صلوا علي من جلس علي ركبتيه يواسي طفلا مات عصفوره
##################################
#صغيرتي_مريم
#قصص_واقعيه_لهدير_ابراهيم
صحيت من النوم انهارده كان قلبي مقبوض جدا من غير سبب كان جوايا احساس غريب مش فاهمه في ايه اتوضيت وصليت وقرأت قرآن والاحساس باردو بيزيد لدرجه اني حسيت بخنقه رهيبه ....
فضلت اعيط من غير م افهم في ايه ف قررت اروح المكان الوحيد اللي مجرد م بدخله برتاح وبخرج منه شخص تاني ... وهو المسجد وقولت بالمره انهارده الاتنين وممكن اشوف مريم ...
مريم بنوته داخله 3 اعدادي ... عرفتها بعد م بدأت الالتزام بفتره صغيره كنا دايما نتقابل ف المسجد قبل صلاه العصر ونفضل لصلاه العصر نصلي وننزل ... اخدت بالي منها كذا مره لاني كنت دايما بشوفها يوم الاتنين والخميس ف المسجد ....
بنوته بتحب الضحك والحركه كانت بتلفت انتباهي دايما خاصه انها ماشاء الله عليها عسوله وروحها حلوه مع كل اللي حواليها ...
كان سبب تعارفنا هو النقاب بتاعي .... لقيتها جايه ف يوم بتسألني ازاي بلفه كدا لان شاكله غريب بس حلو اوي ... ودا سؤال اتعودت عليه من اول م لبست النقاب ...
المهم قولتلها ودي كانت بدايه الكلام .... بقيت اول م ادخل المسجد ادور عليها ونقعد نتكلم شويه وبعدين كل واحده فينا تكمل مذاكره ...
كنا بنتكلم ف الدين كتير بس عمرنا م اتكلمنا عن النقاب ولا انا حتي قولتلها ازاي لبست النقاب ...
وفي يوم لقيتها جايه منهااااره جدا وفضلت تصلي وتعيط كتيييير ... سألتها مالك ؟؟؟ قالتلي في بنت ف اعدادي اسمها سلمي ماتت قولتلها ايوه عرفت الموضوع دا من واحده صاحبتي #ماهيتاب بس دا يا حبيبتي قدرها وهي عند ربنا دلوقتي ف مكان افضل ان شاء الله ....
قالتلي انتي عارفه انها كانت خلاص هتلبس النقاب ونزلت صورتها بيه ع الفيس بس مش لحقت تلبسه يا هدير 😭😭😭😭
تفتكري كدا هي عند ربنا لبسته يعني هي كانت في نيتها خلاص هتلبسه بس عمرها خلص 😭😭 تفتكري هي فرحانه عند ربنا دلوقتي 😭😭
مريم فضلت تعيط جامد وانا مش كنت عارفه اهديها لاني كنت مستغربه جدا تأثير ان سلمي اتوفت قبل م تلبس النقاب بأيام تقريبا ... خاصه ان انا ومريم يعتبر مش اتكلمنا ع النقاب ك حكم الشرع فيه ان كان فرض او سنه .... كانت بتحب شكله اوووي بس ....
واليوم دا يعتبر اول يوم نتكلم عنه ف عادي قولتلها ان انا حاليا مقتنعه انه فرض لاسباب كتير اهمها اننا ف زمن الفتن ....
مريم من وقتها بدأت تفكر ف النقاب بس مع الوقت نسيت شويه خاصه من رد فعل اهلها ف البيت انهم رفضوا النقاب تمااما بحجه انها لسه صغيره ....
لوقت وفاه #حياء الله يرحمها .... مريم شافت حياء بس وقت العصر ومشيت راحت درسها بسرعه مش لحقت تعرفها او تتكلم معاها ... ولما اتقابلنا بعدها حكيتلها اللي حصل وان البنت اتوفت ... مريم كانت مصدوووومه جدا من اللي حصل مع #حياء لدرجه انها بقيت من بعدها تتعامل ع ان الدور عليها هي وان وقتها قرب ينتهي ف الدنيا ....
