စာစဉ် 26 Chapter 376 ရေပန်းစားမှု တိုးလာခြင်း
သုံးမှတ်တန် ပစ်ချက်တိုင်းက လူတိုင်း၏ ရင်ကို တုန်လှုပ်သွားစေပြီး ထိုဖြစ်စဉ်က ထပ်ခါတလဲလဲ ဖြစ်ပျက်နေသည်။ ကိုရီးယားနိုင်ငံမှ ကစားသမားများအားလုံး ကြံရာမရ ဖြစ်နေကြသည်။
သုံးမှတ်တန် ပစ်ချက် ဆယ်ခါတိတိ ရလာသဖြင့် အမှတ်က ၁၃၆:၁၃၆ ဖြစ်လာသည်။ သရေ ဖြစ်နေလေပြီ။
ရဲ့လင်းချန်သည် နောက်ဆုံးပစ်ချက်ကို အလျင်စလို မပစ်ပေ။ သူသည် အေးအေးလူလူ ဘောလုံး လျှောက်ပုတ်နေပြီး လူတိုင်းအား ထိုင်ခုံမှနေ၍ ဖင်တကြွကြွ ဖြစ်အောင် ပြုလုပ်နေသည်။ နောက်ဆုံး စက္ကန့်တွင် ဘတ်စကက်ဘောလုံးက သူ့လက်ထဲမှ ထွက်သွားလေသည်။
အားလုံး၏ အာရုံစိုက်နေသော အကြည့်အောက်မှာပင် ဘောလုံးက လေထဲ၌ လှလှပပ ဝဲပျံနေပြီး ကွင်းထဲသို့ ဝင်သွားသည်။
"ဝိုး"
တရုတ်လူမျိုးများ ဝမ်းသာအားရ ဟစ်ကြွေးလာပြီး အားလုံး တုန်ယင်နေသော ခန္ဓာကိုယ်များဖြင့် ထရပ်ကြသည်။
ဝန်ကြီးချုပ်ဖန့်နှင့် အခြားသူများသည် သူတို့၏ အသက်ရှူနှုန်းကို ထိန်းချုပ်ရန် ကြိုးစားသော်လည်း သူတို့၏ စိတ်လှုပ်ရှားနေသော နှလုံးသားအား တည်ငြိမ်အောင် လုပ်နိုင်စွမ်းမရှိ ဖြစ်နေလေသည်။
ကိုရီးယားလူမျိုးများသည် ခုံ၌ ထိုင်နေကြပြီး ရဲ့လင်းချန်၏ ပြောင်မြောက်သော စွမ်းရည်ကို အံ့အားသင့် နေကြသည်။
"ရဲ့လင်းချန်၊ ရဲ့လင်းချန်၊ ရဲ့လင်းချန်"
လူအုပ်ထဲမှ တစ်စုံတစ်ယောက်က ဦးဆောင်၍ ဟစ်ကြွေးလာပြီးနောက် တစ်ခဏအကြာတွင် အားလုံးက ရဲ့လင်းချန်၏ နာမည်ကို အော်ဟစ်ကြကာ အားလုံးနီးပါး မျက်ရည် ကျနေ၏။
"ဖျပ် ဖျပ်"
သတင်းထောက်များစွာတို့သည် သူတို့၏ ကင်မရာများကို ရဲ့လင်းချန်ထံ ချိန်၍ ကင်မရာကို တဖျပ်ဖျပ် ရိုက်နေကြလေသည်။
သတင်းထောက်များ သူ့ထံ လာနေသည်ကို မြင်ပြီး ရဲ့လင်းချန်က အားလုံးကို လက်ဝှေ့ယမ်းပြကာ လူအုပ် ကြားထဲမှ ငါးတစ်ကောင်သဖွယ် တိတ်တခိုး ထွက်သွားလေသည်။
YOU ARE READING
ကျုပ်က ပါရမီရှင် (Chapter 201-400)
FantasyDisclaimer: I don't own this story! I'm just translating this book. All full credit to Original Author!! English Title : I am a prodigy Original author: Rugao Under The Bridge Original Chapter: 795 (Completed) ⚠️This is not BL⚠️
