صلوا علي من جلس علي ركبتيه يواسي طغلا مات عصفوره
###############################
نمنش بقي لعشقت القصه دي ونرجع الذكريات القديمه
Mariam849
#احمد !!
اول امره اختار انا وصاحبة القصه نفس الاسم وهو #احمد 😂
مفيش مقدمه بس اوعوا تنسوا هاشتاج باقي قِصصنا 👇
#قصص_واقعيه_لهدير_ابراهيم 👌
بما اني مُتأثره ببرنامج #قلبي_اطمأن ،
ف انا كمان هقول بسم الله نبدأ #سعاده جديده 😍
&&&&&&&&&&&&&&&&&&&&&&&&&&&&&&
في البدايه مش عاوزه احكي عن نفسي كتير علشان مطولش عليكِ وعلشان متطلعش القِصه طويله ف تضطري تحذفي منها ،
ف هقولك بإختصار ؛ انا كنت بنت اهلي دايمًا يوصفوني بكلمة #معقده وكئيبه ، وكل دا لأني كنت بنت هاديه جدا ودايما لوحدي ،
كنت بستغرب انهم شايفني كدا وهما في نفس الوقت كل م احاول اتقرب لحد منهم يبعدوني عنهم ويتحججوا بانشغالهم ، ف بدأت ابعد انا كمان وبدأت اتعايش مع كوني واحده مُعقده ..
كان ليا صحاب قليلين جدا بطبيعة الحال ، علاقتي ب ربنا كانت عاديه صلاه وصيام وكنت بحفظ قرآن في #الكُتاب اللي جانب بيتي ،
حياتي كانت عباره عن مدرسه ومذاكره وكُتاب وبس ... !
ختمت القرآن وانا صغيره ، بس اللي هو عادي انا تفكيري كله اني كنت بروحه زيه زي المدرسه #فرض يعني ،
كانت حياتنا ماشيه #بالفِطره ، بس انا كانت حياتي صعبه جدا جدا وخناق وتعب وضغط اعصاب م اهلي دايما خاصة بقراري اني اكمل تعليمي وهما كان كل املهم اتجوز وبس ..
وكل م كانت بنت م الجيران او القرايب تتجوز ولا تتخطب يبقى عندهم فرح وانا في بيتي #جنازه !!
اتقدملي كذا شخص بس ولا واحد كان مناسب ، لوقت م اتقدملي شخص اسمه #احمد والله يسامحه ويسهله قبل م يمشي كان كرهني حرفيًا في اي شخص لمجرد ان اسمه احمد !!
كان جوايا سخط ع حياتي وفي يوم بكيت لربنا وقولتله اسم م اسماءك هو #الكريم ، يارب انا واقفه ع بابك معقول ممكن تخذلني يارب !؟ وبكيت ...
تاني يوم راجعه م الكليه عملت #حادثه ، كل ظني وتفكيري في الوقت دا كان خوف م ربنا انه بيعاقبني ع عدم تأدبي معاه وكنت خايفه اموت وادخل النار – كان مفهوم الدين عندنا هو النار وعذاب القبر وبس –
الناس وصلوني لمستشفى اقل م يقال عنها انها سيئه جدا ، اتبهدلت فيها اكتر م انا متبهدله ،ودخلتلي دكتوره شكلها كانت لسه تحت التدريب اصلا ومش عارفه تتعامل معايا خالص كانوا اهلي وصلوا بعد وقت طويل جدا وسألوها عن حالتي وتناهى لسمعي حاجه ليها علاقه بقدرتي ع الانجاب !! توقعت السئ لدرجة اني انهارت تماما ، وشويه ودخل دكتور تاني صغير في السن باردو فضلت اشتم في الدكاتره وانهم مش فاهمين اي حاجه ، لقيت ممرضه بتقوله معلش يا دكتور #احمد دي جايه م حادثه ومنهاره تماما ،
انا اول م سمعت اسم احمد ركبني ميت عفريت وقولتلهم وكمان اسمه احمد ، طلعوووووووه براااااااااااااااا وفضلت اصرخ بطريقه هيستريه واتذكر ان كل دا عقاب ربنا ليا بسبب طريقتي في الكلام معاه واتأكدت انه فعلا مش عاوزني !!