كنت دايما اقولها ان دا احساس بيجي لاي حد فينا بيكون تحت ضغط كبير ان اللي حواليه بيموتوا ف طبيعي تحس بالموت قريب منها ....
مريم نزلت اشترت معايا اسدال الصلاه نوديه المسجد بدل اللي حياء كانت اخدته ومش عرفت ارجعه ....
يومها قالتلي انها هتشتري هي كمان واحد يكون صدقه جاريه عنها لما تروح عند ربنا :(
حياه مريم اتغيرت تماما بقيت اول م ادخل المسجد الاقيها مستنياني واول م تشوفني تقولي ازيك من غير م تبصلي حتي وتمسك شنطتي تطلع التاب تقولي ها في ايه جديد عندك وتفضل تقلب ف الفيديوهات والدروس اللي عليه ؟؟
كنت بضحك من طريقتها جداااا كنت بحب روحها طريقه كلامها البراءه اللي فيها واللي حاليا بقي نادر اننا نلاقيها ....
كنت بشجعها تسمع وتقرأ في الدين خاصه النقاب ... بس جيت ف مره وبطلت اكلمها عنه بسبب ان في بنت اكبر منها بسنه لبسته بعد وفاه #حياء بس للاسف قلعته :( كنت خايفه انها تلبسه وترجع تقلعه تاني وممكن يأثر ع نفسيتها :(
هي لاحظت بس انا قولتلها مش تاخدي الخطوه دي غير لما تكوني متيقنه انك هتفضلي متمسكه بيه للنهايه ... بقيت اتجنبها فتره مش عارفه ليه بس يمكن بس شده اقتناعي بإن النقاب فرض خاصه ف زمننا دا ... ف كنت خايفه اتكلم معاها ف تلبسه وترجع تقلعه تاني زي البنت التانيه :(
كمان هي اهلها كانوا معترضين تماما خاصه مامتها وكنت مش حابه يحصل عندها مشاكل ... كنت شيفاها بنوته صغيره لسه بدري عليها تشيل هم حاجه ويحصل مشاكل بينها وبين اهلها ...
اتفقت معاها نتكلم ف اي حاجه بعيدا عن النقاب وهي وافقت بس كان شرطها ان اول م ادخل المسجد تاخد النقاب بتاعي تفضل لبساه لحد م ننزل ... وقتها ضحكت ووافقت ... اول مره لبست النقاب بتاعي اخدتها ف حضني جامد وعيطت ... عيطت لانها مجرد م لبسته فضلت تحضنه وتعيط 😭😭 فضلت تقولي دلوقتي عرفت ليه سلمي كانت متمسكه تلبسه ... دلوقتي عرفت ليه #حياء اول م لبسته مش قلعته تاني خالص غير بعد م روحها طلعت عند ربنا 😭😭 فضلت تعيط بطريقه هيستريه ...
حضنتها وقولتلها لو ربنا كاتبلك تلبسيه صدقيني هتلبسيه ....
كانت بتفضل لبساه ومش بترضي ترفعه عن وشها غير قليل ... كنت بقولها انتي مجنونه الناس م بتصدق تدخل ف مكان مفيهوش اختلاط علشان ترفعه وانتي تفضلي لبساه !!!
كانت دايما تقولي ايه لازمتها بقي لو رفعته م انا كدا مش هحس اني لبساه :(
كانت دايما تعمل كأنها لسه جايه من بره وانها فعلا منتقبه وترفعه عن وشها وشويه وتتخيل كأن راجل دخل علينا ف تنزله بسرعه ع وشها ... كنت بفضل اضحك دايما ع طريقتها كانت اللهم بارك تدخل القلب بسرعه .... كمان كانت حركتها كتير ولما تيجي تذاكر تفضل رايحه جايه ف المسجد ... كان لينا ركن معين خاص بينا ف المسجد ...
