အခန်း(၄၇၁)
ရှုယန် ဖြစ်စေ၊ ဖုန်ကျယ်ယွီဖြစ်စေ၊ ထျန်းပေါင်ကို တင်းကြပ်တဲ့ ကျင်းကျင်းဖြစ်စေ... သူဘာဖြစ်ခဲ့လဲဆိုတာ မမေးခဲ့ဘူး။ သူတို့က သူက တကယ် နိုင်ငံခြားကို ရှုခင်းကြည့်ဖို့ သွားသယောင် ဟန်ဆောင်ခဲ့တယ်။
မိဘတွေအနေနဲ့ သူ့ကို သူတို့ စိုးရိမ်ပါတယ်။ ဖြစ်ခဲ့တာတွေကို ထျန်းပေါင်ကို တိုက်ရိုက် မမေးပေမယ့် တခြားနည်းနဲ့ သူတို့ သိရှိနိုင်ပါတယ်။
ဖုန်ကျယ်ယွီက ထျန်းပေါင် C နိုင်ငံ သွားတဲ့အချိန်မှာ သူ့ကို တစ်ယောက်တစ်ယောက်အား စောင့်ကြည့်ခိုင်းထားခဲ့တယ်။ ဒါကြောင့် ဘာဖြစ်ခဲ့မှန်း သူတို့သိတယ်။
" ကိုယ်အခုပဲ ဖုန်းပြောခဲ့တယ်။ ထျန်းပေါ်က C နိုင်ငံရောက်တော့ လျိုစီချန်းနဲ့ လမ်းခွဲခဲ့ပြီး ကျောင်းမှာ သူ့ကောင်မလေးကို သွားရှာတယ်တဲ့။ သူ့ကောင်မလေးက သူနဲ့ မတွေ့ခဲ့ဘူး။ သူနဲ့တွေ့ဖို့ သဘောမတူခင် ထျန်းပေါင် နှစ်ရက်စောင့်ခဲ့ပေမယ့် သူမက ကောင်လေးအသစ် ခေါ်လာတယ်တဲ့။ သူတို့က နှစ်ကုန်မှာ စေ့စပ်ထားပြီး ဘွဲ့ရပြီးရင် လက်ထပ်မှာ "
ဆိုလိုရင်းကတော့ ထျန်းပေါင် အသဲကွဲခဲ့တယ်ပေါ့။ ရှုယန် နောင်တအပြည့်နဲ့ ခေါင်းခါလိုက်တယ်။ သူတို့နှစ်ယောက်က ဂျူနီယာတန်း ဒုတိယနှစ်ကနေ စီနီယာ အထက်တန်းကျောင်းတက်စဉ် တစ်လျှောက်လုံး ၅ နှစ်နီးပါး အတူရှိခဲ့တယ်။
ဒီမိန်းကလေးကတော့ အဆင်ပြေနိုင်လိမ့်မယ်လို့ သူမတွေးခဲ့တယ်။ အဆုံးမှာတော့ ဘွဲ့ရပြီးနောက် လမ်းခွဲခြင်းရဲ့ ကျိန်စာကို မလွတ်မြောက်နိုင်ခဲ့ဘူး။
" အဆင်ပြေပါတယ်။ သူက ငယ်သေးတယ်။ နည်းနည်းကြာပြီးရင် သူ ကျော်လွှားနိုင်လိမ့်မယ်။"
ထျန်းပေါင်က အကောင်းမြင်တတ်တဲ့ လူမျိုးဖြစ်ပြီ မကြာခင် ပြန်ကောင်းလာလိမ့်မယ်လို့ သူတို့တွေးခဲ့တယ်။
ရလဒ်အနေနဲ့ သူက ပိုပို တိတ်ဆိတ်လာပြီး တက်ကြွမှု ပျောက်ဆုံးကာ စိတ်ဓာတ်ကျလာခဲ့တယ်။
ဖုန်းကျယ်ယွီ ဒီပုံစံကို သည်းမခံနိုင်တော့ဘူး။ ဖုန်ကျယ်ယွီ အကြီးအကဲဆီကို အကူအညီလှမ်းတောင်းပြီး ထျန်းပေါင်ကို စစ်ထဲထည့်လိုက်တယ်။
YOU ARE READING
သူဌေးလက်သစ်၏ ဇနီးဟောင်း 🍀ဘာသာပြန်||completed||
RomanceTitle ➪ Transmitgated into a parvenu's Ex-wife in the '90s(TPE) Author(s)➪ Xue Ye English Translator(s)➪Fringe Capybara Status in COO ➪148(completed) ★It's not mine. ★Credit to original author and english translator. ✩✩✩✩✩
