قصص واقعية (لهدير ابراهيم)

فتاه القران

صلوا علي حبيب الله

################################

#فتاة_القرآن !!

تعبانه جدا م امبارح ونايمه بحلم هختار اي قصه م ال3 اللي قرأتهم قبل م انام ، صحيت مأريفه جدا ، قولت افتح المسجات يمكن الاقي قِصه رابعه خالص ، لقيت اكونت مقفول باعت مسج فتحتها
الموقف دا كان م 2015 تقريبًا وصاحبته بعتتلي تاني بمناسبة قرب #رمضان !!

وبكدا اول مره ينزل تحت #الهاشتاج بتاع باقي القصص 👇
#قصص_واقعيه_لهدير_ابراهيم ♡

*****************************
اولا انا #مسيحيه كان عندي واحده صاحبتي #مسيحيه باردو بس كانت بتعشق انها تقرأ في القرآن وكمان تسمعه ، كنت بضايق منها جدا ومن تصرفاتها بس لأنها اقرب حد ليا عمري ما فكرت اقول لمامتها ، قولت يمكن فتره وهتعدي او عادي يعني زي اللي بيسمعوا أغاني بلغه غريبه ومن غير ما يفهموا منها ولا كلمه بس بيحبوا يسمعوها ، كمان هي كانت اوقات بتعيط جامد جدا بعد ما تسمع آيات معينه ..

علي فكره كل دا وفكرة انها تدخل الاسلام مكانتش في بالها ، كانت بتقول ان الإسلام وخاصه القرآن فيه حاجه بتشدها جامد ، لدرجه انها نزلت علي موبايلها برنامج لتفسير القرآن وكانت لما بتفهم الآيه بتكون مبسوطه ومندهشه من معناها ...

بدأت تطبق اللي بتقرأه عن الاسلام او في القرآن في حياتها ، وكان اللي يغلط في القرآن قدامها تزعل منه جدا وتدافع عن القرآن زي المسلمين ويمكن اكتر ..

انا واصحابنا اللي كنا عارفين قصتها مع القرآن كنا مش فاهمينها خالص يعني هي #مسيحيه بس بتحب القرآن جدا !!!

لحد هنا وممكن يكون الموضوع عادي بالنسبه لحد ، بس الاغرب والادهش بقي اني اتفاجئت بيها في مره بتقولي انها قررت تحفظ #القرآن طبعا انا كنت مصدومه جدا وسألتها طيب ليه مفكرتيش تحفظي #الانجيل علي الاقل دا كتابنا احنا ، قالتلي ان في #المسيحيه اكتر من انجيل لكن #الاسلام فيه قرآن واحد ودا من الحاجات اللي بتشدها ليه ....

المهم انها فعلا بدأت تحفظه وكالعاده كانت بتقف عند ايات معينه وتعيط ، ولما بسألها ليه بتعيطي بتقولي معرفش بس في حاجه في قلبي بين الوجع والراحه ...

فضلت كدا فتره لحد ما في يوم لقيتها بتكلمني وقالتلي انها بتعدي الطريق قصاد البيت عندي دلوقتي وبتقولي انها خلصت القرآن كله حفظ وكانت مبسوطه جدا ..

بس من كتر ما كانت سعيده مخدتش بالها وهي بتعدي الطريق وعملت حادثه :(

نزلت بسرعه اجري من البيت زي المجنونه واول ما لقيتها بتتحرك حمدت الرب وبسرعه بابا كان نزل وخدناها المستشفي ، كانت صاحيه بس كل اللي بتعمله انها بتضحك وقبل ما نوصل المستشفي لقيتها شدتني تقربني منها وقالتلي جمله واحده بس مكانتش #الشهاده بتاعه المسلمين بس فيها حاجه غريبه ...

كررتها اكتر من مره لدرجه اني حفظتها وهي باردو بترددها وبتبتسم ....

