديه جدا عايشه الحياه اللي معظم البنات بتعيشها ، اول ما دخلت #الجامعه كانت كل امنيتي اني اعيش #قصة_حب زي اي بنت ( ودي كانت من وجهة نظري اللي خدتها من اللي حواليا ) !!
كنت بدور في الأساس عن #الاهتمام اكتر من الحب ، اللي ملقيتش اي حاجه منهم في #اهلي !!
وقد كان اتعرفت على شاب بس مش من الكليه كان عن طريق #الفيس_بوك بس كان من نفس محافظتي ف الموضوع تتطور بسرعه جدا ،،
انجذبت للشخص دا وللعالم بتاعه ، بدأ يشدني لأفكاره اللي هي زي م كان بيقول اساسها الحريه والتفكير بالعقل والمنطق والتمرد ع الحياه اللي عايشين فيها ،،
شويه شويه بدأ ان الشخص دا يكون هو محور حياتي كلها ،
كنت بشوف ان هو الهوا اللي بتنفسه ، كان يومي كله معاه سواء على الموبايل او النت او اننا نتقابل ،، وبعدت عن اهلي اللي هما اصلا بعيد وعن اصحابي ،،
وطبعاً زي اي بنت في الدنيا لما بتحب شخص بتبدأ تحلم وتتمنى انها ترتبط بيه ،،
وفي يوم فاجئني بموضوع الارتباط وان هو كمان ميقدرش يستغنى عني ،، ( الجمله اللي معظم الشباب بيقولها ومعظم البنات باردو بتصدقها .. الا من رحم ربي )
كانت دي وقتها اسعد لحظه في حياتي ولما سألته وكلي لهفه وشوق امتى #هيتقدم لأهلي اتفاجئت
بإنه #مُلحد !!
وعرفت طبعاً ان في فرق بين انسان ملحد وانسان #لا_ديني
الملحد بينكر وجود الخالق من الاساس لكن اللا ديني رافض للاديان بس !!
ولأنه كان ملحد ف معتقداته ان مفيش إله معنى كدا ان مفيش دين يعني كل مراسم الجواز دي عنده انها #عقده و #تخلف !!
طبعاً كنت مندهشه جدا خاصةً ان دي كانت اول مره اتعامل مع شخص بالتفكير دا !!
ولأن بدايات سقوط اي انسان خاصةً لو #بنت هو تحكم #القلب فيه ، ف كانت النتيجه اني بدأت اقتنع بكل كلامه وتفكيره واللي ساعد ع كدا اكتر اني معرفش حاجه عن ديني اصلا ، ف كان #الخروج منه اسهل من الدخول فيه !!
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
