قصص واقعية (لهدير ابراهيم)

الالحاد

بس خلصت ونمت ع طول ،صحيت الصبح عادي جدا ، ونسيت اللي حصل الفجر ،
بس ربني منسيش !!
ومن اليوم دا بدأت حياتي في #التغيير ،
اليوم دا كان 4 فبراير 2015 ،،
احداث كتير وتغيرات مرت مش وقت سردها علشان مطولش ،
بس ليوم 18 فبراير 2015 رجعت للاسلام بفضل الله ورددت الشهاده وبدأت اصلي طبيعي ،،
صليت الفجر وفضلت اقرأ قرآن واذكار لوقت #الضحى صليت ودعيت دعاء مكنتش اعرف انه هيغير كل حياتي وهو
قولت يارب اجعل مني البنت #المسلمه اللي تكون راضي عنها في المظهر #الخارجي و #الجوهر كمان ،،
دعيت الدعاء دا في كل سجده وسلمت م الصلاه ، لقيت فكره مسيطره ع تفكيري بطريقه رهيبه وهي #النقاب !!
انا اتخضيت اصلا نقاب ايه !؟ انا بكره النقاب والمنتقبات ، وعلشان ابدأ ارجع عن تفكيري دا محتاجه وقت واني اقرأ كتير عنه ،،
كل معرفتي بالنقاب اني بكرهه وبس ،
ف ازاي فجأه هلبسه ، طيب واهلي اللي مستحييييل يوافقوا عليه !؟
فضلت قاعده كل م النقاب يجي في بالي اهز راسي جامد اللي هو لا ابعدي ابعدي ، نقاب ازاي بس !؟
بس الفكره خلااااص م التفكير حسيت نفسي تفكيري اتشل مفيش غير فكرة النقاب بس اللي في بالي ،،
قولت خلااااص يارب لو النقاب هو اللي هيقربني منك ويقربني م الجنه #يسرلي الحال اني البسه ( وتفكيري اني مثلا هلبسه بعد شهر شهرين سنه المهم اهو اخدت القرار ودعيت )
لبسته في نفس اليوم 🙂 حتى يومنا هذا اقسم بالله م اعرف ازاي ، ولا جبت القوه دي منين ،
بس دا كان تيسير ربنا ،،
واجهت اهلي والعيله والجيران وجيران الجيران ، صحابي كلهم تقريبا بعدوا عني 🙂
ببعد صحابي عني حسيت اني اتكسرت :(
بس طلع ان كل دا كان خير بفضل الله ، بقيت مع ربنا وبس ،،
في نفس الشهر ربنا كرمني #بمقرأه غيرت كتير من حياتي وكانت خطوه مهمه ، اتعلمت هناك الدعاء ،
عرفت قيام الليل اللي غير ومازال بيغير في حياتي 😍
سمعت لاول مره في حياتي جملة #الصحبه_الصالحه،،
دعيت ربنا بصحبه صالحه ، بعتلي كل الناس اللي عرفتها ع الفيس واكرمني جداااا ،،
لما الناس بعدوا عني وانا اتمسكت بربنا اكتر ورضاه ، رضا عني الناس وادخل في قلوبهم الحب من ناحيتي 😍

كتير ناس بتسألني هو انتي ازاي وليه #مشهوره ع الفيس ، كنت بقولهم كانت بس دعوه في سجده بالصحبه الصالحه ، اللي بفضل الله تقريبا كل صُحبتي الصالحه كانت من هنا ع الفيس بوك والباقي كان من #المعهد ❤

حياتي كانت بتتغير بسرعه رهيييييبه جدا لدرجة ان اهلي واصحابي كانوا متوقعين اني #هموت قريب !؟
مريت بحاجات كتير وابتلاءات واختبارات ،
اوقات بتحمل واصبر ، واوقات باضعف ،
بس اول م كنت بضعف كنت بفتكر ع طول ان ربنا برحمته اداني فرصه جديده للنجاه من النار ،
ازاي اعصيه او ابعد عنه ولو لحظه ، كنت برجع اسرع واقوى م الاول ،،