كانت بتحب تتكلم مع اي بنت وتتعرف عليها خاصه المنتقبات ...
كان افضل ايامي هي الاتنين والخميس لما بقابلها ف المسجد ...
وكنا نخلص صلاه وننزل مع بعض ...
كنت بحس انها بتتحول ف الشارع ...
بتبقي ماشيه باصه ف الارض صوتها واااطي جداااا اللي يشوفها ومش يعرفها يتوقع انها بنت خجوله جدا ومش بتتكلم ولا بتخطلت بالناس ....
مريم بقت كدا بالظبط من بعد وفاه سلمي الله يرحمها ... كمان كانت بتقلدني ... كنا الاول لما نمشي ف الشارع كانت تعاكسني كأنها ولد بس كنت دايما اقولها النقاب هيربيكي واصلا فرض عليكي انتي بالذات بسبب اللي بتعمليه ف الشارع دا ... كانت تفضل تضحك كتير ... سألتها سبب التغيير قالتلي : يعني هو ولا نقاب ولا حتي اخلاق النقاب !!؟؟
قولتلها اولا المفروض ان اي بنت حتي لو مش محجبه اصلا تكون ماشيه ف الشارع مش صوتها عالي ولا بتضحك بصوت عالي ولا كدا ... ثانيا انا اكتر واحده مبسوطه علشان اترحمت من طريقتك وحركاتك طول م احنا ف الشارع 😂
كانت تضحك وتقولي ماشي لينا مسجد يلمنا 😀
كنت بحب اتعامل مع مريم والليذات الرداء الأبيض الرداء الأبيض او قريبين ف السن منها لاني كنت بحس فيهم نقاء وصفاء ف القلب وبراءه مش لقيتها ف اللي ف سني الا من رحم ربي ....
مريم بتكره كل وسائل التكنولوجيا والنت ... شايفه انها بتضيع الوقت .... عندها تسمع درس من شيخ ع الطبيعه ولا انها تسمع ع النت ....
بالنسبه للفيس كانت شايفه ان اللي ممكن تعمله ع الفيس ف انها تتكلم مع بنات عن الدين وكدا هيكون افضل لو اتكلمت ع ارض الواقع ....
مريم كنت حتي لو مضايقه جدااا بخفه دمها بتخرجني من اي موود انا فيه .....
اخر مره شوفتها كانت الاتنين اللي فات كنا بقالنا فتره مش اتقابلنا لان خروجي من البيت بقي محدود بسبب تعبي ف الفتره الاخيره كمان هي كانت ف اجازه من الدروس ....
اول م دخلت المسجد وف اخر سلام من ركعتين تحيه المسجد لقيتها قاعده ع شمالي .... مش كنت متوقعه اشوفها بس كنت اتمني جدا اشوفها خاصه اني مش مظبوطه نفسيا حاليا ....
اول م لقيتني خلصت صلاه لقيتها بتبصلي بطريقه غريبه وبتقولي النقاب مش فرض ع فكره وبدأت تتكلم عنه بطريقه غريبه ومستفزه ... قولتلها احنا متفقين مش هنتكلم عن النقاب ابدا ...
قالتلي طيب انا بس كنت حابه اعرفك انه اصلا مش فرض ف رديت عليها قولتلها مش هقولك اكتر من ان هيبقي ايه احساسك وانتي قدام ربنا بتتحاسبي واكتشفتي ان النقاب فرض !!!؟؟؟
قالتلي بااااااااس هو دا اللي كنت عاوزه اسمعه ...
