قصص واقعية (لهدير ابراهيم)

الله لن يتركم

صلوا علي من جلس علي ركبتيه يواسي طفل مات عصفوره

################################

القصه دي هدير مكتبتلهاش اسم وانا
ملقتلهاش اسم ممكن تختارو البارت
يتسجل بايه وبالله لا تنسوهم من دعائكم

✋ اسفه ع اني اتأخرت في تنزيل المشكله .. بس كان في كلام كنت لازم اعرف هينفع انزله ولا لا ودا اللي اخرني انا اسفه ..
ودلوقتي اسيبكوا مع المشكله ع لسان صاحبتها ...

.................

سلام عليكم هدير ..
عاوزه اقولك من الاول كدا اني بحبك في الله جدااااا وعلي فكره اول مره اعرف الكلمه دي عرفتها منك انتي .. زي ما اتعلمت منك كلام وحاجات كتير ربنا يكرمك ياااارب ..
بصي هو اي كلامك مش هيقدر يعبرلك عن اللي جوايا بس من قلبي بدعيلك ربنا يحققلك كل امانيكي واشوفك في الجنه دا لو ربنا قبلني 😔 ودي المشكله اللي هحكيلك عليها .. ودي تاني مره اكلمك بس اول مره كانت من الاكونت الاصلي بتاعي وطبعا بقي محظور 😔
اسيبك مع مشكلتي 👇👇

انا كنت مسيحيه واسلمت من شهر ونص .. وبدون مجامله اقسم بالله كان ليكي دور كبييير جدا في دخولي للاسلام ..
انا كنت من طائفه متشدده جدا للمسيحيه واهلي بيكرهوا المسلمين بطريقه رهيبه .. واكيد انا كمان وكنت ممنوعه من الاختلاط بالمسلمين لحد ما اتعرفت علي بنت عن طريق الفيس باردو وطلعت مسلمه .. ولما عرفت اني مسيحيه معاملتها ليا متغيرتش بالعكس كانت كويسه معايا اكتر ولما سألتها قالتلي ان دينها بيخليها تتعامل مع اصحاب الكتاب معامله حسنه ..
سبحان من خلاها تيجي في طريقي كانت دايما بتسمعلي في وقت اصحابي واهلي بعيد عني .. كان عندها دايما حل لمعظم مشاكلي وتقولي انها لما بيكون عندها مشكله بتستعين بالله وهو بيساعدها ..
كنت اكلمها والاقيها فجأه تقولي سلام دلوقتي انا رايحه اصلي ..
ولا مره اذن اذان للصلاه غير والاقيها تقفل بسرعه ..
فضلنا كدا فتره بنتكلم .. وفي يوم كنت مضايقه جدا ودخلت في حاله نفسيه سيئه فلقيتها عمالتلي منشن ..

كان المنشن علي قصه #حياء الله يرحمها .. بصي بقي بجد دي حركت جزء كبير من قلبي استغربت نفسي وانا بعيط علي بنت معرفهاش .. استغربت نفسي وانا بقلب في الكومنتات عندك والاقي الكل بيدعيلها ويتمني موته زي موتتها ..

بس كنت فاكره ان هي زي مثلا لما بنقرا روايه تأثر فينا شويه وبعدين تأثيرها يروح ..
لكن حصل معايا العكس انا فضلت متبعاكي .. بقيت استني البوست اللي بتنزليه كل يوم .. قلبت في الاكونت بتاعك كله .. كان في حاجه بتشدني ليكي ..
صاحبتي قالتلي انك مش تعرفيها ولا هي تعرفك بس حبتك جدا ..
انا كمان كنت بدأت اتعود عليكي واحبك .. كنتي بالنسبالي حاجه بتخفف الضغط اللي علي قلبي ..

وحسيت انك طوق النجاه اكتر لما لقيتك منزله بوست للشيخ احمد ديدات ... وعاوزه اقولك ان لو كان عندي شك 1% في الاسلام بعد ما سمعت الشيخ احمد ديدات كل الشك دا راح .. ومع ذلك مأسلمتش باردو مش عارفه ليه .. ممكن خوف من اهلي والكنيسه .. مش عارفه كنت مشتته .. فضلت فتره عايشه في كوابيس وبعدت عن الكل والفيس وفجأه دخلت الفيس وكالعاده دخلت صفحتك اول ما فتحت ولقيت مفاجأه مستنياني وهي وفاه #مريم الله يرحمها ..
قولت بس دي علامه من اله الكون ليا .. وكالعاده بكيت عليها وبكيت من الكومنتات ..
كنت وقتها عاوزه ابعتلك مسج واقولك الحقيني خدي بإيدي انا مش عاوزه ادخل النار انا عاوزه جنه رب العالمين .. انا عاوزه لما اموت الناس تدعيلي زي #حياء و #سلمي ..
كنت عاوزه ادخل اكلمك اقولك ازاي اكون مسلمه 😔 وقتها كلمت كانت صاحبتي المسلمه فضلت فتره مبتفتحش الفيس ..