من رحمة ربنا بيا اني بطلت ( اغاني وتليفزيون ) من قبل رجوعي للاسلام ،
ولا مش علشان حرام اكيد ، دا بس كان بسبب اني كنت كل م بسمع اغنيه او اتفرج ع التليفزيون كنت بفضل ابكي وبس ومكنتش بقدر آخد نَفَسي اوقات ، او تحصلي كارثه ،
ربطت كل دا بالحاجات دي ف بطلتها ،،
الا حاجه واحده كانت ادمااااان وهي #المسلسلات_الكوريه 🙂
بس في الفتره دي مكانش عندي وقت افكر فيها اصلا كنت معميه عنها ، وفي نفس اليوم اللي فكرت فيه هل هي حرام اشوفها او لا ،
كان عندي محاضرة تفسير في المقرأه ولقيت الدكتور بيقول ان ( من ترك شيئاً لله عوضه الله خيراً منه ) وان ربنا هيعوضه عنها في الجنه كمان ، ف قررت اتركها لله واقسم بالله تفكيري وقتها اني اكيد هشوفها في الجنه 😂 ودا ساعد اكتر اني ابعد عنها ، بعد م كان ممكن اخلص مسلسل كامل في نفس اليوم ع اليوتيوب ،،
حياتي مازالت بتتغير ، وتغييرها سريع ،كنت قررت احفظ #القرآن ، بس كان في حاجه بيني وبينه ،
مكنتش فاهمه ايه هي لوقت كنت بقرأ فيه #الورد بتاع القرآن عادي ولقيت نفسي بقرأ بسرعه جدا علشان اروح اكمل قراءة #روايه لسه مخلصتهاش ،،
وقفت للحظه عند ايه معينه وحسيت اني بموووت ،،
انا بهرب من كلام ربنا علشان اقرأ كلام بشر !؟
قلبي متأثر بكلام بشر ومفيش ادنى تأثير للقرآن عليه !؟
كنت وقتها الفجر ، صليت ودعيت في الصلاه ودعيت ربنا يبعد قلبي عن اي حاجه تبعدني عن طاعته ،،
صحيت الصبح #كارهه الروايات بطريقه مش ممكن حد يتخيلها ،
ومن يومها ليومنا هذا ولا مره حنيت حتى لقراءة روايه واحده بفضل الله ، بعد  م كنت مداومه ع قرائتها من ابتدائي !!
وكانت #مكافئة ربنا ليا اني التزمت في حفظ القرآن 😍😍 اتعلمت كتييير جدا ومريت بحاجات كتير،لوقت م ربنا من عليا بالمعهد اللي كنت هموت وادخله 😍
المعهد دا بقى نقلني نقله تانيه خااالص ، اتعلمت فيه ( عقيده & فقه & تفسير & سيره & منهجية طالب العلم وهي مادتين " من هدي السلف و كيف تقرأ كتاب " & ودا بجانب القرآن طبعا 😍)
المعهد والشيوخ اللي فيه غيروا كتير من تفكيري ، واخدوا بإيدي لحاجات كتير جدا ،،
الشيخ كان بيملينا بجانب اسماء ومراجع كتب دينيه كمان كتب في الشعر والادب علشان ننمي موهبة القراءه والكتابه ،،
اتغيرت كتير بفضل الله ، وبسبب مادة #من_هدي_السلف قررت ان حياتي تكون ماشيه ع #خُطاهم ،،
فكرت كتير #ابن_القيم او ابن الجوزي .. الالباني .. الشيخ الذهبي .. ابن كثير ...... الخ
الناااااس دي زايده عني فيه ايييه علشان مش اكون زيهم ؟؟
هما كانوا ازيد في الطاعه والخوف من ربنا والقرب منه ،،
قررت اني خلاص كدا او كدا الدنيا مش مكان للراحه يبقى لازم اتخطى كل دا في سبيل حاجه واحده بس وهي #الفردوس 😍
لا انا مش عاوزه اي مكانه في الجنه انا بسعى لاعلى درجه فيها بإذن الله 😍

بدعي ربنا دايما يبعد قلبي عن اي حاجه تشغلني عن طاعته بطلت ( انيميشن بموسيقى او من غير & روايات & اناشيد اسلاميه بعد م توصلت تماما انها #بدعه عن الصوفيين ، وقرأت فتاوي ابن عثيمين والالباني وغيرهم عنها .... الخ

مجرد م #تمكن القرآن من قلبي اصبحت حياتي بفضل الله جنه ،، واصبح يومي كله فيه قرآن ، خاصةً ان مع حفظي بحفظ اطفال الجيران 😍❤

وآخرهم #الفيس_بوك قررت الغيه تماما ودا عاوز بوست مفصل لوحده هنزله اكيد بإذن الله ❤

بغلط وهغلط لاني بشر ،  بس متمسكه بإن ربنا ابدا م #هيضيعني بعد كل دا 😍

ودلوقتي دي #نبذه بسيطه ومختصره جدا عن حياتي في سنتين ،،
اللي بتكتب الكلام دا واحده كانت خلاص لو ماتت هتدخل النار لواحده بفضل الله همها وسعيها كله لرضا الله و نيل #فردوسه 😍
كنت عايشه من غير امل وشايفه حياتي ملهاش اي تلاتين لازمه لواحده عندها احلام واهداف وطموحات كتير بإذن الله #احققها 😍

عرفتوا ليه بعمل كل دا ، عرفتوا ليه ممكن في سبيل رضا ربنا اتخلى عن اي حاجه في الدنيا لمجرد ان بس فيها #شُبهة حرام !!

#فاللهم_حسن_خاتمه
#واللهم_فردوسك_الاعلى_من_الجنه 😍
#احبكم_في_الله ❤❤

مسلم او مسلمه احمدو ربنا حتي لو انتو بعاد كل البعد عن ربنا اياكم وترك الاسلام كل شئ يغفر ال الكفر حتي لو بتعمل ذنوب الدنيا اعلم انه غفور رحيم لكن لا تترك الاسلام ده اهم شئ لا تتكلمو وتبررو لانفسكم اي شئ لترك الاسلام مهم كان الذنب الذي تفعلونه
ثبتنا الله

##############################

صلوا علي الحبيب المصطفي