قصص واقعية (لهدير ابراهيم)

إذا اعطي ادهش الله

بس ربنا كان رازقني بحب طلب العلم اللي كان بيشغلني أوقات كتير عن كل دا ، كان ليا هدف عايشه علشانه وحلم عاوزه احققه لأمي ..
كمان اتعلمت وعرفت نعمة الرضا واني ابص لنص الكبايه المليان ،
ايوه انا اتحرمت م أب وهو لسه ع قيد الحياه بس ربنا عوضني بأحن خالين في الدنيا ، كانوا بيحسسوني حرفيا ان الدنيا لسه بخير ،
ايوه معنديش اخوات بس ولاد خالي اصبحوا ليا اكتر م الاخوات ..
كبرت وانا بفضل الله تفوقي بيكبر معايا ، لكن ف الجانب الديني كانت للأسف الصلاه مش بإنتظام ، القرآن م رمضان لرمضان ، اللبس الى حد ما كويس بس مش شرعي اللي يرضي ربنا ...
الظروف كانت بتسوء اكتر مش عارفه ليه رغم كل دا ورغم تفوقي العلمي ،
يمكن كنت محتاجه استشعر وجود ربنا معايا ، يمكن قلقي الزايد ع مستقبلي ، يمكن ابن خالي الي كنت بعتبره أخ وفجأه اكتشفت انه عاوز يتجوزني !!
يمكن زوجة خالي اللي كانت بتحاول تظهرلي انها كويسه في حين ان اوقات كتير كان لسانها يخونها وتظهر حقدها عليا ، وانها مش عاوزاني اكون احسن م بناتها ، او ازاي يعني اني اتجرأ وارفض ابنها !!!!
تخيلي كل دا مريت بيه وانا ف الثانويه العامه !!
وكملت بإني سيبت ماده ، واضطريت اني اقسم السنه ع سنتين ،
وقتها تعبت نفسيا جدا بإني ضيعت سنه م عمري ، واني ازاي وانا كان مستوايا كويس يحصل فيا كدا ،
وأمي اللي تعبت جدا بسببي ، والناس اللي شمتت فيا ، لدرجة ان منهم ناس كانت بتتكلم يسم البدن وفي وشي عادي جدا ...
ربنا ابتلاني في الحاجه اللي كنت بأجل قربي منه بسببها ، وهي اني اتفوق في الدراسه وادخل كليه عاليه الاول وبعدين اقرب منه.  اللي هو ع اساس قربه مثلا هيشغلني عن دراستي !!

