Parang mga nakuryenteng pusa sina Mina at Rose dahil sa kilig. Nakakuha kasi sila kanina ng double proposal mula sa mga classmates naming sina Timothy at Brenan.
ARA: Akala ko ba, ayaw niyo sa manliligaw ng isa't isa?
MINA: Sino bang aayaw sa ginawa ni Timothy ko!
ROSE: At ni Brenan ko!
MINA & ROSE: Nakakakilig kaya! (At sabay na naghagikhikan)
ARA: Eh ikaw naman, Stacey? Baka nagpropose na rin si Deane, hindi ka lang ng nagku-kwento.
AKO: Hindi ah. Hindi pa siya nagpo-propose.
ARA: Kasing-kupad din ng pagong 'tong si Deane! Baka kailangan na namang i-push namin 'yan ni Kasper!
AKO: (Natawa na lang) Okay lang, ano ba kayo! Hindi naman kailangan ng date para maging masaya ako sa araw na 'yun.
ARA, MINA & ROSE: Mukha mo, Stacey!
AKO: (Napahawak sa pisngi) Bakit? Anong meron sa mukha ko?
ARA: Hindi ka pupunta ng prom na walang ka-date!
MINA: At hindi kami papayag kung hindi si Deane ang ka-date mo!
ROSE: Itatakwil namin kayo pareho kapag hindi kayo nagtino!
Napaatras ako palayo sa kanilang tatlo. Parang nagiging bayolente na yata sila kapag ang pinag-uusapan ay kaming dalawa ni Deane.
CONTINUATION...
Pagkatapos ng practice kanina, nagpasya ang buong barkada na mag-merienda muna. Medyo napasarap ang pagkukwentuhan kaya hindi namin namalayan palubog na pala ang araw.
Buti na lang, nag-prisinta si Deane na ihatid ako pauwi. Nailibre pa nga niya ako ng ice cream at pagkatapos ay sabay na kaming naglakad sa daan...
AKO: Deane...
DEANE: Hmmm?
AKO: Hindi ka pa naman nagpo-propose sa ibang babae, 'di ba?
DEANE: (Napatingin sa akin) Wala akong balak mag-propose sa ibang babae.
AKO: Kung ganun, tayo na magka-date!
DEANE: (Biglang nabulunan. Nahulog pa 'yung ice cream niya sa semento)
AKO: Hala! Ano ka ba naman, Deane!
DEANE: (Mala-planggana pa rin sa laki ang mga mata na nakatingin sa akin)
AKO: Sayang 'yung ice cream...
DEANE: Inaaya mo ako sa prom?
AKO: Oo. Pinilit ako nina Ara eh.
DEANE: Pinilit ka nilang mag-propose sa akin?
AKO: Hindi. Pero dapat daw tayo ang magka-date.
DEANE: Yecats naman! (Biglang napasapo sa noo niya at ginulo ang sariling buhok) Syempre, hindi talaga ako papayag na iba ang maka-date mo. Pero sana hinintay mo ako! Inunahan mo ako eh! Ako dapat ang magtatanong sa'yo!
AKO: Seryoso? Eh ba't ang bagal mo?
DEANE: Humahanap ako ng magandang moment! Gusto ko maging best proposal 'yun!
AKO: (Natawa na lang at tinapik siya balikat) Hindi ko na kailangan 'nun. Basta tayo na mag-date para wala nang daming kaek-ekan gaya ng napapanood ko sa school.
DEANE: (Hindi pa rin maipinta ang mukha)
AKO: Ayaw mo yata eh? (Kunwari malungkot)
DEANE: Oy! Ano na namang pinagsasabi mo? Gustung-gusto ko kaya!
AKO: E'di tapos na ang usapang ito. Yey! (Nauna na akong maglakad ulit)
Oh ayan! Ang daling natapos ng problema, 'di ba? Si Deane na talaga ang makaka-date ko sa prom.