الدكتور حاول يطمني وان حالتي كويسه و كسر في رجلي وحاجات بسيطه وهفضل في المستشفى كذا يوم واخرج ، ومجرد م قرب مني روحت #عضيته اه والله تخيلي بقى المنظر وهو بيقولي يا بنت المجنونه يا عضاضه 😠
سمعنا صوت حد قال : ايوه يابني ، قالها في ايه يا حجه !؟
قالتله م انا المجنونه مش بتقولها يا بنت المجنونه !؟
بصلها ورجع بصلي وقالي والله لـ اوريكِ يوم ، وبصراحه هو وراني ايااام مش يوم واحد ...
موقف المستشفى بالتفصيل دا عرفته بعد كدضل نقول ليه وازاي !؟
رجعنا ع بيت اهلي وسألتهم مش الدكتوره قالتلكوا يوم الحادثه اني مش هخلف !؟ استغربوا وقالولي جبتي الكلام دا منيييين !؟
قولتلهم طيب ازاي ولا مره سألتوني ع تأخير حملي !؟
صدموني كعادتهم وقالولي لما اتأخر حملك قولنا العيب منك وسكتنا لما لقينا زوجك ساكت هو كمان ومازال بيعاملك كويس ...
نزلت مع احمد وانا جوايا حزن م اهلي ، وفضلت طول الليل افكر ازاي سمعت م الدكتوره كدا وهما يقولوا محصلش !؟ وازاي احمد استحمل كل دا وولا مره فتح معايا موضوع الاطفال ابدا !!!؟
اسئله كتييير وكنت هتجنن وفجأه افتكرت وصحيت احمد وبقوله افتكرت يا احمد افتكرت يا احمد يا احمد عرفت خلاص يا احمد
صحي وقالي دا اختبار جديد اني حقيقه ولا انتِ بتحبي ف اسمي اللي كنتِ بتكرهيه ولا دي اعراض الحمل ظهرت مبكرًا ولا ايه بالظبط !!
قولتله كريم يا احمد كريم .. لقيته فَوَق كدا وقالي نعم !؟ كريم مين ان شاء الله ،
قولتله اللي خلاني بقيت حامل ، لقيته نط ياعيني وفوق خالص وقالي نعم ياختي !!!؟ يعني م الصبح بقنع فيكِ قدام الناس اني جوزك وانتِ مش مقتنعه انك ينفع تبقي حامل وفي الآخر تقوليلي سبب حملك هو كرييييم !!؟
قعدت ع الارض اضحك وهو ياعيني هيتجنن ولولا ثقته فيا مكانش قدر يتحمل نوبة الضحك الهيستيري اللي جاتلي ، ولما فوقت منها فهمته ارتباط اسم الله #الكريم بيه وبكل حاجه حلوه حصلتلي في حياتي وان هو حرفيا اجمل م اي حاجه ممكن تحصلي في حياتي ،
وان تاني يوم دعيت ربنا بإسم الكريم كنت مشرفه عنده في المستشفى ، واني كنت بخجل ادعيله يرزقني اطفال لاني كنت فاهمه غلط اني مش هخلف وللآن معرفش ازاي سمعت كدا ،
بس في يوم كان بيلاعب ولاد اخوه دعيت ربنا يرزقه مني اطفال او يرزقه طفل م زوجه تانيه ويصبر قلبي ، وتذكرت اسمه الكريم وكرمه معايا وممرش ايام الا واغمى عليا في الكليه ،
وفي وسط المشاعر دي كلها لقيته بيقولي هو انتِ قولتي و ولا او !؟
قولتله مش فاهمه !؟ قالي حرف العطف اللي في الدعاء كان و ولا او !؟
انا مسبهله ومش فاهمه قصده ولما كررتله الدعاء تاني قالي خساره :(
