قصص واقعية (لهدير ابراهيم)

لن يضيعنا الله ♥

صلوا علي من جلس علي ركبتيه يواسي طفلا مات عصفوره

################################

#لن_يُضيعنا_الله ❤

حكاية انهارده عن حسن الظن في الله واليقين انه فعلا لن يضيعنا !!

هندخل في القصه ع طول 👇
انا بنت كنت مسيحيه وربنا منّ عليا بنعمة #الاسلام ،
كأي بنت عامة بتغير ديانتها كنت بخاف من كل اللي حواليا ان حد يعرف اني دخلت الاسلام واكيد انتي عارفه عقاب حاجه زي كدا لو وصلت لاهلي او للكنيسه !!
كنت بعمل كل حاجه في الخفاء ،
بجمع الصلوات لو انا في البيت بالليل او في عدم وجود حد من اهلي في البيت ،
كنت بحاول وانا بره البيت اني احافظ ع مظهر لبسي ع اد م في استطاعتي،،

انا ماما متوفيه ومعنديش اخوات ،
والسبب تحديدا في دخول الاسلام كان #العند ، كنت دايما بحس ان بابا عنده ميل للإسلام وبيقرأ او بيتكلم عنه كتير ،
كنت متمسكه تماما بإن المسيحيه فقط هي الدين الصحيح ،
دخلت مع بابا ومن قبله نفسي
اني اثبت ان الإسلام مش هو الدين الحق ،
وسبحانك ربي العند دا وصلني اني
اشهد ان لا اله الا الله وان محمداً عبده ورسوله وخاتم الأنبياء والرسل ،،
العجيب اني وصلت لدا في فتره زمنيه قصيره ، كنت خايفه اصارح بابا بإسلامي ، خاصة ان في كتير ع غير الاسلام ومقتنعين تماما بالاسلام بس بيفضلوا متمسكين بديانتهم ، وانا كنت شايفه بابا منهم ،
كان عندي خوف غريب اني اقول له خاصة من اللي بسمعه عن اللي بيغير ديانته في مصر بيحصل فيه ايه ،،

المشقه هنا اني كنت بعمل كل حاجه لوحدي ،
بصراحه مفيش حتى بنت مسلمه قدرت اقولها كنت خايفه الكلام يوصل لاصحابي المسيحيين اللي معايا في الكليه ،
ف بقيت لوحدي ،
ربنا هداني لمسجد بعيد عن المنطقه اللي ساكنه فيها ،
دا كان مكان خلوتي واكتر مكان بحس فيه بالراحه والأمان ،
كنت كل م اخاف دايماً اطمن نفسي بإن ربنا ابدا م هيضيعني ،، خاصةً بعد ان كتب لي الهدايه !!

وفي يوم كنت نازله من المسجد لقيت نفسي وجهاً لوجه قدام جار ليا #مسيحي !!
هو ساكن في نفس منطقتي ويعرف كويس اني مسيحيه ،
طبعاً نازله لابسه الاسكارف ع شعري ،
وفوق كل دا نازله من المسجد اصلاً ،
حسيت وقتها ان قلبي هيقف من الخضه ، وتيقنت ان أجلي قد حان ، واستنيت مصيري بعد م الكل يعرف حقيقة تحولي للإسلام ،
تركت امري لله وتيقنت باردو انه ابدا م هيضيعني ، وحتى لو حصل حاجه ف خلاص اياً كان مصيري ف كله هيوصلني في النهايه للقاء ربي ع الاسلام  ودا اللي يهمني !!

رجعت بيتي وانا بحاول اطمن نفسي ، واكثرت من الاستغفار والصلاة ع الرسول ،،

مر حوالي شهر ع خير بفضل الله وولا قابلت الشخص دا ولا اي حاجه حصلت ،
تيقنت اكتر ان ربنا فعلا معايا وبيسمعلي وجانبي وانه فعلا مش هيضيعني ،
لكن للأسف  لقيت بابا بيقولي ع اصعب خبر ممكن يحصل واكتر شئ كنت مستنيه حدوثه برعب وكنت عارفه انه هيحصل عاجلا ام اجلا ،،
وهو انه جالي عريس وطبعاً يعني مسيحي ،
اللي الكل يعرفه انه حرام في الاسلام زواج المسلمه من غير المسلم ،
واصبحت في مشكله لا يعلم حالي الا الله ومن هم مروا بمثل موقفي هذا ،،