هدير إبراهيم
#حسن_خاتمة !!
في جروب البنات اكتشفنا وجود بنات مسيحية و لادينين "مؤمنين ان في ربنا بس مش معترفين بالأديان" كتير واتشجعوا واتكلموا ونزلوا قصصهم ودا شجع بنت تانيه انها تنزل قصة #إسلام والدها وأهله..
اقرأوا الجمال دا👇
🎀🎀🎀🎀🎀🎀🎀
بمناسبة البنت المسيحية
انا والدي كان نصراني وأسلم قبل مايتزوج مامتي كان عنده ٧ اخوات ولاد وبنت وهو التاسع وكان باباه زي عمدة بلد كده َوكان له هيبة كبيرة ووالدته كانت رحمة الله عليها ست عايشة على فطرة الإسلام رغم أنها نصرانية وعلى الرغم من كده عمرها م راحت كنيسة ويوم وفاتها كانت المفاجأه انها نطقت الشهادة وواحدة صاحبتها قالت لهم انها كانت مسلمة بعد فترة من الصراع في راس والدي قرر يأسلم بعد م قرأ القرآن مرة خلال سنتين وكان كل آية يدور على تفسيرها ومن وهو في ٦ ابتدائي لما حضر مرة حصة دين وهو كان عنده اسأله كتير عن الإسلام وكبر وبقي شماس في الكنيسة لغاية لما تم ٢٣ سنة تقريبا ووقتها قرر وأسلم
وعاش لوحده لمدة ست شهور وكان على تواصل بأخته وبعد ست شهور أسلمت عمتي وعاشت معاه وبعد جدي اسلم وعاش مع والدي ووالدتي فترة وبعدين توفي
وعمتي تزوجت صديق أبي اللي كان نصراني بردو واسلم
ابي من يوم م دخل الإسلام عمره ماساب فرض والله اشهد الله اني ماشفت في حسن خلقه
٢ يونيو اللي فات أبي توفي في حضني
عمري ماتخيلت يعني ايه حسن خاتمة غير لما شوفتها بعيني يوم وفاته
بعد صلاة الفجر في اليوم ده كنت قاعدة معاه وكان تعبان مش عارف ينام فضل لغاية لما النهار طلع وبعدين قام قعد على السرير وفضل يذكر الله ويقرأ قرءان مع المقرأ على التليفزيون
وبعدين فضل يدعيلي وبص قدامه وفضل يضحك ويقول ماشاء الله الله أكبر
فضلت اقوله فيه ايه ي ابي ماردش عليا عرف وقتها انه بيحتضر وفضل كل شوية يتيمم ويصلي صلى كتير اوي وماعرفش كان بيصلي ايه
كنا يوم الاربع وبعدين على الساعة ١٠ ونص الصبح لقيته بيقولي الجمعة اذنت؟ عرفت وقتها انه تايهه وعنده هذيان مع انه كان كويس جدًا مش شخص كبير مثلاً وتايهه وكده
المهم اخواتي اجتمعوا حواليه وحكيتلهم اللي حصل فهموا انه خلاص بيودع
الضهر اذن يومها فاق كده وصلي الضهر والعصر جمع
نيمته على كتفي
وفضل يقرأ عليا هو مش حاسس
ساعتها نداني وقالي ادعيلي قولتله ربنا يشفيك ي ابي قالي لا قولي ربنا يدخلي الجنة
بدأ ينزل سائل من فمه بمسحهوله قالي لا ياحبيبتي مش تمسحي العسل بقوله عسل ايه ي ابي قالي عسل الجنة ياحبيبتي بقوله طعمه حلو؟ قالي ربنا يطعمك من العسل الجنة وبعدين بص قدامه وقالي جايين اهم
وفضل يقرأ اية " إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ"
ونطق الشهادة فوق مايقارب ال ٢٠ مرة وعطس اخر حاجة وراسه مالت في حضني وفاضت روحه اللي الخالق
كانت أول صلاة صلاها ابي في الإسلام كانت صلاة العصر واخر صلا هي صلاة العصر
يوم وفاته كان بعد م ادفن دفعات من الناس تدخل تصلي عليه بعد م ادفن ويمشوا ونلاقي دفعات تانية جاية تصلي عليه لغاية بعد العشا
ويومها شخص حلم بيه انه في غرفة مع النبي صل الله عليه وسلم بسمع قرءان وخاج من الغرفة دي وفي ايده مصحف
مش قادرة اقولك ا على كمية الوجع اللي حساها وانا بكتب البوست ده واد ايه هو وحشني بس على الرغم من ده فرحانه جدا بحسن خاتمته
ادعوله كتير بالله عليكم وتذكروه في دعائكم في رمضان
اول رمضان هييجي عليا من غيره كان أطيب واحن واكتر انسان خلوق في الدنيا وبيحب ربنا
ربنا يرزقنا جميعاً حسن الخاتمة💙💙
🎀🎀🎀🎀🎀🎀🎀
ربنا يرحمه ويغفرله ويجعل مثواه الفردوس الأعلى م الجنة❤
وعقبال م انزل قصص باقي البنات لما ربنا يمن عليهم بدخول الإسلام ❤
م وقت م قرأت البوست وم قبل م اقبله وجسمي بيقشعر وببكي.. ربنا يرزقنا حسن خاتمة يارب 💔
#حكاوي_هدير
#هدير_ابراهيم