قولتله ايه اللي خساره :( قالي دعيتي ب أو :(
قولتله احمد حبيبي م انا هجيبلك طفل ، قالي م انا كدا مش هتجوز ام الطفل التاني !؟
كل دا واحنا قاعدين ع الارض وانا متنحه وع م فهمت ولقيته بيبص بصه شريره وطلعت اجري وراه وهو يقولي انتِ حامل يا مجنونه وانا اقوله علشان تتجوز ام الطفل التاني ،
قالي ليه دا انتِ بعشره مش اربعه انا قادر ع جنانك علشان اجيب واحده تانيه ، قولتله م تجيبها علشان يبقى عندك الهبله المجنونه والعاقله ، قالي لا م انا مطمن انك حتى لو سبتيها تعيش ف هي هتجنن ع ايدك 😂
المهم انه قالي انه لقاها لحظه دراميه وانا ست اصيله واعشق الدراما والعياط ف قال يقلبها بالطريقه دي وبصراحه هو متمكن جدا في انه يغير مودي تماما م نكد وعياط لضحك هيستيري ...
بس يا ستي وبقيت حامل وطلع عليه جنان الدنيا كله في ال 9 شهور لدرجة انه كان بيقول للناس ان هو اللي حامل مش انا 😂
في الشهر التالت كنت اصحيه م النوم اقوله احمد انا بولد ،
يقولي اعلقهالك ع ضهري ان لسه بدري ع الولاااااده م اول شهر تخضيني وانا نايم تقوليلي احمد بولد ،
احمد ع م تولدي هيكون هو اللي ولد مش انتِ يا شيييييييخه 😐
كنت افضل اضحك يقولي انتِ اضحكِ وانا الطم 😂
كان جايبلي ممرضه تفضل معايا في البيت طول م هو في شغله ، واول م يرجع تمشي هي وهو يبدأ يحضرلي الاكل ويأكلني ،
كان حملي متعب ومرهق جدا بس يشهد ربنا انه عمره م حسسني بإنه تعب او مل او جاب اخره مني ، تعرفي اني كنت ممكن ارجع ع لبسه كان بكل هدوء وبساطه يغيرلي لبسي ويهتم بيا انا وبعدين يغير لبسه ، كل دا وفي ابتسامه هاديه وجميله ع وشه ، وكان يبوسني بين عيوني ويضمني ويطبطب بإيده ع ضهري ، مجرد لمساته وحركاته دي كانت بتسكن اي وجع جوايا ،
وكنت كل ن احاول اخبي وجعي عنه يقولي لو خبيتي عن كل الناس مش هتعرفي تخبيه عليا لأن بحس بيكِ اكتر م نفسك !!
كنت بدعي ربنا واقوله انت الكريم يارب ، انا لو مت دلوقتي هكون راضيه جدا وبحمدك الف مره ع كرمك معايا بس متوجعش قلبه بيا يارب ...
ومرت ايام الحمل ويوم الولاده اول مره في حياتي اشوف زوجي #بيبكي يا هدير 😭
بكى الاول ع بكائي وكان بيقولي لو بإيدي اكون مكانك واخد ألمك انا مش هتأخر ، فضل جانبي وماسك ايدي واول م سمعنا صوت بنتنا ولمسناها سوا بكى تاني ، قولتله خلاص الالم راح قالي لا انا ببكي علشان ربنا رزقني بمجنونه تانيه كمان ،
خبطه في كتفه قالي حمد الله ع السلامه كدا اتأكدت انك بقيتي بخير، ضمني انا وبنتنا وضحكنا ..
م انا قولتلك الوحيد اللي قادر يحول حزني ودموعي لضحك وفرح ...
