အခန်း (၂၁၈) - "ဘော့စ် သောက်ခဲ့တာလား" (1)
အစကတော့ ဖုန်ကျယ်ယွီလို့ ထင်ပေမယ့် ဟူရွေ့ယန် ဖြစ်နေတယ်။ သူမ ဟူရွေ့ ရွှယ်ကို လှည့်ကြည့်လိုက်ပေမယ့် ဟူရွေ့ယန်လာမယ်ဆိုတာ မသိတာ ထင်ရှားတဲ့ သူမ မျက်နှာပေါ်က ဝေခွဲမရတဲ့ ပုံစံကို မြင်လိုက်တယ်။
" အဆင်ပြေမယ်လို့ မျှော်လင့်ပါတယ်" ဟူရွေ့ယန် ပြုံးလိုက်တယ်။ " ရှောင်ရွှယ်ဖုန်းပြောတာသာ မကြားမိရင် မင်း ဒီနေ့ ရွေ့မယ်ဆိုတာ သိမှာမဟုတ်ဘူး။ ကိုယ့်ဘာသာကိုယ် ဖိတ်ခေါ်လာတာကို မင်းစိတ် မရှိဖို့ မျှော်လင့်ပါတယ်။
"မဟုတ်တာ စိတ်မရှိပါဘူး။ ဝင်ပါဦး" ရှုယန်နည်းနည်း အံ့ဩသွားပေမယ့် သူ့ကို အထဲဝင်ခွင့်ပြုဖို့ ဘေးဖယ်ပေးလိုက်တယ်။ ဒီမှာရှိနေတဲ့သူတွေက ဧည့်သည်တွေ မဟုတ်ကြတော့ ပျော်စရာနေ့မှာ ဘယ်သူ့ကိုမှ ငြင်းစရာအကြောင်း မရှိဘူး။
ဟူရွေ့ယန် ထိုင်လိုက်ချိန်မှာ တံခါးဘဲလ် ထပ်မြည်လာတယ်။ ဒီတစ်ခါကတော့ ဖုန်ကျယ်ယွီပါ။ သူ့ကို မြင်တော့ လောင်ဟူနဲ့ လင်းဟွေ့နှစ်ယောက်လုံး အံ့ဩသွားကြတယ်။ ဖုန်ကျယ်ယွီက ရှုယန်ကို တစ်ခါ ကယ်ခဲ့ဖူးပြီး သူတို့ အချင်းချင်း သိကြတယ်ဆိုတာ လောင်ဟူ အမြဲသိတယ်။ သူဘာသူ ချက်ချင်းပြန်မှတ်မိသွားတယ်။ တစ်ဖက်က လင်းဟွေ့ကတော့ အချိန်အကြာကြီး ကြက်သေသေနေတုန်းပဲ။
ကလေးတွေ ကျောင်းအပို့အကြိုနေ့တိုင်းလုပ်တာအပြင် အလုပ်ကိုပဲ သွားတဲ့ ရှုယန်က ဖုန်ကျယ်ယွီ နဲ့ ဘယ်လိုဆက်စပ်သွားမှန်း သူမ နားမလည်နိုင်ဘူး။
" ကျန်တဲ့လူတွေလည်း အချင်းချင်း သိပြီး လောက်ကြပါပြီ။ အခုမှ ရောက်လာတဲ့ ဒီမိတ်ဆွေသစ်နှစ်ယောက်က အရင်က မဆုံဖူးလောက်ကြဘူး မို့လို့ သူတို့နဲ့ မိတ်ဆက်ပေးပါရစေ။ ဒါက ဟူရွေ့ ရွှယ်ရဲ့ အစ်ကို ဟူရွေ့ယန်ပါ။ ဒါက ဖုန်ကျယ်ယွီပါ။ သူက အရင်က ကျွန်မနဲ့ ကျွန်မကလေးတွေကို ကူညီပြီး ကျွန်မအသက်ကို ကယ်ခဲ့တယ်။" ရှုယန် ဖုန်ကျယ်ယွီ အကြောင်းကို ဖိပြောလိုက်တယ်။
ဖုန်ကျယ်ယွီ ရှုယန်ကို ကြည့်လိုက်တယ်။ အများဆုံးမှာ သူ သူမကို အချိန်တစ်ခုကြာ ကာကွယ်ပေးခဲ့တာပါ။ ဘယ်လိုလုပ် သူမအသက်ကို ကယ်တင်တာ ဖြစ်သွားရတာလား။
YOU ARE READING
သူဌေးလက်သစ်၏ ဇနီးဟောင်း 🍀ဘာသာပြန်||completed||
RomanceTitle ➪ Transmitgated into a parvenu's Ex-wife in the '90s(TPE) Author(s)➪ Xue Ye English Translator(s)➪Fringe Capybara Status in COO ➪148(completed) ★It's not mine. ★Credit to original author and english translator. ✩✩✩✩✩