قولتلها مش فاهمه !!!؟؟؟؟
قالتلي لو كنت قولتلك كلميني عن النقاب كنتي هترفضي ف اضطريت استفزك بس واهي جابت نتيجه الحمد لله 😃
مش كنت عارفه اقولها ايه بس ضحكت ع نظرتها وهي بتعمل نظرات شريره 😃 اتكلمنا بعدها ع النقاب كتير وبعد م صلينا العصر قالتلي تعالي نتصور 😉 قولتلها لا مش بتصور غير مع منتقبات 😜 كنت بهزر وقولتلها خلاص تعالي نتصور احنا عمرنا م فكرنا نتصور مع بعض اصلا ... ف قالتلي وعد المره الجايه هتلاقيني بالنقاب وانتي اللي هتتحايلي عليا اصلا تتصوري معايا ... بصيتلي بصه فيها تعالي وغرور بس طبعا بهزار وفضلنا نضحك كتير .... وحضنتني جامد وقالتلي بحبك اد الجنه ... فضلت اضحك ع تشبيهها ...
بعدها نزلنا وكل واحده مشيت ف طريقها انا ركبت وهي كملت للدرس بتاعها ....
انهارده قولت اني محتاجه اشوفها جدا خاصه اني متشوقه جداااا اشوفها بالنقاب لو كانت لبسته وكمان اطمن هي عملت ايه مع اهلها لاني كنت قلقانه من رد فعلهم ....
لبست ونزلت روحت المسجد وقولت يارب الحق صلاه العصر علشان اشوفها قبل م تنزل تروح الدرس كان في تقريبا صلاه جنازه ف قولت ربنا يرحم اللي اتوفي والحمد لله انكتبلي اخد ثواب صلاه الجنازه لاني اول مره اصليها ف حياتي ...
طلعت وقفت اصلي وحسيت بالموت انه قريب جداااا وان ع بعد امتار من مكاني في جثه من غير روح .... اتأثرت بالموقف جدا وخلصنا صلاه وفضلت ادور بعيني ع مريم ف لقيت واحده صاحبتها كنت بشوفها احيانا معاها بنوته هاديه دايما ع عكس مريم ... اول م شافتني قالتلي هدير ومجرد م نطقت اسمي لقيت واحده كبيره جات عندي وقالتلي انتي هدير !!!؟؟؟
قولتلها ايوه يا طنط انا هدير ...
قالتلي انتي اللي قولتي لبنتي هيبقي احساسك ايه لما تقفي وقت الحساب وتعرفي ان النقاب كان فرض !!؟؟
قولتلها قصدك مريم اه انا يا طنط هي كانت بتسألني ع النقاب .. ولسه مش خلصت الجمله لقيتها حضنتني وقالتلي الله يباركلك وفضلت تعيط ....
انا مش فاهمه حاجه خالص فضلت متنحه وكل اللي ف المسجد بيعيط بصوت يعتبر مش مسموع ....
لسه هسألها في ايه ...انا كل تفكيري اتشل ف الوقت دا
لقيتها بتقولي انتي عرفتي ازاي ان صلاه الجنازه عليها بعد العصر !!؟؟
صلاه جنازه !!!!؟؟؟؟ صلاه جنازه ع مين !!!؟؟؟؟
هي مريم فين يا طنط !!!؟؟؟
قالتلي مريم دلوقتي عند اللي احسن مني ومنك 😭😭😭😭😭😭😭😭😭
يعني ايه !! يعني مريم ماتت 😭😭😭 يعني مريم حصلت حياء وسلمي 😭😭😭😭 يعني خلاص مش هشوفها تاني ف المسجد 😭😭😭 يعني خلاص سابتني لوحدي ف اكتر وقت محتجالها فيه 😭😭😭😭
طيب والنقاب !!!؟؟؟
قالتلي انها لبسته يوم الاتنين اللي فات مش راحت الدرس بتاعها ورجعت ع البيت فضلت تعيط وقالتلي انها مش هتخرج من البيت تاني من غير النقاب لانها خايفه تموت زي سلمي البنت اللي ماتت بقالها كام شهر 😭 فضلت تعيط قولتلها انا اللي هتحمل ذنبك فدام ربنا انك مش لبستيه قالتلي هتيجي يوم القيامه وتقولي نفسي نفسي ولا هتعرفيني وانا اللي هتحاسب ... قالتلي هيكون ايه رد فعلك انتي كمان لما تعرفي ان النقاب كان فرض بس دا وقت الحساب قدام ربنا .. وفضلت تعيط كنت متأكده ان دا كلامك انتي لانها من اول م اتعرفت عليكي وهي دايما تقول هدير قالت هدير عملت ... واهي راحت اللي كانت بتقول 😭😭😭
يومها نزلت معاها واشترته ولبسته ف #دار_الصحابه قبل م نروح قالتلي هدير روحت البيت وهي لبساه وانا كمان هعمل كدا ...