اتفرجت علي الشيخ احمد ديدات وكررت الشهاده وراه ..
بعتلك رساله وقتها من الاكونت الاساسي بتاعي سألتك علي الصلاه والوضوء وكنت حاسه انك مش هتردي بسبب ان الرسايل عندك كتير بس سبحان ربي القدير لقيتك رديتي بسرعه ومن كتر استغرابي سألتك ازاي رديتي عليا بسرعه وسط كل الرسايل اللي عندك ..
ضحكتي وقتها وقولتيلي انك فاتحه الرسايل من ماسنجر وان رسالتي اتفتحت علي طول اول ما بعتها قدرا ..
وقولتلك اني عيط .. انتي استغربتي ليه بعيط بس مش عارفه ليه مش قولتلك اني اسلمت .. كنت خايفه اني انطق بالكمه لحد ..

المهم انك بعتيلي فيديوهات للوضوء والصلاه واتكلمنا في الدين وكنت بتشد لطريقتك اكتر خاصه اول ما عرفت انك كتي الحدتي بالفكر .. وبعدين رجعتي للاسلام .. حتي انك قولتيلي ان قليل من اللي يعرفوا عنك المعلومه دي ..

حسيت ان ربنا بعتك ليا .. قررت اقولك اني زيك لسه داخله الاسلام وان ليكي الفضل بعد ربنا في دخولي الاسلام كمان صاحبتي اللي عملتلي منشن ..

انتي بعتيلي قصه التزامك فبدأت امشي علي خطواتك .. فكرت في لبسي .. وبسبب اهلي طبعا قررت اخدها خطوه خطوه .. قلعت الصليب من رقبتي .. وبدأت اكون صحبه صالحه طبعا من المسلمين .. وهنا بدأت المشاكل واصحابي بدأوا يلاحظوني شويه ومعاملتي للمسلمين واشتكوني لاهلي  واهلي اشتكوني للكنيسه ..
هددوني وبصراحه خوفت .. دخلت مسحت المسجات اللي بينا ..
وفعلا اخدوا الباسوورد بتاعي.. وبقي ممنوع اختلط بغير المسيحيين ورجعت البس الصليب تاني 😔
واروح الكنيسه كل يوم حد كالعاده .. وبرسم الصليب باردو 😔
حتي الصلاه بقيت اجمع ال 5 فروض كلها بالليل واهلي نايمين.. كنت بصلي في الضلمه وخايفه حد يدخل عليا فجأه 😔 كنت بشكي للواحد الاحد وببكي 😔

بس اقولك حاجه كنت كل م حس باليأس ادخل صفحتك واقلب فيها الاقي بوست بتتكلمي فيه عن الصبر او الابتلاء وان اخر كل دا جنه رب الواحد الاحد .. فا كنت بحس بحماس اكتر ..

بس انا دلوقتي يا هدير هلخصلك مشاكل كل مسيحيه او غير مسلمه عامه تدخل الاسلام ..

_ اللبس ، انا حتي مش محجبه 😔 بدعي الشتا يجي علشان البس آيس كاب اغطي بيها شعري وكوفيه اغطي بيها رقبتي وجاكت اداري فيه جسمي 😔 بس دا باردو مش دا لبس المرأه المسلمه اللي انتي بتتكلمي دايما عنه 😔 كمان هعمل ايه في الصيف بعد كدا وهل ربنا هيقبلني ولا لا لو مت وانا كدا 😔
_ الصلاه ، بصلي ال 5 فروض في وقت واحد 😔 هو كدا ربنا هيقبلها مني ولا لا 😔😔
_ بروح الكنيسه وبرسم الصليب وعايشه زيهم وكمان بعد كدا في رمضان هعمل ايه 😔😔
_ المشكله الاكبر بقي اني بدأ اهلي يفكروا في جوازي 😔😔 يعني كدا هتجوز مسيحي ودي حرام في الاسلام 😭😭 اعمل ايه يا هدير 😭😭 هو انا كدا ربنا مش عاوزني 😭😭

قوليلي في حل ولا هموت وانا كدا 😭😭 ادعيلي يا هدير وخلي الناس تدعيلي ولغيري اللي في نفس مشكلتي 😔😔
#احنا كتير علي فكره بس خايفين .. صدقيني لو كنت ولد كنت هربت من اهلي .. بس هروح فين وانا بنت 😔

اخر حاجه عاوزه اقولهالك اني بتمني من الواحد الاحد يجمعني بيكي في جنته مع حبيبي وسيدي ورسولي المصطفي 💜

ورجااااااء مني ليكي انك ترجعي تكتبي تاني بوستات .. عرفينا دينا يا هدير اللي زي ما بتقولي دايما انك لسه بتعرفيه وتتعلميه علمينا معاكي ..

ومتنسوناش من دعواتكم .. #بحبك في الله يا قطعه من #جنه ربي علي الارض 💜💜

#اختك في الاسلام ..

🎀🎀🎀

للأسف انا مسحت تفاصيل كتير لانها ممكن تضرني وتضر ناس تانيه :(
اللي عنده حل يقول يا بنات فضلا .... خاصه اني اتبعتلي مشاكل كتير بخصوص البنات اللي دخلوا الاسلام جديد لدرجه ان في منهم رجعوا للمسيحيه من كتر الضغط وكمان ملقوش حد جانبهم يوعيهم ويرشدهم :(

#شيروها لو حابين ....

احمدو ربنا علي نعمه الاسلام

صلوا علي الحبيب المصطفي