تعالي بقى ع اللي كنا فيه بعد الولاده كنا بنعتبر نفسنا افشل اب وام في الكون كله 😂 لا عارفين نغير للبنت ولا نعمل حاجه خااالص ،
لا في ام تعلمني اتعامل ازاي :( ومامته متوفيه وحالتنا صعبه جدا ،
وكعادته كان بيقلب كل مواقف القلق والتوتر لضحك غير طبيعي وعدت واتعلمنا ،
بعد الولاده سألته طيب ليه ولا مره جبتلي سيرة الحمل لما اتأخر بعد جوازنا !؟ قالي لأنه مؤمن بالله وبالتالي مؤمن بأقدار الله .. قولتله ونعم بالله ،
طيب انا كان قصدي يوم م سألتك ليه اتجوزتني وانت عارف تشخيص حالتي كان قصدي ع موضوع الانجاب ، انت بقى كان قصدك ع ايه !؟ قالي : م اول م شوفتك بحالة الجنان والقلق والتوتر اللي كنتِ فيها وقتها شوفتك قدامي بالظبط #طفله مش محتاجه اكتر م ان حد ياخدها في حضنه ويطمنها ان كل حاجه بخير ومش تخافي ويوم بعد يوم احساسي بالمسئوليه ناحيتك كان بيزيد وحسيت وكأن ربنا خلقني علشان يبعتني ليكِ اطمنك وبس ...
كنت حاسه اني طايره م ع الارض بكلامه ، كمل وقالي لربنا حكمه في كل شئ ،
عمالتي حادثه وافتكرتي دا شر ، وجيتي لحد عندي في اول مستشفى اشتغلت فيها وكنت بكرهها وفاكرها شر وربنا جمع بيني وبينك وطلع الشر دا خير كبييير جدا اللهم بارك لينا احنا الاتنين ،
واهو اتأكدنا ان حملك كان صعب جدا لو كنتِ بقيتي حامل اول م اتجوزنا كنتِ مش هتعرفي تكملي في كُليتك اللي هي عشقك وشغفك ، وكان هيبقى كل دا هم بالنسبالك ، دا غير ان نفسيتك كانت لازم تتظبط م قبلها عشان تكوني مستعده وأد مسئولية انك تكوني أم بجد ، وربنا اكرم وحملتي في اخر ترم والحمد لله مرت ع خير ، مع اني متيقن انك لو كنتِ دعيتي ربنا بالحمل م اول الزواج كان رزقك ، بس سبحانه اعلم بأنفسنا اكتر منا ف ألهمك الدعاء في الوقت اللي انتِ مستعده فيه ♥
سنه ونص بالظبط وكنت حامل كلاكيت تاني مره لكل اللي فات في الحمل الاول وخوف وقلق ورهبه وكنت افضل اقوله احمد انا هولد ، يقولي معلش ،
يا احمد انا حاسه اني هموت ، يقولي معلش ، اقوله احمد انت بطلت تحبني !؟ يقولي معلش ولما خلاص يلاقيني جبت اخري يفضل يهزر ويقلبها ضحك ...
وجبت يا ستي توأم ولدين اللهم بارك واول تعليق كان م احمد هو الحمد لله ،
قولتله مبسوط اني جبت توأم 😊
قالي لا مبسوط ان بكدا ربنا حب يريحني ، هو كدا كدا مكتوبلنا نجيب بنت وولدين ، ف بدل معاناة كل مره في الحمل ومرواح للمستشفى م الشهر الخامس واقناعك للدكاتره انك هتولدي خلاص ،
ف ربنا ريحني وريح الدكاتره والممرضات والعيانين كمان وبقت مرتين في مره واحده حاجه كدا زي الكومبو 😂
سكت خالص ، قالي زعلتي انا كنت بهزر والله ، كل دا ولسه مش عرفتي هزاري !؟ وبدأ يعتذر ويتأسف وانا ابدا ،
فين وفيييين بقى لما قولتله اني كنت بستهبل علشان يبطل يعمل فيا الحركات دي 😂 قالي نسيت اني متجوز واحده مجنونه ...
