صلوا علي من جلس علي ركبتيه يواسي طفلا مات عصفوره
#################################
قبل ما نقراء احداث القصه القصه
دي قصه هدير ابراهيم يعني
الكلام ال موجود في القصه
حصل ومع هدير يعني بكل بساطه
ان البنت ال في القصه هي بذات
نفسها هدير كتير هيستغرب ال هو
كل ال احنا قرانه فوق ده وان في
ناس اسلمت وناس اتغير بسبب هدير
دي قصتها ايوه دي حيات هدير
للناس اللي كانت عاوزه تعرف #قصتي 😉😍
#قصص_واقعيه_لهدير_ابراهيم
#مواقف_من_حياتي
الى من #يهمه الامر ،،
ناس كتير وانا اولهم بيتعاملوا معايا ع اني شخصيه #غريبه جدا في التصرفات والتفكير ،،
من وانا صغيره وانا حاسه نفسي مختلفه عن كل الناس ،،
بعشق القراءه من اول م بدأت اتعلمها وانا انطلقت ، كنت بقرأ اي حاجه تقع في ايدي ،،
كنت بقرأ عن الاديان ماعدا #الاسلام كنت بكره اعرف اي معلومه عنه بسبب مدرسين الدين اللي قابلتهم في حياتي ،،
كبرت وانا واخده موقف من الدين الاسلامي ومش عاوزه اعرف عنه اي حاجه وبتجنبه تماما ،،
وفي بيتي مفيش حد رقيب ع حد في موضوع الصلاه او الدين عامةً ،
وصلت #الكليه وكرهي زاد للدين ، ووصل الامر اني #خرجت من الاسلام تماما !!
كنت كارهه حياتي كلها بمعنى الكلمه ،، بعيده عن اهلي جدااا ، مفيش لغة حوار بينا او تفاهم ، صحابي كلهم حرفياً غير ملتزمين ، وولا مره حصلت اننا اتكلمنا في حاجه لها علاقه بالدين ،،
عرفت صحاب ع #الفيس_بوك بعتولي كتب قرأتها بسببها كرهت الدين الاسلامي اكتر ،،
وخلاص اتأكدت اني صح لما خرجت منه ،،
صحابي واهلي مفيش حد لاحظ خروجي م الدين دا لان مفيش حد اصلا كان بيهتم بالدين ، ف اكون فيه او لا مش في تفكير خد عادي !!
اربع سنين تقريبا خارجه م الاسلام وملتزمتش بأي دين تاني ، ودا بسبب ان المعلومات اللي قرأتها في كل ديانه تانيه تخليني اهرب م اني افكر انتسب ليها اصلا ،،
اي انسان مسلم كدا عارف ان حكمي لو كنت #مُت في خلال الفتره دي كان مصيري ببساطه #النار ،، لان رحمة ربنا وسعت كل شئ الا #الكافر !!
خرجت من الدين ، تفتكروا حياتي كانت سعيده !؟
اقسم بربي ولا شوفت فيها لحظة سعاده واحده حتى ،
لحد م ربنا ابتلاني من #سنتين ونص تقريبا ، ابتلاء كان صعب جداا عليا لدرجة حاولت #الانتحار !؟
حياتي مكانش ليها اي قيمه عندي وكنت خلاص مش عاوزاها ،، وعاوزه اتخلص منها ،،
رابع يوم الابتلاء دا صحيت #الفجر ع بكاء رهييييب جدااا ، معرفش كنت ببكي ليه ،
بس اخدتني رجلي نويت #الوضوء ،
ايوه نويت الوضوء وانا مازلت بره الاسلام ،،
كنت محتاجه حاجه اكبر مني ارمي همي عليها ،
كنت في اشد الحاجه لكلمه واحده ،
كلمه #الملحدين محرومين منها وهي كلمة #يارب !!
اتوضيت ووقفت #اصلي مش فاكره قولت ايه حتى كل اللي فاكراه اني اترميت ع الارض سجدت وانهارت من البكاء فضلت ادعي واقول : يارب لو انت موجود شدني من كل دا غصب عني ،
يارب لو انت موجود ارحمني وخرج كل الحزن اللي في قلبي ،
يارب لو انت موجود ارحمني وردني اليك ،
يارب مش عاوزه يكون نار وعذاب في الدنيا وفي الاخره كمان ،،
YOU ARE READING
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