بس السنه دي انا بحمد ربنا عليها الى الآن ، لان كان عندي وقت فراغ لأني قسمت المواد ع سنتين ، ولان الناس كلها كانت شمتت فيا ووجعتني ، ف مكانش عندي غير ربنا الجأله !!
كنت مأجله اي حاجه ليها علاقه بربنا م لبس شرعي لحفظ قرآن لإلتزام بالصلاه لكل حاجه تقربني منه لما بعد فتره الثانويه ، ونسيت اني ممكن اموت ف أي وقت !!
وفي السنه الفاضيه دي بدأت اقرأ في الدين ، بس مكنتش بحب القراءه ف بدأت بالكُتيبات الصغيره وشويه شويه بدأ قلبي يتعلق بالله اكتر واكتر ، وقبل نهاية السنه كنت قررت البس #ملحفه !!
ولكِ ان تتخيلي كم الهجوم اللي واجهته كان ازاي ، ووصل الأمر ان أمي قالتلي ان قلبها مش راضي عني :(
بس لأنها عارفه اني عنيده وطالما قررت خلاص هنفذ ، نزلت بنفسها معايا واشتريت اللبس ولبسته ،
ومفيش يومين وربنا رضاها ورضا قلبها عني 😍
وكملت دراستي وتعلم ديني ، ومرت السنه .. ودخلت كلية الطب بفضل الله ،
وحصل تغيير تاني لقلبي وهو ان بدأ قلبي يحب !!
ودا حرفيا م اصعب اللي مريت بيه في حياتي ، انا كنت رافضه تماما اني احب او اتعلق بشخص غير زوجي ، لكن قلبي بإيد ربي !!
كنت شايفه الحب مضيعه للوقت واني لازم اركز ع هدفي وحلمي وبس ،
كنت عايشه في صراع نفسي ، حاولت اتجنب تعلقي بالشخص دا بس ازاي وانا كل صلاه اسمع صوته ف الآذان وصوته وهو امام للمصلين !!
ازاي وهو الكل بيشهدله بأدبه واخلاقه وعلمه !!
بس كنت بردد لنفسي ان مينفعش اتعلق بيه او احبه ، ويمكن يطلع هو مش بيحبني ، وانا مقدرش اتحمل وجع القلب دا 💔
وبعد م دخلت الكليه اللي كنت بحلم بيها مشوفتش راحه خالص ، بالعكس تعبت جدا جدا ومعرفش السبب ، حاجات كتيييير حصلت ف وقت واحد ،
سنتين ع الحال دا ، تعب جسدي ونفسي وفشل دراسي ،
بس الفرق اني برغم كل دا كنت بقرب م ربنا اكتر واكتر ، ولو كان كل التعب دا سببه ان ربنا يجعلني اقرب منه ف الحمد لله ع كل الابتلاءات دي ...
خطر ع بالي ف الوقت دا فكرة اني ارتدي #النقاب بس محصلش للأسف ، وكنت بغار م اي منتقبه ، كنت بحسها اكتر عفه وحياء مني :(
وقدرا ف في حد عملي منشن في قصة #حياء الله يرحمها واللي خلتني انهارت م البكاء ، وقفلت الفيس وانا مقرره اني هالبس النقاب ، وفعلا بفضل الله لبسته اول يوم رمضان لسنة 2015 😍
وكملت ف حياتي وقعت كتير واتوجعت واتعلمت ، مبقاش يفرق خلاص ف حياتي وجود أب او أخ ولا قريب او صديق ، اهم حاجه ان ربنا معايا وبس ...
كنت بحلم بالشخص اللي قلبي اتعلق بيه ، حتى لو مكنتش بفكر فيه بس دايما كنت بشوفه في احلامي ، وكنت بقول ان دا اكيد م الشيطان ،
كنت بحاول اتجنبه بأي شكل ، كنت لما اطلع م بيتي يفضل وشي في الارض لآخر الشارع علشان حتى النظره الاولى اللي هي مش حرام متحصلش لاني مدركه توابعها !!
اخت الشخص دا  واللي هي كانت صاحبتي صدمتني ف يوم بإنها عرفت ان هو كمان قلبه متعلق بيا ، بس بيحافظ عليا وبيتقي الله فيا .. كان بيطلبني م ربنا يا هدير 😍
كان عاوز يكون معايا علشان يعوضني عن الأب والأخ وينسيني كل وجع م ع قلبي .. بس كان عاوز كل دا #بالحلال 😍
كنت متخيله ان ارتباطنا هيكون صعب لأنه م عيلة والدتي ، وكدا ممكن والدي اللي هو ملهوش اي مكان في حياتي اصلا انه يعترض او يرفض :(
لكن سبحان ميسر الأمر مجرد م اتقدم لخطبتي ربنا يسر الحال بطريقه ادهشتني وتمت خطوبتنا في خلال 24 ساعه بفضل الله ..
ومنتظرين لسه فرحتنا الأكبر ونكون مع بعض ويجمعنا بيت واحد ❤
فالحمد لله حتى يبلغ الحمد منتهاه .. ربنا كرين يا هدير وبيعوض ،
ربنا ابدا م بيظلم حد ..
الحمد لله أمي حاليا فرحانه جدا ببنتها وخطيب بنتها ، وحاسه ان ربنا عوضها بيا وان سنين عمرها م ضاعتش ع الارض زي م الناس كانت بتقول ..
الحمد لله انا كنت ولا زلت عندي حسن ظن كبير في ربنا ، وبأذن الله هيعوضني اكتر واكتر بأولادي اللي اسأل الله ان يكونوا صالحين ❤❤

**********************************

بما ان انهارده البنوته صاحبة القِصه اكملت 3 سنين ف النقاب ف مبارك يا جميله وربنا يثبتنا واياكِ يارب ❤ وتكتمل فرحتك وفرحتنا بزواجك عاجل ليس بآجل ...

#حياء حبيبتي الشهر دا هيكون مر ع وفاتها 3 سنين ، ف ربنا يجعل قبرك روضه م رياض الجنه اللهم امين ... ووحشتيني وأوي 💔

كل بنت بتدعي وبتتمنى شئ م ربنا ، بإذن الله هحققلك افضل ك تتمنين فقط احسني الظن به ❤

#رمضان_مبارك
#أحبكم_في_الله ❤❤❤

صلوا علي الحبيب المصطفي