وبس ، ايوه بس كدا خلاص خلصت الحكايه اصلها ماتت 😭

طبعا مكنتش مستوعبه اللي حصل بس بعدها بفتره سمعت نفس اخر جمله هي رددتها وعرفت انها ايه في القرآن وبحثت عنها في جوجل لاني مش حافظه القرآن وكانت الايع دي 👇

( فَاعْلَمْ أَنَّهُ لَا إِلَهَ إِلَّا اللَّهُ وَاسْتَغْفِرْ لِذَنبِكَ وَلِلْمُؤْمِنِينَ وَالْمُؤْمِنَاتِ ... ) الآية سورة محمد / 19

علي فكره لحد دلوقتي محدش يعرف اللي حصل دا ولا حتي بابا اللي كان مشغول في السواقه واننا نوصل المستشفي بسرعه ....

اكيد بعد كل اللي حصل زاد فضولي اني اقرأ في الاسلام وخاصه القرآن بس انا زي ما قولتلك انا لحد دلوقتي لسه #مسيحيه وبدعي الرب زي اي مخلوق علي الارض انه يرشدني لطريق الجنه ..

سمعت واحده من اصحابي المسلمين كانت بتقول لصاحبتها ان اللي بيعيش حياته علي حاجه بيموت عليها يعني دا اللي فهمته من كلامها ، فافتكرت صاحبتي وحبها للقرآن فاحبيت اشاركك حكايتها ...

وعلي فكره معرفش هي كدا ماتت #مسلمه ولا لا بس اللي متأكده منه انها لحد وقت الحادثه كانت #مسيحيه ..

🎀🎀🎀🎀🎀

انا كمان مش هقدر افتي واقول انها ماتت #مسلمه ولا لا بس بيتهيألي الآيه اللي رددتها و #الخاتمه ككل واضحه ...
**************************
دي كانت رساله قديمه ، وفاكره كويس ان في ناس كتبت ف الكومنتس وقتها ان البنت كدا باردو مش مسلمه لأن شرط تردد الشهاده كامله !!!
بس صاحبتها حاليًا بفضل الله أسلمت بسبب حلم شافت فيه صاحبتها وكانت مبسوطه جدا وقالتلها انها ماتت ع #الحق !!
البنت للنهارده مستغربه ان سبحان م هدى قلبها ف الوقت دا واسلمت ، بس مشكلتها ک معظم اللي بيدخلوا الإسلام خاصةً ف مصر انهم بيعيشوا كأنهم بلا هويه !!
لا قادرين يعيشوا ع ديانة اهلهم ، ولا قادرين يعلنوا الديانه اللي اختاروها بنفسهم ...

هي بعتالي انها بتغبطنا ع اننا اتولدنا واهلنا مسلمين ، ع الاقل بنمارس شعائر الدين علانية وبراحتنا ،
متعرفش ان الإسلام اصبح #غريب ع المسلمين نفسهم !!!
في ناس حاليا شغلها الشاغل يقولوا دول داخلين النار ولا دول هيدخلوا الجنه وكأن ربنا عينهم ع ابواب النار والجنه وبيختاروا بمزاجهم ...
ياما ناس كتير بنكون فاكرينهم هيدخلوا الجنه بدون حتى حساب وخاتمتهم بتكون ابشع مما تتخيل ،
وفي ناس بيتولدوا ويعيشوا ويموتوا ع الاسلام ولحظة الموت بتكون اتقل كلمه ع لسانهم هي #الشهاده !!!
ربنا رحمته وسعت كل شئ ، بلاش نحكم ع حد بالظاهر لأننا منعرفش اللي بين الشخص دا وبين ربه !!

مش عارفه افرح بخبر اسلام البنت وانها اتطمنت ع صاحبتها الله يرحمها ، ولا احزن ع حالنا ک مسلمين !!!!

ربنا يهدي الجميع ويهدينا ک مسلمين للإسلام الصحيح !!!

#احبكم_في_الله ❤❤❤

###############################

صلوا علي من ياتي يوم القيامه ويقوا امتي..امتي