စာစဉ် 18 Chapter 269 Box Office ၌ တားဆီးမရတော့ခြင်း
လူတိုင်း မသိလိုက်မသိခင်မှာပင် အမျိုးသားနေ့က တိတ်ဆိတ်စွာ ကုန်ဆုံးသွားလေသည်။
အားလပ်ရက်တစ်လျှောက်လုံး စိတ်ဝင်စားစရာ အကောင်းဆုံး အဖြစ်က ဟော်ရန်ကျား၏ box office မှ စွမ်းဆောင်မှုပင်။
ဟော်ရန်ကျား၏ အောင်မြင်မှုက box office တွင် အပြတ်အသက် ပွက်လောရိုက်နေ၏။ မည်သည့်နေရာဖြစ်စေ၊ မည်သည့် ရုပ်ရှင်ကုမ္ပဏီဖြစ်စေ ရုံတိုင်း၌ လူများဖြင့် ကျပ်ညက်နေသည်။
အမျိုးသားနေ့ အားလပ်ရက် ခုနစ်ရက်အတွင်း ဟော်ရန်ကျား၏ box office ရလဒ်က သန်းငါးရာ ကျော်နေပြီ ဖြစ်သည်။ ဟော်ရန်ကျားသည် အစက ရလဒ်မကောင်းခဲ့သောကြောင့်သာ ဤမျှ ရခြင်းဖြစ်သည်။ သို့မဟုတ်ပါက ထို့ထက် ပိုများလောက်သည်။
ငါက သူရဲကောင်းမှာမူ အစပိုင်း အောင်မြင်မှုက အားလပ်ရက် မတိုင်ခင် နှစ်ရက်အလို၌ မြင့်တက်လာသော်လည်း ခုနစ်ရက်ကြာသော် box office ၌ ဆိုးရွားသွားခဲ့သည်။ ၎င်း၏ နာမည်က ပို၍ ဆိုးရွားလာပြီး box office ၌ စုစုပေါင်း သန်းကိုးဆယ်ကျော်သာ ရခဲ့လေသည်။
ရုပ်ရှင်ကား နှစ်ကားသည် ရုံမတင်ခင်က အချင်းချင်း ရန်လိုခဲ့သည်။ ရှစ်လေ့က ဝိုင်၏ ကွန်ဖူးကို ခနဲ့ခဲ့ပြီး ဝူဟန်က ဝိုင်ကို ရန်ရှာခဲ့သည်။ ချန်ဖုန့်ကလည်း လီထိုက်နှင့် မတည့်ပေ။ ထိုအဖြစ်အပျက်များက ရုပ်ရှင်နှစ်ကားလုံး အတူ ယှဉ်တွဲ၍ ရှိမနေနိုင်ကြောင်း သေချာသွားစေသည်။
သို့သော် ဟော်ရန်ကျားက ငါက သူရဲကောင်းကို ရက်ရက်စက်စက် ဖျက်ဆီးနိုင်လိမ့်မည်ဟု မည်သူမှ ထင်မထားမိပေ။
ယင်းက ရုပ်ရှင်နယ်ပယ်တစ်ခုလုံးအား ပွက်လောရိုက်သွားစေသည်။
လူသစ်တစ်ယောက်က ရေးသော ဇာတ်ညွှန်းတစ်ခု၊ ရုပ်ရှင်လောကထဲသို့ ဝင်ခါစ ဒါရိုက်တာ၊ အောင်မြင်မှု မရှိတော့သော ရုပ်ရှင်ကြယ်ပွင့်များ၊ ကြယ်ပွင့်များပင် မဟုတ်သော သရုပ်ဆောင်များ စသည်တို့က ဤမျှ အရည်အသွေး မြင့်သော ရုပ်ရှင်ကားတစ်ကားကို ထုတ်လုပ်နိုင်ခဲ့ပါတကား။
![](https://img.wattpad.com/cover/341091002-288-k813802.jpg)
VOCÊ ESTÁ LENDO
ကျုပ်က ပါရမီရှင် (Chapter 201-400)
FantasiaDisclaimer: I don't own this story! I'm just translating this book. All full credit to Original Author!! English Title : I am a prodigy Original author: Rugao Under The Bridge Original Chapter: 795 (Completed) ⚠️This is not BL⚠️