عرفت ان البنت رغم صغر سنها الا انها بتحفظ قرآن لسيدات كبار
قولتلها اني مش حافظه حتى قصارى السور والمرات اللي صليت فيها كان بالفاتحه بس
بدأت تفضيلي جزء من وقتها وتقعد تحفظني انا بس وولا عمرها تعاملت معايا بطريقه منفره او تبين انها اعلى او افضل مني
وحتى لما كنت بلاقي صعوبه في حفظ سورة زي سورة الكافرون مثلا
كنت اوقات بعيط زي الاطفال لكن هي كانت بتاخد بإيدي وتحاول تهون عليا
فتره قليله وكنت اتعلمت الوضوء والصلاه الصحيحه وبدأت حياتي تاخد منحنى مختلف كان اهمها اني قويت قلبي بالله ورفضت اكمل في علاقه فاشله مأخدتش منها غير وجع القلب وبس وعرفت انه اصح قرار اخدته خاصة بعد م الشخص دا قالي ابقي تعالي تفي في وشي لو لقيتي حد يعبرك يا بايره
انتِ اصلا مش وش خير وصلاح انتِ بس عاوزه ترجعي تمشي ع حل شعرك م تاني !
كلامه وجعني جدا بس مبكتش وكتمتها في قلبي
بكيت بجد وقت م عرفت ان البنت كانت في اجازه لمصر فتره وراجعه لاهلها تاني
كنت اول مره اتعلق بحد اوي كدا واول مره حد يغير في حياتي بالشكل دا وفي فتره زمنيه قليله جدا
المهم انها كانت كل مهمتها قبل م تسافر انها تسيبني وسط صحبه صالحه وبين ايدين مُعلمة تقدر تفهمني وتاخد بإيدي
وقد كان ولأول مره احس اني لقيت أُم مش بس مُعلمة..تعاملها وحنيتها معايا كانت تفوق أمي بمراحل للأسف
ف بقيت ملازمه ليها طول الوقت وهي أول واحده اطلقت عليا لقب رضوى أم عيون خضرا 😃 وتقريبا مفيش حد في المسجد كله الا وكان بيناديني باللقب دا😃
تعلمت التجويد وكل أحكامه واخيرا حفظت جزء عم بالكامل
اه لو تتخيلي كان حال المسجد ايه في اليوم دا
عملولي حفله كبيره وكأني ختمت القرآن كامل مش مجرد اني بس حفظت جزء اعتقد غالب الاطفال حفظينه
بس كأن ربنا عوضني وانا في السن دا بكل الفرح والسعاده دي..
وفي يوم لقيتهم بيقولولي انهم اشتركولي في مسابقة قرآن المسجد منظمها
رفضت جدا طبعا، اللي هو مسابقة ايه اللي ادخلها بجزء عم بس وانا عندي 30 سنه ! كدا هبقى اضحوكه للناس كلها
بس كعادتها مُعلمتي وقفت جانبي وقدرت تقنعني وعلمتني درس اني مستهونش ابدا بحفظي لآيه واحده بس حتى من كلام ربنا..
وقد كان ويوم المسابقه كنت مستنيه دوري وانا جسمي كله بيرتعش
والحمد لله كان حظي مع شيخ كبير وحسيت براحه اول م قعدت قدامه
سألني حافظه اد ايه قولتله جزء عم
وهنا لمحت شاب م ضمن المسؤلين عن المسابقه بيضحك واللي وجع قلبي ان كان قدامه بنت صغيره بتمتحن وهي كمان كانت بتضحك
كنت هبكي ان هما اكيد سمعوا اني هسمع جزء عم بس واكيد البنت تبارك الله ممكن خاتمه القرآن اصلا..
بدأت انتبه لشيخي وانا مش مركزه بس اول م لمحت معلمتي من بعيد بدأت استعيد تركيزي وبفضل الله الشيخ قالي ان تسميعي ممتاز جدا
والحمد لله ربنا كمل فرحتي واخدت المركز التاني في الفئه دي
واخدت معاه همه ونشاط ومكنتش اعرف ان المسابقه دي جاي معاها #جبر تاني مختلف تماما وبالتأكيد غير متوقع!!
أهم حاجه معلمتي كانت علمتهالي هي الاستغفار وكثرة الصلاه ع الرسول
الصلاة ع الرسول مكنتش حاسه ان لساني بس اللي بيرددها لا انا كنت برددها بقلبي كمان
ومكنتش مصدقه نفسي ابدا لما صحيت تاني يوم المسابقة وانا عيني وقلبي بيبكوا من الفرحه
انا اخيرا حلمت بالرسول
كنت شايفه نفسي قليله اوووي ف ازاي احلم بيه لحد م معلمتي اكدتلي اني فعلا شوفته وانها رؤيه وفضلت تكررلي ابشري
وكانت فعلا البشرى بعد حوالي 10 م المسابقه اتقدملي شخص وبمجرد م قال لوالدي انه عن طريق مسجدي قلبي فرح مش عارفه ليه
بس عرفت وقت م قعدت معاه اول مره اللي هي مكانتش اول مره اشوفه فيها
لانه طلع نفس الشخص اللي كان قاعد وبيضحك وقت مسابقتي المهم انه وضحلي سبب مختلف نهائي لضحكه وهو ان البنت الصغيره قالتله: ايه دا بص دي رضوى أم عيون خضرا
ف ضحك من لقبي وطريقة نطق البنت ليه..
وبعد م زال سوء الفهم اتكلم معايا عن نفسه وانه في اجازه وقربت تنتهي وبيحاول يمدها وبغض النظر انه معرفش يمدها
بس كنا في ايام قليله اتخطبنا وكتبنا الكتاب بفضل الله
وكانت من بعدها اجمل البشريات بفضل الله وهي مكالمة أحمد ليا وهو بيتنطط من الفرحه اني وش السعد والخير عليه ومن بين فرحته وكلامه فهمت ان شغله وافق ع نقله #المدينة .. مدينة رسول الله..
قبل المكالمه دي بأيام كانت تاني مره ليا أحلم بالرسول بس مكنتش اعرف انها رساله اني بعد شهور قليلة هيكون سكني جانبه واني هقدر ازوره في اي وقت !!
أحمد قالي انه كان حلم شبه مستحيل انه يتنقل للمدينه بس كان طبق كلامي لما قولتله في مره اني كل م اقع في مشكله او اتمنى حاجه بصلي كتير ع الرسول صلى الله عليه وسلم..
وبفضل الله حياتي أنا وهو وحتى الآن ماشيه ع الحال دا
وولا كنت أحلم في يوم اني اوصل للحال اللي انا عليه دلوقتي بداية من التزامي في صلاتي وصولا لنقابي وخاتمي لكتاب الله ❤
قصتي ممكن تكون اقل م قصص ناس كتير وصلت بس انا حبيت اشارك معاكم لعلها تكون رسالة اطمئنان وطبطبه ع قلب احداهن..
ورجائي منك وم كل اللي يسمعها او يقرأها انه يباركلي في زوجي واطفالي ونقدر نربيهم تربيه صالحه
كمان ان ربنا يقبض روحي في مدينة رسول الله واُدفن فيها ❤
🌸🌸🌸🌸🌸🌸🌸🌸🌸🌸
كل ما تتمنى حاجة وتشوف تحقيقها اقرب للمستحيل صلي على الرسول 💌
#هدير_ابراهيم
#حكاوي_هدير
صلوا علي رسول الله
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
من_كتر_خطابها_
ابدأ من البداية
