صلوا علي رسول الله
#ومن_الحب_ما_قتل 💔
كل قِصة وليها معاد نزولها لانها رساله من ربنا لناس معينه واثقه م كدا وجدا، بدليل اني مكنتش هنزل القصه دي وعماله اتهرب منها وف النهايه هي اللي كان اوان نزولها انهارده ...
دي تقريباً القِصة الوحيده اللي ممكن اعتذر اني نزلتها اصلا توقيت كتابتها ونزولها مريب بالنسبالي !!
هاشتاج باقي القِصص👇
#قصص_واقعيه_لهدير_ابراهيم
🎀🎀🎀🎀🎀🎀🎀🎀🎀🎀🎀🎀🎀🎀🎀🎀
كان المفروض زوجتي اللي تبعتلك القِصة، هي من الناس اللي متابعه قصصك .. بس قدر ربنا وانا اللي ابعتهالك.
مش عارف ارتب كلامي او ابدأ بإيه، بس هي حُب اكتر من 8 سنين، كنا لسه صغيرين ف شاركنا بعض معظم احداث حياتنا.
مشكلتنا كانت انها عايشه ف مدينه وانا عايش في الأرياف، دي حاجه كانت بتقلقها جدا بس انا كنت دايما بحاول اطمنها.
كنت بدعي ربنا من اول م وقعت عيني عليها انها متكونش لراجل غيري. وعملت المستحيل علشان احقق دا.
خلصت الكليه وفضلت اعافر لحد م اشتغلت وربنا كان ميسر الحال جدا.
مجرد م مسكت شغل في ايدي فاتحت والدتي ان عاوز ارتبط، كانت مرحبه جدا وقالت انها قدامها كذا عروسه، بس لما قولتلها اني عاوز بنت معينه فرحتها اتقلبت
نسيت اقولك اني الولد الاخير وعندي اخين ولاد اكبر مني ومعندناش اخت بنا ووالدي متوفي.
والدتي كانت بتغير علينا من اي حد، خاصة انا لأني الصغير كمان كنت اكتر اخواتي براً بيها.
حاولت اقنعها كتير بالبنت اللي بحبها لكن رفضها كان بيزيد كل ن بتمسك بيها اكتر
حوالي تلات سنين بقنع ف والدتي انها توافق، دخلت القرايب والمعارف كلهم عملت اللي مش ممكن حد يعمله
متمسك ببري بأمي ف اكيد مش هدخل بيوت الناس بدون موافقتها وفي نفس الوقت اديت وعد وكلمه للبنت الوحيده اللي قلبي اتعلق بيها.
مريت بحاله نفسيه سيئه جدا ورغم كدا كانت والدتي بتعاند اكتر.
ومع دعوات كتييير وزن ومحايله وافقت بس ع مضض،
كنت بقول ان اكيد لما تتعامل مع حبيبتي وتعرفها عن قرب هتحبها زي م انا عشقتها.
يوم م دبلتي نورت ايد حبيبتي كنت متخيل ان الدنيا كلها بقت تحت رجلي وزهدت فيها مش عاوز من الدنيا غيرها وقربها.
عانينا كتير مع غيرة أمي طول فترة الخطوبه ومعاملتها الجافه،
حبيبتي كانت دايما تقولي انها خايفه وان الكل بيردد ان معظم الأمهات اللي خلفت ولاد بس ومخلفتش بنات بيكون قلبهم جامد وقاسي،
كنت بطمنها وبقولها ان مفيش ف حنان أمي، هي بس علشان متعلقه بيا خاصة مع وفاة والدي وان اخواتي الاتنين اتجوزوا بعيد عنها وانا اللي معاها دايما.
كنت مستعجل جدا ان حبيبتي تتكتب خلاص ع اسمي ويجمعنا بيت واحد وكفايه العمر اللي عشناه بعيد عن بعض،
شقتي كانت جاهزه ف بيت والدي وعافرت لحد م جهزت بالكامل واخيرا كان اليوم اللي بقت فيه حلالي رغم معافرة والدتي ف الاتجاه المعاكس وبكل الطرق ان الموضوع ميتمش.
YOU ARE READING
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
