لحد م في يوم وقعت ع الارض اغمى عليها ،
ومن وقتها بدأ موضوع الاغماء دا يتكرر ،
وتخيلي اني ولا مره قولتلها تروح تكشف ،
لوقت م الموضوع بدأ يزيد معاها طلبت تروح للدكتور ،، وبعد م جات لمحت ع وشها ابتسامه كنت بقالي كتير مشوفتهاش ،
هي ايوه كانت دايما تبتسم في وشي بس كانت ابتسامات حزينه الا المره دي ،،
وتفتكري سألتها ع سبب ابتسامتها او عملت ايه عند الدكتور ،،
لما لقيتني مش مهتم قالتلي هي ان الدكتور طلب منها تحاليل كتير لانه شاكك ان عندها
#الكانسر !!!!!
انا متوقع رد فعلك وصدمتك وحزنك عليها وانتي بتقرأي كلامي دا ،
بس تأكدي ان رد فعلي وقتها كان اقل من رد فعلك دا تماما ولو حتى بنسبة 1% منه ،
معرفش انا ازاي قلبي كان بالقسوه دي عليها ،
بس كل اللي طلع مني اني #هاجمتها تخيلي !
قولتلها مقالكيش بالمره هتموتي امتى !؟
طبعاً هي اتصدمت ، قولتلها مش دا اللي انتي عاوزاه علشان تخلصي مني ومن حياتك التعيسه معايا !؟
مش دا اللي كنت بتدعي بيه في كل صلاه وانتي بتعيطي !؟
مش دا السبب اللي مخلي ضحكتك من الودن دي للودن دي !؟
بصتلي بدهشه وكنت حاسس انها مش قادره تاخد نفسها ،
سابتني ودخلت اتوضت وفضلت تصلي وتعيط في الصلاه لحد م نامت ع سجادة الصلاه ،،
اختصارا للكل دا ربنا مقدرش انها تتعب كتير واتوفت بعدها بشهور قليله ،
وعاوز اقولك ان ولا مره حضرت معاها جلسة كيماوي ،، ولا حتى كنت بتابع معاها اي حاجه ،
لدرجة ان اهلها طلبوا انها تقعد عندهم لكن تخيلي ان هي اللي رفضت دا لحد م اتوفت ،،
صدقيني يا استاذه هدير انا معرفش جاتلي منين قسوة القلب دي ،
بس هقولك ان جزء كبير من دا كان سببه اهلي وتربيتي ،،
كانت دايما امي تقولي من قبل م اتجوز ان قوة الراجل في عدد ولاده ، عارف انك هتستغربي من الجهل والتفكير الغبي دا ،
بس بعد جوازي كانت امي تقولي اني اتجوز عليها وكانت تشيلني منها ، وتقولي سكوتك عليها خلى الناس تشكك في رجولتك ،
ف كنت بكره مراتي اكتر وقسوتي ليها بتزيد وكأنها فعلا السبب في كدا !!
تخيلي ان يوم وفاتها بالليل امي طلبت مني اتجوز ، كانت فاكره ان صبري ع مراتي هو اني بحبها وكانت تقولي انها عملالي عمل 😏
وقتها عرفت انا جايب قسوة القلب منين ،،
نسيت اقولك حاجه مهمه ،
مراتي قبل وفاتها طلبت مني اني لو افتكرتها امسك مصحفها واقرأ منه قرآن ،
وطلبت مني لو اهلها طلبوا ياخدوا حاجتها مصحفها بالذات يفضل موجود وكانت دايما تشدد على كدا ،،
مراتي بقالها سنه ونص متوفيه وفي نص رمضان اللي فات بالظبط شوفت مصحفها ومعرفش ايه خلاني امسكه ،
واول م فتحته لقيت في ورقه ، كانت ورقه مكتوبه بخط ايديها !!
كانت سيبهالي انا ،،
هصورلك الورقه وابعتهالك اقرأيها انتي بنفسك ،،
ولحد هنا انا خلاص خلصت ، ومش لاقي حاجه تانيه اقولهالك بس تأكدي ان كل اللي كان في حياتي كان حاجه واحساسي بعد م قرأت الورقه دي كان حاجه تانيه خالص ،،
تخيلي اني اكتشفت اني كنت بحبها وان كل قسوتي دي كانت حب ،
عارف انك اكيد دلوقتي بتقوليلي بعد ايه او مش هتصدقيني بس والله دي الحقيقه ،
احيانا الخوف بيقسي قلوبنا ،
كنت خايف انها تسيبني او تعايرني او حتى تكون بتشفق عليا ،
معرفش بجد بس اللي متأكد منه اني محستش بقيمتها الا لما ضاعت مني ،،
اسف ان كلامي مش مترتب بس زي م قولتلك كان لازم احكي
طلب اخير اتمنى منك تدعيلها انتي وكل اللي هيقرأ الكلام دا
بالرحمه وان ربنا يعوضها خير في الجنه عن كل اللي شافته في حياتها ،،
ومش هقولك ادعيلي ان ربنا يجمعني بيها في الجنه لانها تستحق شخص افضل مني وانا م استحقش واحده زيها بجد ،،
سلام عليكم
ESTÀS LLEGINT
قصص واقعية (لهدير ابراهيم)
Espiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