بس تصدقي انا لحد انهارده بسأل نفسي هو مين فينا اللي مجنون !؟
انا المعقده الهاديه لدرجة الملل زي م اهلي كانوا بيوصفوني ولا هو بكل تصرفاته وجنانه ولا يمكن انا كان جوايا جنان وهو اللي خرجه مني ولا ايه بالظبط !؟
في الحقيقه كل دا مش مهم المهم اننا حاليا عندنا بنوتتنا الجميله بقت عروسه في الجامعه ومخطوبه وعندي القرود كرم وكريم 😉 في ثانويه عامه وعندهم امتحان احياء وربنا يكرمهم واللي زيهم يارب ❤
والأهم ان عندي #احمد 😍❤
ودي علاقتي بإسم الله #الكريم اللي عايشه طول حياتي للآن بكرمه وفضله عليا وع زوجي وولادي ❤❤
مش هقولك مفيش في حياتنا ابتلاءات ، لا طبعا لازم يكون في لانها دنيا ، الفرق هنا بيكون في نصفك الآخر ، وربنا كرمني بشخص كل م نمر بابتلاء يقولي كل ابتلاء طالما بعيد عن الفتنه في الدين ف هو سهل ، ولما اقوله طيب افرض ربنا ابتلاك بموتي يضحك ويقولي تفكيرك سوداوي ياحبيبتي ماشاء الله ، اقوله اني بتكلم جد ، يقولي انه هيكون مبسوط مبسوط جدا ودا بجد لان مفيش ايد هيطمن عليا وانا بين ايديها غير يد الله ، ويوصيني دايما اني انا كمان لازم تفكيري يكون كدا ، وان الكريم اللي جمعنا في دنيا فانيه بدون معاد قادر يجمعنا في دار البقاء دا ...
دا زوجي دا احمد اللي نظرته وايمانه بالله كتير بيحسسوني اني تزوجت ملاك ...
التشوهات النفسيه اللي صنعها جوايا اهلي ، ربنا بعتلي احمد يفك كل كلاكيعي ، واحس ان زي م بيقول ربنا خلقه علشان يطبق حديث النبي ما اكرمهن الا كريم ...
زوجي كريم وابني اسمه كريم واعيش تحت ظل وكرم الكريم ❤
**************************
كلنا بلا استثناء مرضى نفسيين وجوانا تشوهات نفسيه بفعل الزمن وتقلباته ،
السعيد في الدنيا والآخره هو اللي ربنا بعتله #طبيبه_النفسي اللي بيقدر بس بلمسه او كلمه يداوي كل وجع قلبه !!
بعد م خلصت مع صاحبة القِصه مسكت ورقه وقلم وبدأت اكتب صفات زوجها لقيته ( متواضع .. محترم .. مهذب .. دمه خفيف .. اهل بيته عنده سعادتهم رقم واحد في حياته .. طويييييل البال .. علاقته بربنا قويه ... الخ
بإختصار فيه كل المميزات اللي اي امرأه في العالم تتمناها ..
ودا بالنسبالي كان الخيال في حد ذاته ، بس طلع فعلاً مع الكريم مفيش حاجه اسمها خيال ...
كنت تايهه وحزينه .. بدعوه بسيطه وبصوت هادى قولت يا كريم .. فاذهلنى بعطاياه .. فـ استحيت اطلب مع احتياجى .. وخيل لى شيطانى انني لست اهل لكرمه .. وبنفس البساطه قولت يا كريم فاذهلنى بكرمه .. !
اللهم مثل ذاك #الأحمد بدون اي زياده او نقصان ✋
#احبكم_في_الله ❤
صلوا علي حبيب الله