فضلت مستنيه يوم الخميس علشان تقابلك ف المسجد بس راحت مش لقيتك كانت زعلانه بس كانت متأكده انك هتيجي يوم الاتنين اللي هو انهارده ... كان عندها درس الصبح وجات الضهر صلت و قالتلي هتنام شويه واصحيها قبل العصر علشان تروحلك المسجد ... دخلت اصحيها مالقتش فيها نفس 😭😭😭😭 كانت واخده النقاب في حضنها من اول م لبسته وهي بتعمل كدا مش كانت مصدقه انها خلاص لبسته 😭😭 بنتي راحت عند اللي خالقها وانا دلوقتي مطمنه ان وقت حسابها مع ربنا لو النقاب كان فرض هتبقي مرتاحه ... بنتي ماتت وهي ع سريرها من غير حتي م تحس بوجع ...
بنتي ماتت وانتي كنتي اخر اسم ع لسانها 😭😭😭😭
انا كل دا مش مستوعبه اصلا اللي بيحصل حواليا دموعي فضلت تنزل من غير م احس بيها 😭😭😭
مريم وعدتني اني هشوفها بس مش كنت اعرف اني هشوفها ف كفنها 😭😭😭😭😭
سبحان من قدرلي اني انزل انهارده واروح المسجد والا كنت عمري م هعرف عنها حاجه خالص 😭😭😭
مريم ماتت اه والله ماتت 😭😭 ماتت من غير م اودعها ولا اشوفها بالنقاب 😭😭😭 ماتت من غير اتصور معاها 😭😭😭 لو كنت اعرف كنت صورتها كل مره شوفتها فيها 😭😭😭
مريم ماتت ياللي بتقولوا ع نفسكوا لسه صغيرين وعاوزين تعيشوا حياتكوا 😭😭😭 ماتت البنت اللي لسه يادوب داخله 3 اعدادي 😭😭😭😭
الموضوع مش موضوع نقاب الموضوع موضوع عمر بيتسحب مننا واحنا مش حاسين بيه 😭😭😭😭😭
مريم خلاص راحت عند حياء وسابوني لوحدي 😭😭😭
مريم سلميلي ع حياء وادعولي اجيلكوا قريب 😭😭😭😭
انا مش كنت مستحمله وفاه حياء دلوقتي بقت مريم كمان 😭😭😭
رحمتك ياااااااااا الله 😭😭😭😭😭😭😭
3 بنات اتوفوا من طنطا ف اقل م 4 شهور ( سلمي & حياء & مريم )
اول ليله لمريم ف قبرها 😭😭😭😭
اللهم ثبتها عند سؤال الملكين 😭😭😭
اللهم آنس وحدتها ف قبرها 😭😭😭😭
اللهم برحمتك الواسعه ارحمها واعفوا عنها واغفر لها 😭😭😭😭
اللهم الحقني بهم عما قريب 😭😭😭😭😭😭
انا لله وانا اليه راجعون 😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭
################################
صلوا علي الحبيب المصطفي