ولو كنت فاكره ان حياتي قبل كانت #تعيسه ف اللي حصل بعد اليوم دا كان افظع #كابوس مر عليا في حياتي كلها !!
اكتشفت اني حتى وانا مش متدينه ولا اعرف حاجه عن الدين بس سبحانك ربي تحسي ان مجرد انك بتحملي لقب #مسلمه بس بيمنع عنك حاجات كتيييييير جدااا ،،
لو كان عندي ذرة حياء او احترام لنفسي ف هي راحت كلها في الفتره دي ،،
طبعاًاتجوزت الشخص دا ع الطريقه بتاعته ف انا كدا مراته بدون بقى لا ورقه ولا حتى شهود ولاوغيرهم ،،
وان دا قرارنا ومفيش حد ليه دخل في خصوصياتنا واختيارتنا ،واتجوزنا طبعاً بدون علم اهلنا ،،
لو فرضاً وسألتي ازاااي اعمل كدا وكان فين عقلي هقول تاااني اني كنت خلاص ماشيه ورا قلبي وبس ، وكنت شايفه ان حياتي كدا كدا ضايعه ف عادي هيحصل اكتر من كدا ايه ف #اعيشلي يومين 😏
وطبعاً اتعرفت على اصحابه والعالم اللي هما فيه وافكارهم وبقيت مقتنعه بيها جدا وعملت حاجات ابشع في حق #ربنا وكل دا تحت اسم #العقل و #الحريه 😏😏
وبعدين اكتشفت ان ليه علاقات ببنات كتييييير ،
باردو بيبدأ معاهم بموضوع الفكر والحريه لحد م يجيب رجليهم لنفس مصيري !!
وبالمناسبه هما كتييييير ومتستغربوش البعد عن الاهل وعدم وجود رقابه وقبل كل دا البعد عن #الدين بيعمل اكتر من كدا للأسف :(
طبعاً خلاص اللي جاي بعد كدا معروف وهو انه مجرد م #اخد مني اللي هو #عاوزه بدأ #يتهرب مني ،،
تفتكري اني بعد الصدمه دي بدأت افكر #بعقلي !؟
اللي حصل هو العكس تماما ، كنت شايفه اني خلاص دمرت نفسي وكنت بلوم اهلي وبحملهم مسؤلية اللي حصل معايا مش بس كدا انا بدأ تفكيري يوصلني اني انتقم منهم ، بس الحقيقي اني كنت بنتقم من #نفسي وبضيعها اكتر !!
اصبحت علاقتي بالشخص دا انه بقى يشوفني كل م يكون #محتاج_ليا ،، اصبحت علاقتنا #علاقه_جسديه وبس ولما لقى مني ان مفيش اي رد فعل بالعكس انه بمجرد م بيكلمني بجري عليه زي بالظبط #الكلب اللي بتضربه وتدوس عليه وبعدين ترميله حتة لحمه ب يجري عليك ،،
انا كنت شايفه نفسي اسوأ من الكلب ، بس خلاص انا #ضعت ومفيش سبيل للرجوع !!
فضلت حياتنا على الحال دا #سنه_ونص بالظبط ،، وطبعاً اهلي ولاااا يعرفوا حاجه ولا بيدوروا اصلا
وبالتأكيد مش ثقةً فيا لا طبعاً دا ترييح دماغ وطالما اسمك خارجه للكليه وراجعه من الكليه خلاص 😏
لو سألتي عن احساسي في الفتره دي هقولك اني كنت بكره نفسي وبكره اني مجرد فكرة #بنت ، وان دا اللي خلا واحد زي دا يشوفني في صورة #جسم بياخد منه غرضه واحتياجه وبس !!
الغريبه واللي مقدرتش افهمه وقتها اني كنت بحب الشخص دا او بمعنى اصح كنت بوهم نفسي بحُبه ،،
كنت شايفه ان خلاص مفيش امل في حياتي كنت بوهم نفسي اني من غيره هموت !!
والحقيقه هي ان ربنا كان #بيعاقبني وان وجودي مع الشخص دا هو اسوأ من الموت ،،
وبجد دا اقرب مثال ل #الحب_لغير_الله_مذله ، واللي حصل معايا ابشع بكتييييير من الذل !!
YOU ARE READING
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
زمن المعجزات
Start from the beginning
