قصص واقعية (لهدير ابراهيم)

من الرسايل

#من_الرسايل بخصوص قصة النهارده ❤ هدير إبراهيم

عارفه يا هدير لأول مره احس اني انا كمان حياتي زي قصصك والنهارده بس حسيت ان انا كمان اللي حصلي كان #معجزه !!

انا اتجوزت يا بنات وانا عندي 45 سنه من واحد بردو كان مطلق من غير اطفال بس مكانش عقيم زي قصة النهارده..

بس سبحان الله وهما مع بعض مكانش في حمل من غير اي سبب !!

هو اتجوزني وخلفنا وطليقته اتجوزت وخلفت بردو وربنا راضا قلوب كتير وطلاقهم مكانش شر لا ليهم ولا لغيرهم..

انا سمعت القصه من شويه وعماله افكر هو انا ازاي مشوفتش كل دا ان اللي حصلي #معجزه !!

سبحان الله جاتلي وانا في وقت تعبانه وعماله افكر انا عديت الخمسين سنه وابني لسه صغير كنت بقول يا ترى هعيشله واشوفه وهو عريس؟!💔

وكنت زعلانه ان ربنا ادهولي وانا كبيره القصه النهارده فوقتني ان ربنا عطاني نعمه ورزق من عنده غيري شافها معجزه..

ادعولي افرح بيه واتطمن عليه قبل م اموت وانا متأكده ان ربنا هيتولاه ❤

قصصك بتعلم الكبير قبل الصغير يا هدير الله يباركلك انت وصاحبات قصصك 💙

🎀🎀🎀🎀🎀🎀

مش اول واحده اشوفها تتجوز وتخلف بعد سن ال 40

ف حقيقي نفسي افهم ع اي اسااااااس بتفضلوا تسموا بدن البنات وترعبوهم مجرد م يقربوا م سن ال 30 حتى وتقولوهم مش هتتجوزا ولو اتجوزتوا مش هتخلفوا.. هل انتوا تعرفوا الغيب ؟!!!🤨

الناس بطلت تصدق وبقت تشوف كل دا مستحيل!!

الطب والعلم بيعجزوا قدام حالات كتير ربنا وحده فقططططط اللي قادر ييسر كل عسير..

ف ممكن تبطلوا قلق وتطمنوا قلوبكوا بحسن الظن واليقين !

دوروا في حياتكوا هتلاقوا مواقف لطف وجبر كتير م ربنا 💌

ويااارب الكل يخرج م رمضان بقلب وخاطر مجبورين❤

#هدير_ابراهيم

#حكاوي_هدير