Dear Ex-Boyfriend

Yohan

Yohan

Tick. Tock. Tick. Tock.

"Leon dude!!! Late ka na sa trabaho!" sigaw ko sa kanya pagkabukas ko ng pinto ng kwarto ko na kasalukuyan niyang inookupa.

"FUCK!" gulat na sabi niya at napabalikwas ng gising. Muntik na akong matawa sa hitsura niya. Ngayon ko lang siya nakitang ganito. Inabot niya ang kanyang cellphone na nakapatong sa unan na katabi niya. "Shit. Bakit hindi nag-alarm?"

"Joke lang," tumatawa kong sabi. "YOLO."

"Yohan, I'm gonna fucking kill you," banta niya na puno ng iritasyon ang mukha. Muli siyang humiga sa kama at tinakpan ang mga mata gamit ang braso. Puyat parin talaga ang loko.

Nangingiti akong sumandal sa gilid ng pintuan at tinignan siya. Dahil unit ko ito, kailangan niyang maging mabait sa akin. Tsk. Kung bumait nga lang sana siya, mas maganda sana. Nadagdagan lang ng limang porsyento ang pasensya niya simula nang lumipat dito si Janin. Pero hindi na masama. Ngayon ko lang na-kontrol nang ganito ang kaibigan ko. Natutuwa ako sa mga nangyayari.

Sa mga nangyayari ngayon, sobrang nagiging interesante ang mga araw ko. Lalo na kapag nakikita ko sila ni Janin na naghaharap. Kung makikita lang ni Leon ang sarili niya sa harap ng ex niya.

Pfft. I better not let him know about this. Kailangan ko lang pigilan ang sarili ko na tumawa sa tuwing nakikita ko ang pinapakita niyang expression kapag hindi siya pinapansin ni Janin o sa tuwing tinatarayan siya nito.

Gusto kong maawa sa kanya pero... Napalingon ako sa sofa na nasa sala. Nandoon parin ang unan at kumot ko. Tsk. Namimiss ko na ang kama ko.

Tumunog ang alarm niya sa cellphone.

"Dude, nag-luto ako," anunsyo ko.

Inalis niya ang takip niya sa mga mata at tumingin sa akin. Bakas parin ang iritasyon niya sa mukha niya.

"Sorry na dude, alam mo naman na namimiss ko na ang kama ko. Bakit kasi hindi ka nalang umupa ng unit dito? Meron pa naman sa second floor."

Hindi siya sumagot. Mali. Hindi siya makasagot. Interesting. Nadagdagan ang tuwa ko.

"Oo nga pala!" agad kong sabi habang pinipigilan na matawa. Nag-ingat ako sa tono ng pananalita ko dahil alam kong masasapak na ako nang tuluyan ni Leon kapag pinagtawanan ko siya. Kaya naman tinuring ko nalang na parang ito ang sagot sa problema ng lumalalang ekonomiya ng bansa. "Kapag ginawa mo 'yon, masasabihan kang stalker ni Janin. Ayaya~ Hindi niya pwedeng malaman na sinusundan mo siya. Talagang hindi pwede."

"I'm not in the mood to talk about this, Yohan. Besides, I offered you a new condo but you refused it." Tukoy niya sa unit na gusto niyang ibigay sa akin kapalit ng unit na ito. Maganda rin sana na lumipat doon pero hindi ko palalagpasin ang pagkakataon na ito para panoorin ang paghihirap ng kaibigan ko. This bastard. Ngayon lang siya naging ganito.