စာစဉ် 19 Chapter 278 ဝိုင်နတ်ဘုရားထံမှ သုံးပြည်ထောင်ကို လေ့လာခြင်း
ရဲ့လင်းချန် စိတ်အေးကာ သက်ပြင်းချလိုက်ပြီးနောက် ခေါင်းခါ၍ မချိပြုံး ပြုံးလိုက်သည်။
ထင်ထားသည့်အတိုင်းပင် သူ၏ လက်ရှိ ရုပ်ခန္ဓာ အခြေအနေအရ သေနတ်များကို မယှဉ်နိုင်သေးချေ။
ရှစ်ဆပြင်းထန် သားရဲလေ့ကျင့်ခန်းသည် အလယ်အလတ်အဆင့်သို့ မကြာသေးခင်မှ ရောက်ထားခဲ့ခြင်း ဖြစ်သည်။ သူ လေ့ကျင့် ရသော အချိန်က အကန့်အသတ်နှင့် ဖြစ်သဖြင့် သူ့ခန္ဓာကိုယ် တိုးတက်မှုကလည်း အကန့်အသတ်နှင့် ဖြစ်နေသည်။
အကယ်၍ ပိန်ပါးပါးလူသာ ရဲ့လင်းချန်ကို အဆက်မပြတ် ပစ်နေပါက သူ ဆက်၍ ရှောင်တိမ်းနေရလောက်သည်။ ကံကောင်းစွာဖြင့် ထိုလူ၏ အာရုံကို စကားဖြင့် လွှဲထားနိုင်ခဲ့ပြီး သူ့အနားသို့ လျှပ်တပြက် ကပ်သွားနိုင်ကာ ခပ်ပြင်းပြင်း တိုက်ခိုက်လိုက်နိုင်ခဲ့သည်။
သို့သော် သာမန်သေနတ်များက သူ့အတွက် အသေးစား ခြိမ်းခြောက်မှုသာ ဖြစ်သည်။ သူ့ဦးခေါင်းကို ဘေးကင်းအောင် ထားနိုင်ပြီး ပြင်ဆင်ချိန် ရှိသရွေ့ သူ့ကိုယ်တွင်းမှ ကြွက်သားများကို ချိန်ညှိချင်းဖြင့် အပစ်ခံရခြင်းမှ ဟန့်တားနိုင်ကာ အရေးပါသော ကိုယ်တွင်းအင်္ဂါများ ပစ်ခတ်ခံရခြင်းမှ ရှောင်တိမ်းနိုင်ပေမည်။ အပစ်ခံရမည်ဆိုလျင်တောင်မှ ဒဏ်ရာ ကြီးကြီးမားမား ရစေမည် မဟုတ်ပါ။ ထို့အပြင် သူ၏ တိုးမြင့်လာသော ကိုယ်ခံအားကြောင့် သူ အသာလေး ပြန်ကောင်းလာနိုင်သည်။
ရဲ့လင်းချန်သည် သူ့ခန္ဓာကိုယ်အား အနည်းငယ် မကျေမနပ် ဖြစ်နေဆဲပင်။ သို့သော် ဤသတင်းသာ အပြင်သို့ ပေါက်ကြားသွားပါက မရေတွက်နိုင်သော လူများ၏ စိတ်ကို ရူးမတတ် ဖြစ်သွားစေမှာ သေချာလှသည်။ သူ၏ လက်ရှိအဆင့်အရ သူသည် သာမန်လူသား တစ်ယောက်ထက်ပင် ကျော်လွန်နေလေပြီ။
ဖူလုံတောင်မှ လမ်းလျှောက်ထွက်လာပြီးနောက် လမ်းပေါ်တွင် ကားပိတ်ခြင်း တိုးလာ၏။ တက္ကစီတစ်စီးကို တား၍ နံပါတ်တစ် တောင်စမ်းရေ အိမ်ရာသို့ တန်းပြန်လိုက်သည်။
ČTEŠ
ကျုပ်က ပါရမီရှင် (Chapter 201-400)
FantasyDisclaimer: I don't own this story! I'm just translating this book. All full credit to Original Author!! English Title : I am a prodigy Original author: Rugao Under The Bridge Original Chapter: 795 (Completed) ⚠️This is not BL⚠️