قصص واقعية (لهدير ابراهيم)

من ترك شيئا لله عوضه الله خيرا منه

صلوا علي من جلس علي ركبتيه يواسي طفلا مات عصفوره
################################

#من_ترك_شيئاً_لله_عوضه_الله_خيراً_منه

دا 👆 انسب عنوان لقصة انهارده :)

من سنه تقريباً كلمتني بنت وكانت منهاره جداً ، خايفه من الموت ، خايفه تموت وهي بتعصي ربنا ..
كانت #معصيتها انها وزي أغلب حال الشباب دلوقتي ، مرتبطه بشخص بيتكلموا وبيتقابلوا وهكذا ..
كانت عارفه ان كل دا حرام بس شيطانها كان بيتغلب عليها كل ما تحاول ترجع عن المعصيه دي ..

اللي فوقها هو موت بنت اصغر منها في السن وموت غفله ، ف دي الحاجه الوحيده اللي هزت قلبها بجد ..
جاتلي وهي مرعوبه وخايفه ربنا ميقبلهاش ، خاصةً وع حسب كلامها انها بنت #منتقبه ومن بيت متدين ، والشخص اللي هي مرتبطه بيه باردو نحسبه ع درايه بالدين ، وبسبب كدا كانوا بيحاولوا يبرروا لنفسهم #العلاقه اللي بينهم ، وان كل واحد فيهم بيشجع التاني ع القرب من ربنا اكتر ،
بس الحقيقه كانت #العكس بالتأكيد ...

المهم اني م صدقت انها جيالي وكلها خوف من الموت ، اكيد مش خوفتها اكتر بالعكس قولتلها جمله واحده بس
من ترك شيئاً لله عوضه الله خيراً منه ولعل ربنا يرزقك #بنفس_الشخص بس في الخير وفي الحلال ..
وربنا ابدا م بيعذب قلب حد #ترك معصيه من أجل رضاه !!
قولتلها احسني الظن في الخالق وبس ...

قولتلها كمان غيري رقمك واحذفي الأكونت الأساسي بتاعك " لانها كانت بتتكلم من اكونت تاني "
وابعدي عن اي حاجه ممكن تفكرك بيه ، ولو جيتي في وقت وقلبك ضعف وحن ليه ، افتكري بس ان لقدر الله ممكن في الدقيقه اللي هتكلميه فيها دي ينتهي عمرك بعدها ع طول وتقابلي ربنا ع معصيه والمرء يبعث ع ما كان عليه ،
كل اللي عليكي في الوقت دا اجري بسرعه اتوضي وصلي وادعي ربنا كتيييير ان الشخص دا لو خير ليكي يرزقك بيه في حلاله ، ولو شر يبعده عن قلبك وحياتك ويرزقك الزوج الصالح ..

اشغلي وقتك كله بالحاجه اللي ترضي ربنا واستغفري عن ذنوبك كلها ، واهم من كل دا احسني الظن في الخالق وبس وهيدهشك صدقيني ❤

هي مكانتش مصدقه كلامي في الأول ، كان الشيطان بيحاول يستحوذ ع قلبها ويرجعها تاني ،
كنت بثبتها بجمله واحده بس #احسني_الظن_في_الخالق وهيدهشك  :)
*****
الكلام دا ثابت بالنسبالي بقوله لكل بنت بتمر بنفس الظروف دي ، وما اكثرهم بصراحه !!

بعدها بشهر انا عملت جروب ديني ع الواتس وضيفتها فيه والمفاجأه اني مكنتش اعرف انها هي لانها بعتتلي من اكونتها الاساسي المره دي زيها زي اي حد عاوز يدخل الجروب ..

وانهارده لقيت حد بيرن عليا وأول ما رديت سألتني : انتي هدير إبراهيم صح 😃 ولما رديت لقيتها بتقولي بعتلك مسج شوفيها حالاً وضروري انا عارفه انك تعبانه ومتأكده انها هتفرحك مع انك اتأخرتي على ما شوفتيها كالعاده 😂 بس مقدره ظروفك والله ..

المهم وانا مش فاهمه حاجه فتحت لقيت واحده بتقولي خطوبتي وكتب كتابي يوم كذا كذا وبتفكرني بنفسها اللي هو اللي ذكرته فوق دا 👆😃 والجميل في الموضوع ان #زوجها لما هي جات تبعد من سنه وقالتله الجمله دي #من_ترك_شيئاً_لله_عوضه_الله_خيراً_منه هو كمان حس بندم خاصةً انها ع حسب كلامه جات من البنت ، وشيطانه هو اللي كان اقوى من شيطان البنت ، فقرر انه يرجع لربنا تاني ..
في ظرف سنه كل واحد فيهم علاقته مع ربنا اتحسنت وبالتالي #دنيتهم اتحسنت ، وراح اتقدملها ع طول وربنا يسر الحال مع الاهل ووافقوا ع خطوبه وكتب كتاب في يوم واحد " معظم المنتقبات حالياً كدا "
ربنا رزقها بمن امتلك قلبها في #حلاله ☺☺

اللهم بارك لهما وبارك عليهما واجمع بينهما في خير :)

*********
#حياء اتوفت ولسه بنات بتتغير بسببها الله يرحمها ويلحقنا بيها ع خير :(

حاولت #اختصرها علشان الناس اللي بتكره البوستات الطويله ف اسفه لو احداث كتير سقطت مني !
والناس  اللي عندها نفس الظروف دي ، هو الموضوع صعب بس مش مستحيل :*

ربنا يحبكم ويحفظ قلوبكوا #للحلال
#انتوا_بقيتوا_مصدر_سعاده_لقلبي ❤